Joel 3:7 - Bible in Tzotzil de Chamula

⁷ Va'i un, ti bu laj achonic batele, ta jloq'uesic talel. Ta xc'ot ta pasel cu'un jech ta xavich' avocolic jech c'u cha'al laj yich' ti stuquique.

Bible in Tzotzil de Chenalhó with Deuterocanon

⁷ A'yo ava'yic, vu'un ta xlic quiq'uic sutel tal ti bu laj achonic batele; ta xcac'boxuc atojic ec ti c'u x'elan laj apasique.

Joel 3:7 Iomraidhean Croise

Ester 7:10

Ti Amane, bat yich' joc'anel stuc ta joc'anobbail ti bu xchapanoj ox ta sventa ti Mardoqueoe. Xlaet to yo'nton laj ya'i ti ajvalil ti jech c'ot ta pasele.

Isaías 11:12

Ta xac' iluc senyail ta stojol ti muc'tiquil lumetique, yu'un ta stsob talel ti israeletic ti loq'uic batel ta slumalique; ta xchanjotal to xchiquin banomil, ta stsob talel steclumaltac ti Judá ti tan puquique.

Isaías 49:12

Xi ta xalique, ¡q'uelo avil! nom ti bu liquic talele: Oy jlom liquic talel ta yolon ti yolon xocon sloq'ueb c'ac'ale. Ti jlome liquic talel ta smaleb c'ac'al. Ti jlome liquic talel ta stuq'uil ti Asuane.

Isaías 66:6

Ati va'i s'elan xvochvun ta xlic talel ta jteclume, ti va'i s'elan xvochvun ta xlic talel ta ch'ulnae, ja' xa xvochvun yu'un ti Dios ti tal yac'be stojic ti yajcontrataque.

Jeremías 23:8

Le'e, c'ajomal xi ta xlic sva'an sbaic ta yalele: ‘Ta sventa cuxul ti Dios ti laj stsob talel snitilultac ti Israel ti tanijemic batel ta jteclum ti oy ta stuq'uil yolon ti yolon xocon sloq'ueb c'ac'ale, xchi'uc ta yan jteclumetic ti tanijemic batel yu'une.’ Le' tana une, ta xlic nacliuc ta yosil sbanomil stuquic.”

Jeremías 30:10

“Ti vu'un Diosune, mu stselbuj ti xichi ta xcale: Mu xaxi'ic, steclumal cajtunel Jacob, mu xaxi', Israel, yu'un ta jtic' jba ta apojelic xchi'uc ti avalab anich'nabic ti oyoxuc ta muc' ta namal lum ti bu bec'bil labatique. Jun avo'ntonic ta xlic naquianic. Mu'yuc c'usi xana' liquel, laj to ta alel ti oy buch'u ta sibtasote.

Jeremías 30:16

Scotol ti buch'u ta sbalot ta ti'ele, ta xich'ic balel ta ti'el ec. Bec'bil ta xloc' ta slumalic ti buch'u laj sbec'oxuc loq'uele. Ta xcac' que jti' ta xtambatic loq'uel ti c'usitic x'ayan yu'unic ti buch'utic laj stamic loq'uel ti c'usitic x'ayan avu'unique. Ti buch'utic laj yelc'anboxuc ti c'usitic x'ayan avu'unique, jech ta xich' elc'anbel ec.

Jeremías 31:8

Ti c'u yepal oyic ta muc' ta lum ti oy ta yolon ti yolon xocon sloq'ueb c'ac'ale, ta sutic talel cu'un. Ta jbejel tsob talel ti bu xa ch'icajtic ta sjunul ti banomile. Jmoj ta xtalic xchi'uc ti ma'satetique, ti coxovetique, ti antsetic ti xchi'uc to ti yolique, xchi'uc ti buch'utic laj xa svoq'ues ti yolique. Mu no'ox albajuc yepal xvoletic sutel talel.

Jeremías 32:37

Ta jtsob talel yajvaltac ti banomil ta scotol ti muc' ta lumetic ti bu tan puc bat cu'un ti c'alal mu stac' ts'iquel ca'i ti soquemal scapemal jol ti yan sba xi'elal ta xaq'ue. Ta xquic' sutel talel li' ta banomile yo' jech jun yo'nton ta xnaquiic.

Ezequiel 36:24

Ta jloq'uesoxuc talel ta scotol ti muc'tiquil lumetic buyuc no'ox batemoxuque. Ta xajtsoboxuc sutel talel ta avosilalic.

Ezequiel 38:8

C'alal ta x'ech' jayib jabile, ta xavich' mantal ta yu'ninel jun muc' ta lum ti naca letovajel to ox yesique, ti laj xa stam sbaic tana taje, jun jteclum tan puc batic to ox ta yepal ti muc'tiquil lume, ti j'ech'el laj yich' svocolique, ti vololic xa ta naclej ta vitsetic yu'un Israel tana taje. Sutic xa talel ti ayic to ox ta muc'tiquil lumetique, ti jun xa yo'ntonic nacal scotolique.

Joel 3:4

“¿C'usi ta xac'anic ta jtojol ti vo'oxuque, jteclum Tiro, jteclum Sidón, jteclum Filistea? ¿Mi yu'un ta xapacbeicun ava'iic? ¿Mi yu'un oy c'usi ta xac'anic ta jtojol ti ac'o jtoje? Yu'un mu xa jaluc sc'an ta xcac' atojic ti c'usi loc' ta avo'ntonic ta sa'ele.

Zacarías 9:13

Ta jtunes ta jyolob ti jteclum Judae; ta jtunes ta sni' jyolob ti Efraine. Jech ti vo'ot ec une, Sión, ta xac'ot cu'un ta jun espada ti xvolet no'ox liquel cu'un ti avalab anich'nab ta scontrainel ti jteclum Greciae.”

San Mateo 7:2

Ti c'u yepal ta xachapanbe smul ti yane, jech yepal ta xchapanot ti Diose. Ti c'u yepal ta xapasbe ti yane, ja' jech ta spas ti Dios ta atojolique.

2 Tesalonicenses 1:6

Xloc' venta ta x'ac'bat svocolic yu'un Dios ti buch'utic yacal ta xilboxuc avocolic avi tana li'e.

Santiago 2:13

Yu'un ti buch'u mu xc'uxubin ti yane, j'ech'el mi ja'uc oy xc'uxubinel ti c'alal ta xich' chapanele. Yan ti buch'u laj xc'uxubin ti yane, mu'yuc c'usi ta xal yo'nton c'alal ta x'ich'bat ti yee.

Apocalipsis 13:10

“Ti buch'utic oy sc'oplal chuquel ta xbate, chuquel ono'ox ta xbat. Ti buch'utic oy sc'oplal espada ya'i xcham xlaje, espada ono'ox ta xve' yu'un.” Ti buch'utic ja' yu'untac ti Diose, sc'anuc xa no'ox yip yo'ntonic, junuc yo'ntonic xchi'uquic ti c'u s'elan c'otem ta ch'unel yu'unique.

Apocalipsis 16:6

Yu'un ti stuquique laj smalbeic xch'ich'el ti buch'utic t'ujbil avu'une, xchi'uc ti j'alc'opetic c'opojic ta aventae. Xtunic o avi tana le'e ti jech ta xavac'be yuch'ic ti ch'ich'e.”

Apocalipsis 19:2

Yu'un jbel sc'oplal tuc' ta xchapanvan, Laj xa yac'be stoj smul ti me' jmulivajel antse, ta scoj ti lec xa'i sbolomalin sbae, ti laj soques ti jnaclejetic ta sjoylej banomile. Ti Diose laj xa spacbe sutel ti lajic ta milel ti yajtuneltaque.”

Jueces 1:7

Va'i un, xi laj yale: “Ti vi s'elan li'e, jech to ox laj jpas ti laj jsetbe loq'uel sme' sc'ob, sme' yacan lajuneb xchanvinic (70) ta vo' ajvaliletic, ti xicujet no'ox ta stsobel ta yolon jmexa ti xi bitsajtic ta xc'ote. Avi tana li' une, ja' no'ox jech ta xispasbe ti Dios jech c'u cha'al laj jpasbe ti yane.” Va'i un, laj yiq'uic batel ta Jerusalén ti bu c'ot ta chamele.

1 Samuel 15:33

Ja'uc le' une, xi albat yu'un ti Samuele: —Ep antsetic ch'abal yalabic com avu'un xchi'uc ti avespada le'e. Ja' jech ta xc'ot ta stojol ti ame' jech c'u cha'al laj apasbe ti antsetique. Nax to ti Samuele, lic sbic'tal bojilan ta sba ta sat Dios ti ta Gilgale.