Joel 3:2 - Bible in Tzotzil de Chamula

² Ta jtsob scotol ti muc'tiquil jteclumetique. Ta xquiq'uic batel ta stenlejal yu'un ti Josafate. Ti bu taje, ta xlic jchapanic ti c'usi laj spasbeic ti jteclumal Israele. Tan puc bat yu'unic ti israeletic ta scotol banomile; laj xch'acanbe sbaic ti jlumale.

Bible in Tzotzil de Chenalhó with Deuterocanon

² Ta jtsob scotol li cristianoetic ta jujun banamile; te ta xquiq'uic yalel ta soplejaltic yu'un Josafat. Te ta xlic jchapan ta scoj ti laj yuts'intaic li jteclumale, ja' li israeletic ti la spuquic batel ta yantic banamile, xchi'uc ti la spucbe sbaic li cosil jbanamile.

Joel 3:2 Iomraidhean Croise

2 Crónicas 20:26

Ta xchanibal c'ac'al un, laj stsob sbaic ta stenlejal yu'un Beraca, ti bu laj yalbeic slequilal ti Diose, jech o xal laj yac'beic sbiin Beraca ti stenlejale, ti jech sbiinoj avi tana le'e.

Isaías 66:16

Jech, ti Diose tsots ta j'ech'el ti ye sti' ta xchapanvan ti co'ol s'elan c'oq'ue. Ta yespada ta xchapan scotol ti banomil ti ep ta xchamic yu'une.

Isaías 66:18

yu'un xcojtiquinbe ti yabtelique, ti c'usi ta snopique. Jech o xal un, c'ot xa yorail ta jtsob scotol ti jteclumetique xchi'uc ti muc'tiquil lume. C'alal ta xtalique, ta xilic ti jlequilal cutsilale.

Jeremías 12:14

Ti jteclumetic ti mu'yuc xch'ulel xa'i sbaic sts'aquinoj sba xchi'uc ti Israele, ti laj slilinic ti banomil ti laj yac'be ta xrextoic steclumal ti Israele, xi ta x'albatic yu'un ti Diose: “Vu'un ta jbec' loq'uel ta sbanomilic, xchi'uc ta jbec' loq'uel ya'i ti Judá ti capaloxuc xchi'uque.

Jeremías 25:31

Ta xvinaj ti bu xa oy jujuti' banomil ti xvo'o'et ti sc'opojele. Ti Diose ta xlic xchap sc'op ta yich'bel ye sti' ta scontrainel ti muc'tiquil lume. Ta svol ta xchapanel scotol ti sna' xcham xlajique, ta stubbel sc'oplal ta j'ech'el ti buch'u mu'yuc xch'ulel xa'i sbaique. Jbel xc'opoj ma' ti Dios une.’ ”

Jeremías 49:1

Ti Diose xi ta xalbe sc'oplal ti Amone: “¿Bu bat ya'yel yalab xnich'nab ti Israele? ¿Bu bat ya'yel ti yajval rextoiletique? ¿C'u cha'al ya'yel ti dios Milcom ti ja' xa sbisoj sba ta yajval ti yosilal Gade? ¿C'u cha'al ya'yel ti naca amonitaetic ochem ta naclej ta jteclumetic yu'unique?

Jeremías 50:17

“Ti Israele, jech c'u cha'al jun ch'ayemal chij, nutsbil yu'un ti jti'oval leone. Ba'yel lajic ta ti'el yu'un ti ajvalil ta Asiriae. Ts'acal to un, ti'eic, nulbatic sbaquilic yu'un ti Nabucodonosor ajvalil ta Babiloniae.

Ezequiel 25:8

“Xichi ta xcal ti vu'un Diosune: Moab, Seir, ta xavalic co'ol no'ox sba jech c'u cha'al yan lumetic ti Judae.

Ezequiel 34:6

Tan puc ta xbat ta te'tic ta toyol vitstic. Ta xch'ayic batel ta sbejel banomil. Mi junuc oy buch'u laj stij yo'ntonic ta sa'el talel ti jchijtaque.

Ezequiel 35:10

‘Xachi laj avale: Ti slecoj ajvalil yu'un ti chib lum Israele, ta xcu'nin ya'i, manchuc mi nacal ti Dios une.

Ezequiel 36:1

“Yojtot, c'opojan ta jventa ta stojol ti vitsetic yu'un ti Israele, ti xchiquintaicuc ya'iic ti jc'op ta xavalbee.

Ezequiel 36:5

Xi ta xal ti Diose: Xic'aq'uet ta jcapemal xchi'uc jc'op ta scontrainel ti yan jteclumetique, ti c'otem lec ta sba ti jteclum Edome, yu'un xmuyubajic xa laj yu'ninic ti jbanomile, ti spajeb xa labanel laj stsobbeic batel ti c'usitic xch'i ta osil banomile.’

Ezequiel 38:22

Xac' no'ox xi'el ti c'u s'elan ta xcham xlajique. Ta jtsits ya'i ta tsots chamel. Lamal ta xc'ot ta sba cu'un ti banomilal vo'e, ti bote, ti c'oc' xchi'uc azufre ta stojol ti yajsoldadotaque, xchi'uc ti mu no'ox albajuc yepal xchi'inojan talel ti jteclumetique.

Ezequiel 39:11

“Ta yorail taje, ta jchapanbe smuquinal ta Israel ti Gog ta stenlejal Sbe Jxanviletic ta yeloval ti' nab. Ta xmac liquel, ta xc'ot ta smuquinal Gog xchi'uc scotol ti yajsoldadotac ti bu taje. Ta xac'beic sbiin Stenlejal Smuquinal yajsoldadotac Gog.

Joel 3:12

Chaplicuc avu'unic ti muc'tiquil jteclumetique ti ac'o talicuc ta stenlejal yu'un ti Josafate. Ti bu taje, ta xchapanatic yu'un Dios ti uts' alal muc'tiquil jteclumetique.

Joel 3:14

Ta stenlejal ti bu oy c'usi ta xc'ot ta nopele, mu no'ox albajuc ti oy buch'utic xvoletic batele, yu'un jutuc xa sc'an ta xc'ot sc'ac'alil yorail ti c'u s'elan chapanbil yu'un ti Diose.

Amós 1:11

Xi ta xal ti Diose: “Ti jteclum Edome, ep ti c'usitic chopol spasojique. Ta ono'ox jtsits ya'iic. Mu'yuc xa syail xc'uxul yo'ntonic ti sye'ojic no'ox batel yespadaic ti laj snutsic batel ti svinquilel ta Israele. Laj sloq'uesic ta j'ech'el ti sc'ac'al yo'ntonique, ti mu xa buch'u jech tabaj ti sti'emal sjolique.

Miqueas 4:12

C'u stu un, ti jteclumetic taje, mi ja'uc ta sna'ic ta xojtiquinic ti c'u s'elan snopoj ta spas ti Diose; mu sna'ic ti jech ta xich'ic tsobel ta jujuvoc' jech c'u cha'al ta xich' tsobel ta jujuchuc ti trigo ti ta xich' majele.

Sofonías 3:8

“Jech o xal un, xamala xa no'ox ava'iic ti yorail sc'ac'alil ti c'alal ta xlic jva'an jba ta acontrainelique. Ti vu'un Diosune, mu me lo'iluc no'ox ti xi ta xcale: Chapal xa cu'un ti ta jtsob ti muc'tiquil lumetique xchi'uc ti ajvaliletique, yo' jech ta jbusanbe ta sbaic ti scapemal jole, ti stilemal sc'ac'al co'ntone. Scotol banomil lilijem ta xcom yu'un ti sc'ac'al sti'emal jole.

Apocalipsis 11:18

Ti muc'tiquil lumetique soquet ti sjolique, yu'un sta xa yorail lic sc'ac'al avo'nton ta xavac'be stojic ta j'ech'el, ti ja' yorail xa ta xachapan ti animaetique. Sta xa yorail ta xavac'be smoton ti avajtuneltaque, ja' ti buch'utic c'opojic ta aventae, ti laj yich'ot ta muq'ue, manchuc mi yalel toyol ti sbijilique. Sta xa yorail ta xatubbe sc'oplal ti jsoquesej-banomile.”

Apocalipsis 16:14

Ja' xch'ulel ti pucujetique, ti laj yaq'uic iluc ti oy c'usi ch'ayal ta xc'ot o'ntonal yu'unique, ti loq'uic ta stsobel ti jujun banquilal ajvaliletic oyic ta sjoylej banomile, yo' ta x'ochic ta letovajel c'alal ta sta yorail ti muc' ta c'ac'al nopbil yu'un Dios ti scotol xu' yu'une.

Apocalipsis 16:16

Laj stsob sbaic ti ajvaliletic ta banomil ti bu sbiinoj Armagedón ta hebreo c'ope.

Apocalipsis 16:6

Yu'un ti stuquique laj smalbeic xch'ich'el ti buch'utic t'ujbil avu'une, xchi'uc ti j'alc'opetic c'opojic ta aventae. Xtunic o avi tana le'e ti jech ta xavac'be yuch'ic ti ch'ich'e.”

Apocalipsis 20:8

Ta xloc' batel ta slo'lael ti jnaclejetic ta banomil ti oyic ta jujun muc'tiquil lum ta sjoylej banomile, ja' sc'oplal ti Goge xchi'uc ti Magoge, ti co'ol s'elan syi'al sti'il nab yepalic ta stsob sbaic ta letovajele.