Joel 3:19 - Bible in Tzotzil de Chamula

¹⁹ Yan ti jteclum Egiptoe, stuc slilijemal ta xcom, jech ti jteclum Edome ta xjoybij ta jun sbajtical banomil, yu'un laj stsaquic ta leto ti jnaclejetic yu'un ti jteclum Judae. Jech xtoc ti ta slumalique, laj yaq'uic ta milel ti buch'u ch'abal smulique.

Bible in Tzotzil de Chenalhó with Deuterocanon

¹⁹ Li Egiptoe yavnaijem ta xcom o, li Edome ta xcom jech chac c'u cha'al ta xocol banamil ti jeche' xch'ijan oe; ja' ta scoj ti laj yilbajinic li jnaclumetic ta Judae, xchi'uc ti la smalbeic xch'ich'al te ta yosilalic li boch'o mu'yuc smulique.

Joel 3:19 Iomraidhean Croise

Salmos 137:7

Cajval, vuleso ta avo'nton ti xi laj yalic ti edomitaetic c'alal yal ta lum ti Jerusalene: “Lilinic ta j'ech'el, lilinic c'alal to sliquebtac yoc.”

Isaías 11:14

Xchibalic xvoletic batel ta stuq'uil smaleb c'ac'al ta scontrainel ti filisteoetique, ti lamal ta xc'otic ta spate. Xchibalic ta spojbeic talel sc'ulejal ti jnaclejetic ti nacalic ta stuq'uil sloq'ueb c'ac'ale. Ti yip smuc'ul stsatsalique ta xc'ot ta Edom, ta Moab, ti ta x'och ta be yu'unic ti amonitaetique.

Isaías 11:15

Ta xjambat sbeic yu'un Dios ta Tsajal Nab ti ta stoy ta toyol ti sc'ob ta stuq'uil ti uc'um Eufratese, ti xi'bal sba xjumet no'ox liquel ti ic' yu'une, ti ta spas ta vuc-ch'ac yoc ti uc'um yu'une, mi ja'uc ta sloc' xonobic ta xtuch'el jelavel.

Jeremías 49:17

“Ti jech ta xlilij ti jteclum Edome, mu no'ox albajuc ta j'ech'el ta xac' ti xi'elale. Scotol ti buch'u nopol ta x'ech' une, ta xi' ta j'ech'el ti c'alal ta xil ti mu no'ox albajuc ti tsitsel c'ot ta stojole.

Lamentaciones 4:21

Tse'inan, muyubajan xch'a un, muc' ta lum Edom, ti aventainojbe yosilal ti Uze. Mu no'ox xacol ec un, ta xac'upin ava'i ti mu x'ech' xjelav ti vocole, ti co'ol s'elan jyacubel t'anal ta xacom yu'une.

Abdías 1:1

Ti c'usi ac'bat sna' ti Abdías yu'un ti Dios ta sventa ti jam sba sate. C'ot ta jni' ta jchiquincutic ta ya'yiel sc'op ti Diose; jun j'alc'op ti xi bat yal ta stojol ti muc'tiquil lumetique: “Jtam batel jbetic, ba jtsactic ta letovajel ti jteclum Edome.” Ti Ajvalil ti ja' Diose xi ta xalbe ya'i ti jteclum Edome:

Habacuc 2:17

Ti jech laj avilbajin ti vits Libanoe, ta xjoybij ta avajcontra. Ta xac'bot ava'i xi'el ti laj amilbe ti chon bolometic yu'une. Ti jech taje, ja' ta xc'ot ta atojol ti ilbajinvanej ti laj apas ti ta jteclume, ti laj acontrain ti lume xchi'uc ti jnaclejetic yu'une.

Zacarías 10:10

Ta xquiq'uic talel ti jech oyic ta jteclum Egiptoe, ti jech oyic ta jteclum Asiriae. Ta xquiq'uic batel ta jteclum Galaad xchi'uc ti ta Líbanoe. Ta xc'ot ta pasel ti jun yepalic ta j'ech'el ti mu xa x'ochic ta naclej liquele.

2 Tesalonicenses 1:6

Xloc' venta ta x'ac'bat svocolic yu'un Dios ti buch'utic yacal ta xilboxuc avocolic avi tana li'e.