Jonás 1:2 - Bible in Tzotzil de Chamula

² “Lican, va'lan, batan ta muc' ta jteclum Nínive. Caj'albo ya'i ti ta jtubbe sc'oplale, yu'un sc'oplal ti xchopolalique, vul xa ta jtojol.”

Bible in Tzotzil de Chenalhó with Deuterocanon

² “Lican, batan ta muc'ta lum Nínive; albo ya'ay ti ta jlajes li lume, ic'ot xa c'alal ta jtojol li smulique”, x'utat.

Jonás 1:2 Iomraidhean Croise

Génesis 10:11

Ta osil taje, ayan talel ti Asure, ti buch'u laj sliques ti jteclum Ninivee, ti Rehobot-Ire, ti Quélahe,

2 Reyes 19:36

Va'i un, ti Senaquerib ajvalil yu'un ti Asiriae, loc' batel ti bu lamalique, sutic batel ta Ninive.

2 Crónicas 28:9

Ti bu taje, oy jun yaj'alc'op Dios, Obed ti sbie, ti xi laj yal c'alal loc' batel ta snupel ta be ti soldadoetic c'alal ta x'ochic ech'el ta Samariae: —Ti Ajvalile, Dios yu'un ti amolmuc'totic ta vo'nee, soc sjol yu'un ti Judae. Jech o xal laj yac'boxuc ta avoc ta ac'obic une. Ja'uc ti vo'oxuc une laj amilic ti c'ot c'alal to vinajel ta j'ech'el ti sti'emal ajolic yu'un ti sc'ac'al avo'ntonique.

Esdras 9:6

Xi laj cale: “Jch'ul tot, Cajval, nijilun ta q'uexlal. Mu xa jchi'uc jch'ulel ta xca'i ti mu stac' a'yeluc ti c'usi ta xcalbot talele. Yu'un ti jchopolilcutique, spajebal xa ti bu c'ote. Ti jmul jcolo'cutique c'otem c'alal to vinajel.

Isaías 37:37

Va'i un, ti Senaquerib ajvalil yu'un ti Asiriae laj stots batel ti yaxibal nae, sut batel ta Ninive jteclum.

Isaías 58:1

Ti Diose xi laj yalbune: “Tsots xa'avan, mu xaxi', co'oluc s'elan yech'omal snuc' oq'ues ti yech'omal avee. Vulo ya'i ti jteclumal ta scoj ti stoyobbailique. Vulo ya'i slumal ti Jacob ta scoj ti smulique.

Jeremías 20:9

Mi xichi ta xcale: “Altic xa ta jvul co'nton yu'un ti Diose, j'ech'el mu'yuc ta xic'opoj ta sventa”, ti ac'opojel ta yut co'nton une, co'ol s'elan c'oc' ta xtil, ta xcoquij yu'un ti jbaquiltaque. Jpajesuc xa jba ca'i un, mu cha'bel xu'.

Ezequiel 2:7

Ti vo'ote, va'ano aba ta yalbel ya'iic ti jc'ope, mi xich'ic ta muc', mi mu xich'ic ta muc', toyobba xa'i sbaic ono'ox.

Oseas 7:2

Mi ja'uc xa svulesoj ta yo'ntonic ti ts'inil ta co'nton ti smul scolo'ique. Avi tana le' une, mu xa xcoltaatic loq'uel yu'un ti c'usitic chopol ta spasique, ti chapal lec ta jba ta jsate.

Jonás 3:2

“Lican, va'lan, batan ti ta muc' ta jteclum Nínivee. Albo ya'iic ti c'u s'elan ta xcalbot ava'ie.”

Jonás 3:3

Jech ti Jonase laj stam batel sbe ta jteclum Nínive jech c'u cha'al albat yu'un ti Diose. Ti jteclum taje, muc' ta j'ech'el, ja' oxib c'ac'al sc'an yo' ta xlaj ta xaniel.

Jonás 4:11

Le' ec une, x'ech' to sc'oplal ta xca'i ta xc'uxubaj co'nton yu'un ti muc' ta jteclum Nínivee, ti x'ech' to ta vacvinic ta mil (120,000) ololetic ti mu to xa'ibeic smelol ti osil banomile, xchi'uc ti epal chon bolometique.”

Miqueas 3:8

Ja'uc ti vu'une, oy ta jtojolal xcuxlej ti Diose, yu'un ja' ta xiyac'bun jtsatsal, ti stuq'uil snopbenal cu'une, ti quipale, yo' jech xu' cu'un ta jtic'be ta satic stoyobbailic smulic ti Israele.

Nahúm 1:1

Ti jpoc vun li'e, laj sts'iba ti Nahúm ti liquem talel ta Elcós ti oy c'usi ac'bat yil c'alal jam ti sba sate. Va'i un, ta scaj'albe sc'oplal ti oy c'usi ta xc'ot ta stojol ti jteclum Ninivee.

Nahúm 3:19

Yu'un mu'yuc xpoxil ti sc'a'emal ayayijemalique. Scotolic ti buch'utic ta xa'iic ti avocole, smaj xa sc'obic ta muyubajel, ja'uc le' une, ¿mi yu'un la mu'yuc buch'u ta xich' svocol yu'un ti c'usitic mu'yuc stsutseb ti c'usitic chopol laj apase?

San Mateo 10:18

Ta jventa, ta xa'iq'ueic batel ta stojol ti ajvaliletique xchi'uc ti banquilal ajvaliletique. C'alal oyoxuc ta stojole xchi'uc ta stojol ti buch'u yan yajvalique, ja' to xu' ta xavalic ti jc'oplale.

San Mateo 12:41

C'alal ta sta sc'ac'alil ti chapanele, mu'yuc smulic ta x'ilatic yu'un Dios ti jnaclejetic ta Ninivee. Yan ti vo'oxuc li' ta banomile, ep amulic ta xa'ilatic yu'un ti Diose. Yu'un c'alal ay yich'ic albel sc'op Dios yu'un Jonás ti niniveetique, ta ora no'ox laj scomtsan ti c'usitic chopol ta spasique. Ti Jonase mu tsotsuc yabtel yich'oj. Ja'uc ti vu'une x'ech' tsots cabtel quich'oj ti li' oyun ta atojolique.

Santiago 5:4

Ti j'abteletic ti buch'utic mu'yuc laj avac'beic stojol c'alal laj stsobic ti ats'unubalique, ta sc'anic parte. Ja' yu'un un, ti Dios ti scotol xu' yu'une, laj xa yil ti x'oc'lajetic ti j'abteletique.

Apocalipsis 18:5

Yu'un c'ot xa c'alal vinajel yepal ti smule, mu'yuc ch'aybil ta o'ntonal yu'un Dios ti c'usi chopol laj xa spasique.