Joel 3:9 - Bible in Tzotzil de Chamula

⁹ “Caj'albeic ya'i ti muc'tiquil jteclumetic ti va'i s'elan ti xi ta xcal taje: ‘Liquesic ti ch'ul letovajele, iq'uic talel ti viniquetic ti mu sna' xi'ique. Ac'o talicuc, voleticuc batel ti j'ac'-letoetique.

Bible in Tzotzil de Chenalhó with Deuterocanon

⁹ Alic batel ta jujun banamil: Puquic batel ti ta xa xlic pleitoe. Iq'uic tal li boch'otic lec tsots yo'ntonique. Ac'o nopajicuc tal, ac'o xa talicuc li jpaspleitoetique.

Joel 3:9 Iomraidhean Croise

Salmos 96:10

Xachi xavalbeic ya'i ti muc'tiquil lumetique: “Ajvalil ma' ti Dios une.” Ti stuque laj xchotan lec ti vinajel banomile, ti j'ech'el lec va'al com yu'une; co'ol ta sventain ti jteclumetique.

Isaías 34:1

Nopajanic talel, jteclumetic, a'yio ava'iic. Ts'etano lec ani' achiquinic, muc'tiquil lumetic. Ac'o ya'i ec ti banomile, xchi'uc scotol ti c'usitic oye, ta sbejel banomil xchi'uc scotol ti c'usitic cuxul ta stojole.

Jeremías 31:10

“Muc'tiquil lumetic, a'yibeic sc'opojel ti Diose; xi s'elan xavalic ech'el ta stojol ti buch'u oyic ta ti' nabetic ta namal banomile: ‘Ti Diose, tan puc bat yu'un ti Israele. Tana une, ta stsob talel, ta sq'uel lec jech c'u cha'al ta spas ta stojol xchijtac ti jun jq'uel-chije.’

Jeremías 50:2

“Alic jech li'e, vinajesic ta stojol ti muc'tiquil lumetique. Tsots xava'an abaic ta yalel, mu xamuc mi jutebuc. Xi xavalique: ‘U'ninat xa ma' ti lum Babiloniae. C'ot xa ta j'ac'-lo'il-maxil ma' ti dios Bele. Batem xa xch'ulel yu'un xi'el ti dios Marduque. Ti loc'obbaile, ti nopbilal diosetic yu'unique, bise xa ta cotol chaval, batem xch'ulelic yu'un ti xi'el eque.’

Jeremías 51:11

Ti Diose oy ta yo'nton ti ta stubbe sc'oplal ti jteclum Babiloniae. Tijbil xa sjol yo'ntonic yu'un ti ajvaliletic ti ta xliquic talel ta Media ti jech c'otuc ta pasel taje. Taje, ta spac sutel ti Dios ti soquesbat ti xch'ulnae. Chaplanic xa xchi'uc ti ayolobique. Tsaquic lec ti amacobbailique.

Jeremías 51:27

“Vinajuc ta a'yiel ti ta xatsaquic ta leto ti jteclume. Oq'uisanic ti oq'uese, chapanic ti jteclumetique yo' ta xlic stsaquic ta leto ti jteclum Babiloniae. Va'lanic ta stsaquel ta leto ti jnaclejetic yu'un ti jteclum Ararate, ti jteclum Minie, xchi'uc ti jteclum Asquenaze. T'ujic jun banquilal soldado yo' jech ta xal mantal c'u s'elan ta aq'uel ti letoe. Co'oluc to s'elan junuc c'ulub c'uletuc batel ti capem xa sjolic ti nopajuc batel ti buch'utic cajalic ta ca'e.

Jeremías 6:4

Va'i un, ti scontraique xi ta xalique: “Chapano abaic yo' ta jtsactic ta leto. ¡La'ic, ta o'lol c'ac'al, ba jtsactic ta leto. Yan che, bat xa c'ac'al! yu'un xqueovin xa talel ti banomile.

Ezequiel 38:17

‘Xi ta xcal ma' ti vu'un Diosune: Ti cajtuneltaque, ti caj'alc'optaque, le' xa talel ta vo'ne, laj yalic ti oy buch'u ta jtac talel ta xtal stsac ta c'op ti Israele, ja' ac'oplal laj cal ma' taj une.’

Ezequiel 38:7

Chapano aba, tamo ti avabtejebe, vo'ot xchi'uc scotol ti avinictac c'u yepal nabal ta atojole. Ventaino ta spasel ta mantal un.

Miqueas 3:5

Ti jteclumale, yan o be bu stamojic batel ta scoj ti lajemic ta lo'lael yu'un ti j'alc'opetique. “Laj sc'oplal atsaquelic ta leto” xut ti buch'u ta x'ac'bun to ta ye ta sti'e, ja'uc ti buch'u mu x'ac'bune, “Q'uelel ta atojolic ti leto xava'i xalajique” xut. Xi ta x'albatic yu'un Dios ti j'alc'opetic taje:

Hageo 2:7

Ta xc'ot ta pasel cu'un ti ta xniquic ti muc'tiquil lumetique, ti ta xich'ic talel ti sc'ulejalique yo' jech spajeb xa no'ox yutsil ta xbat smeltsanel ti jch'ulnae.

Zacarías 14:2

Ti jech c'ac'ale taje, ti Diose ta stsob talel scotol muc'tiquil lum yo' jech ta stsaquic ta leto ti jteclum Jerusalene. Ta xu'ninic ti jteclume, ta stsaquic ti c'usitic oy ta anae. Ta xilbajinic ti avantsilelique, ta stsaquic batel ta chuquel j'ololuc ti c'u yepal ti jteclume. Ja' xa no'ox va'al ta xcom ti yuni comelaltaque.

Zacarías 14:3

Ts'acal to un, ta xvul ta loq'uel ti Dios ti ta stsac ta leto ti muc'tiquil lum taje jech c'u cha'al junuc jtsacvanej ta letovajel ti c'alal xc'ot ti sc'ac'alile.