Jonás 1:3 - Bible in Tzotzil de Chamula

³ Le' une, ma'uc laj xch'un ti Jonase. C'ajomal no'ox lic jatavuc ech'el ta stojol ti Diose. Bat ta ti' nab Jope ti bu xloc' x'och ti barcoe. Laj sta jcot barco ti ta xa xloc' batel yo' ta xbat ta jteclum Tarsise. Lic stoj sbe, ta xbat ti bu c'alal taje.

Bible in Tzotzil de Chenalhó with Deuterocanon

³ Pero li Jonase ijatov loq'uel ta stojol li Muc'ul Diose, chbat ox ta lum Tarsis. Jech te iyal batel ta Jope, la stsac batel jun barco ti chbat ta Tarsise. Te la stoj spasaje, i'och batel, co'ol ibatic xchi'uc li boch'otic chbatic ta Tarsise, yu'un tsc'an ti nom xa oy ta stojol li Muc'ul Diose.

Jonás 1:3 Iomraidhean Croise

Génesis 3:8

Ta mal c'ac'al ti c'alal yorail ja' o xjumet ti iq'ue, ti vinique ti antse laj ya'iic ta xanav ta yut ts'unubal ti Dios ti ja' Ajvalile. Bat snac' sbaic ta anil ta yut te'etic ti ta ts'unubaltique.

Génesis 4:16

Jech ti Caine loc' batel ti bu laj sc'opon sbaic xchi'uc ti Diose. Bat nacluc ta Nod ti oy ta sloq'ueb c'ac'al yu'un ti Edene.

1 Reyes 19:3

Ti Eliase laj sna' ti xu' ta stsutsesate, bat ta Beerseba ta yosilal Judá yo' jech ta spoj sba. Laj yicta comel smosov ti bu taje.

1 Reyes 19:9

Ti c'alal c'ote, laj stic' sba ochel ta jun nail ch'en, ti ech' yu'un ti ac'ubale. Ja'uc ti yaj'ánjel Diose bat sc'opon ti xi laj yalbe ya'ie: “¿C'usi ta xapas li'e, Elías?”

2 Crónicas 2:15

Jech o xal un, yojtot, taco talel ta stojol avajtunel ti trigoe, ti jchop o ta trigoe, ti aceitee, xchi'uc ti vino ti avaloj ta xavaq'ue.

2 Crónicas 2:16

Ti vu'uncutic une ta jliquescutic ta slomesel ti te' ti jaytos ta xtun avu'un ti oy ta Líbanoe. Ta cajancutic ech'el ta nab, ti c'otuc ta Jopee. Ta jech yepal un, lic xa baino ti bu taj une yo' ta xa'ich'bat ech'el ta Jerusalén.”

2 Crónicas 9:21

Ti barcoetic yu'un ti ajvalil ti ta xbatic ta Tarsis xchi'uc yajtuneltac ti Hirame, jten ta xc'ot ta jujun to ox-ox jabil. Yich'ojic talel ti oroe, ti platae, ti c'upil sba saquil tone, ti maxetique, xchi'uc ti c'upil sba tsequetel tuluc' mutetique.

Esdras 3:7

Laj taj une, lic yac'beic taq'uin ti j'albanyiletique, ti jch'ul-te'etique, xchi'uc laj yaq'uic ve'lil, uch'bolal, xchi'uc aceite sventa ta stunesic ti j'abteletic ti liquemic talel ta Tiro xchi'uc ta Sidone, sventa ta sloq'uesic talel ti ch'ut te' ta Líbanoe, ti ta scajanic ech'el ta nabe yo' jech ta xc'ot ta Jope, ti c'u s'elan yac'oj ye sti' ti Ciro ajvalil yu'un ti Persiae.

Job 1:12

Ti Diose xi laj stac'be ti jtic'-mulile: —Lec oy un cha'e, ba paso avil ta stojol scotol ti c'usitic x'ayan yu'un ti Jobe, ti mu'yucuc c'usi chopol xapasbe ti stuque. Ti jtic'-mulil une loc' batel ta stojol ti Diose.

Job 2:7

Ti jtic'-mulil une loc' ech'el ta stojol ti Diose. Laj stacbe talel jun chamel ta sbec'tal ti Job ti ech'em chopol ta jmeque. Bolol no'ox liquel ta sjunul sbec'tal ti lic ta yoc ti c'ot ta sjole.

Salmos 107:23

Xcajetic no'ox ta nab xchi'uc sbarcoic ti jbolomajeletique, ti xpolet no'ox syuc'benal ta xictaic comel ti nabe.

Isaías 2:16

ta scontrainel scotol ti buch'utic jun to biq'uit barco yu'un jteclum Tarsis sbisoj sbaic ti xnulet ta xanav ta ba vo'e, mi ja' ti co'ol s'elan c'upil sba barco xa'i sbaique.

Isaías 23:1

Xi ta xcaj'albat sc'oplal ta scontrainel ti lum Tiroe: Xme'inal oq'uic xa ma' ti jxanviletic ta barco yu'un ti Tarsise, yu'un lilij xa ti bu xloc' x'och ti barcoe. Mu'yuc xa c'usi x'ayan laj staic ta loq'uebal ochebal yu'un barco ti sutic talel ta Chipre banomile.

Isaías 23:10

Lum Tarsis, lic abtelano ti banomile, yu'un laj xa sc'oplal ti buch'u ta spojote.

Isaías 23:6

Xi ta xalique: “Batanic ta lum Tarsis. Me'inal oc'anic, jnaclejetic ti nacaloxuc ta ti' nabe.”

Isaías 60:9

Barcoetic ti jmoj xnuletic talele, ti jba'be talel ti barcoetic yu'un ti lum Tarsise, ti yic'ojic talel ta nom ti avalab anich'nabe, jmoj xchi'uc ti oroe, ti plata yu'unique, ta yich'el ta muc' ti Ajvalile, ch'ul Dios yu'un ti Israele, ti xtixet lac'ot ta yutsilale.

Jeremías 10:9

Ti yajdiosique, plata no'ox ti ich'bil talel ta jteclum Tarsise, xchi'uc oro ti liquem talel ta jteclum Ufaze. Naca c'usitic no'ox ti ja' pasbil yu'unic ti buch'utic sna'ic sloc'taele, xchi'uc ti buch'utic oy c'usi sna'ic yunijesele, ti yax-yax'elantic xa stsajal ti sc'u'tac yu'unique. Taje, scotolic pasbil yu'unic ti buch'utic xtojobic lec ta sloc'taele.

Ezequiel 2:8

Chiquintao ava'i lec ti c'u s'elan ta xcalbote, mu toyobbaucot ec jech c'u cha'al ti stuquique. Tic'o ta ave, lajeso ti c'usi ta xacac'bote.”

Ezequiel 27:12

“Yepal no'ox ma' ti ac'ulejale, xmanolaj no'ox ma' ti jteclum Tarsis ta atojole, ta sjel ta naca plata, ta naca tsatsal taq'uin, ta naca pac'obil taq'uinetic, ta naca c'unil taq'uin ti abolomale.

Ezequiel 3:14

Smuc'ul stsatsal ti Dios une laj xchechun loq'uel ti bu taje. Xme'inaj xa banomil xchi'uc vul o'nton xa oyun ti tsots mich'bilun loq'uel yu'un sc'ob ti Diose.

Jonás 1:10

Ti j'abteletic yu'un ti barcoe, bat xch'ulelic ta xi'el ta j'ech'el, ti xi laj yalbeique: “¿C'u cha'al jech laj apas un?” Yu'un laj xa sna'ic ti ta xjatav ta stojol ti Diose, ja' ti laj xa yal ta jamal ti stuque. Va'i xtoc un, xi laj yalbeique: “¿C'usi xu' ta jpascutic ta atojol yo' jech ta sts'ijtsaj ti nabe?” Yu'un ti nabe yantic xa stsac yip ta yuq'uilajel.

Jonás 4:2

Xi lic c'opojuc ti'inuc ta stojol ti Diose: “Q'uelo avil, Cajval, yu'un ja' no'ox jech laj cal ti jech ono'ox ta xc'ot ta pasel c'alal tey to ox oyun ta jlumale. Jech o xal ta jc'an ox ta xijatav batel ta anil ti ta jteclum Tarsise. Yu'un jna' lec ti ja' jun Diosot ti oy sts'iquemal xcuchemal avu'une, ti mu xana' xa'ilin ta anile. Ac'o mi xacaj'al xtoc ti ta xatsitsvane, ts'acal to un, ta xasutes aba ta sventa ti mu no'ox albajuc ti syail xc'uxul avo'ntone.

San Lucas 9:62

Xi laj stac' ti Jesuse: —Ti buch'u ta sq'uel sutel svalopat ti yic'ojbe batel yabtejeb ti vacaxe, mu xtun ta yabtelanel ti ventainel yu'un ti Diose.

Hechos 15:38

Ja'uc ti Pabloe mu lecuc laj ya'i ti ta xbat xchi'invanuc ti Marcose, yu'un ictavan comel ta Panfilia banomil, mu'yuc xchi'invan ta stsutsesel ti yabtele.

Hechos 26:19

“Va'i un, ch'ul Ajvalil Agripa, mu'yuc laj jtoy jba ta stojol ti c'u s'elan quil yal talel ta vinajele.

Hechos 9:36

Ti jech yorail taje, tey nacal ta jteclum Jope jun jch'unolajel ants ti Tabita sbie, Dorcas xi ta griego c'ope. Ti ants taje, yac'ojbe yipal ta spasel ti c'usi leque, yu'un ta scolta ti buch'u abol sbaique.

Hechos 9:38

Ti jteclum Jopee, nopol xil sbaic xchi'uc ti jteclum Lidae ti bu oy ti Pedroe. Laj ya'iic ti jch'unolajeletic ti tey oy ti Pedroe. Laj staquic batel cha'vo' viniquetic ti xi ac'o yalbeique: “Mu xajaliltas aba, la' no'ox ta anil ta Jope.”

Hechos 9:42

Taj une, puc sc'oplal ta sjunul jteclum Jope. Yepal no'ox c'ot ta yo'ntonic ta xch'unel ti Cajvaltique.

Hechos 9:43

Ti Pedroe com jayibuc c'ac'al ta jteclum ti ta sna jun vinic ti sbiinoj Simón ti ja' jun jc'a'esej-nucule.

1 Corintios 9:16

Mu xa ono'ox cha'beluc un ti mi mu xcal ti lequil ach' c'ope, ti c'alal jbainoj lec ta yalele. Laj to ta alel ma' ti xitoyet xchi'uc une.

2 Tesalonicenses 1:9

Ti tsitsel ta xich'ic taje, sbatel osil ts'ij xi sc'oplal ta j'ech'el, ta xtenatic loq'uel ta stojol ti Cajvaltique, mi ja'uc ta xilbeic ti smuc'ul stsatsale xchi'uc ti slequilal yutsilale.