Joel 3:16 - Bible in Tzotzil de Chamula

¹⁶ C'alal ta xac' ta a'yiel ti xc'avluj to sc'opojel ti Dios ta vits Sión ti oy ta Jerusalene, ta xlic nicuc ti vinajele, ti banomile. Ti Diose, ja' jpojvanej jnac'vanej yu'un ti israeletique, yu'un ja' steclumal.

Bible in Tzotzil de Chenalhó with Deuterocanon

¹⁶ C'alal tsots chlic avanuc te ta vits Sión xchi'uc ta Jerusalén li Muc'ul Diose, ta xnic li vinajel banamile. Yan li steclumale, ja' li israeletique, ja' spatubil yo'ntonic, ja' stsatsal yo'ntonic li Muc'ul Diose.

Joel 3:16 Iomraidhean Croise

Salmos 18:2

Ti vo'ote, Dios, jpojobbailot, c'otemot ta jnac'obbailot, ta jcoltavanejot, jnac'obbail ton c'otemot, c'otemot ta jmacobbail ti co'ol s'elan oy ta toyol to ti nac'alun avu'une.

Salmos 29:11

Ti Diose ta xac'be yip ti steclumale; ta sva'an sba ta yac'bel slequilal ti steclumale, mu'yuc c'usi xal yo'ntonic yu'un.

Salmos 61:3

yu'un c'otemot ta jnac'obbail. Co'ol a'elan c'otemot ta jun natil tsatsal luchlebal ti mu xitae ta tsaquel yu'un ti jcontrae.

Proverbios 18:10

Ti buch'u oy slequilique ta sa' spojelic ta jun tsatsal toyol luchlebal ti ja' stuc ti Diose.

Isaías 33:16

ti buch'u jech taj une, staoj ti mu'yuc c'usi sna'e. Muc'ul ton spojobbail ac'bil ti bu tiq'uile. Oy no'ox ta ye ta sti' ti sve'el yuch'ome.

Isaías 33:21

Ti bu taje, jun yutsil ta xac' iluc yutsilal slequil ti Dios ta jtojoltique. Ja' jun yavil uc'umetic ti jamal lec ti yacan ta x'oquine. Mu xu' ta x'ochic batel ti jcontrainvanejetic ta nuxetel xchi'uc sbarcoic ti ta te' no'ox ti majob vo' yu'une, xchi'uc ti yan muc'tiquil barcoetique.

Isaías 42:13

Ti Diose ta xvul ta loq'uel jech c'u cha'al junuc vinic ti cuchem yu'une, co'ol s'elan jech c'u cha'al junuc j'ac'-leto ti mu xa pajesbaj ta xa'i ta yaq'uel ti letoe. Ta stoy ye xchi'uc ti sc'ope. Ta xlic avanuc ti ac'o licuc ti letovajele, ti tsalbil ta xc'ot yu'un ti scontrae.

Isaías 51:16

Vu'un laj jq'ui ech'el ti vinajele. Laj cac'be yip ti banomile. Laj cac' ta ave ta ati' ti jc'ope. Ta yip stsatsal jc'ob, laj jchabiot. Xichi laj calbe ti lum Sione: ‘Ti vo'ote jteclumalot.’ ”

Jeremías 16:19

Cajval, vo'ot ti jmuc'ul jtsatsalote, ti jpojobbailote, ti jnac'obbailot ta yorail ti xi'bal sba ta xc'ot ta pasele. Ta xtalic ta atojol muc'tiquil lumetic le' to ta jot xchiquin banomile, ti xi ta xalique: “Ti diosetic ti yich'ojic comel ti jtot jme'cutic ta vo'nee, mu'yuc c'usi xu' yu'unic, ch'abal smucul stsatsal.

Jeremías 17:17

Mu xac'atajes aba ti ta xac'ot ta jun cuxul jsibtasvanej ta jtojole, yu'un c'otemot ta jnac'obbail c'alal xyaquet ti oy c'usi chopol ta xc'ot ta pasele.

Ezequiel 38:19

Ti xvolet sc'ac'al co'ntone, jamal xcal, ta xcac' taluc tsots niquel ta lum Israel ta yorail taje.

Oseas 11:10

Ti stuquique ta sts'acliic ti Diose. Jech ti stuque xloquet no'ox liquel snuc' jech c'u cha'al jcot león ta stojol ti yajcontraique. Ti jech xloquet no'ox ti snuq'ue, jech ti yu'untaque, xniclajetic xa ta xi'el ta xvulic ti ta xliquic talel ta smaleb c'ac'ale. p

Amós 1:2

Xi laj yal ti Amose: C'alal ta svinajes ti xvo'o'et no'ox sc'opojel Dios ti ta xlic talel ta vits Sión ti oy ta jteclum Jerusalene, ti yaxaltic ta banomile ta xlic nucultajuc, ta xlic taquijuc ta j'ech'el ti yaxaltic yu'un ti vits Carmelo xtoque.

Amós 3:8

¿Mi yu'un la oy buch'u mu sna' xnic ta xi'el ti c'alal xloquet no'ox snuc' ti leone? ¿Mi yu'un la oy buch'u mu xalbe sc'oplal Dios ti c'alal ja' ta xal ti mantale?

Nahúm 1:7

Ti Diose jun yutsil yo'nton. Jun nac'obbail ti xi s'elan ta xc'ot ti c'alal yorail oy ilbajinele; ta stic' sba ta spojel ti buch'u ta spat yo'nton ta stojole.

Hageo 2:6

“Ta xa xc'ot ta pasel ti ta xlic jniques ti vinajele, ti banomile, ti nabe, xchi'uc ti taquin banomile.

Hageo 2:7

Ta xc'ot ta pasel cu'un ti ta xniquic ti muc'tiquil lumetique, ti ta xich'ic talel ti sc'ulejalique yo' jech spajeb xa no'ox yutsil ta xbat smeltsanel ti jch'ulnae.

Zacarías 10:12

Ta xcac'be yipic ti xvoletic no'ox batel ta sventa ti jmuc'ul jtsatsale. Jech me ta xcac' que jti' ti vu'un Diosune.”

Zacarías 10:6

Xi ta xal ti Diose: “Ta xcac'be yipic ta j'ech'el snitilultac ti Judae, ta jtic' jba ta spojel snitilultac ti Josee. Ta jcha'volic talel xtoc ta slumalic, ja' ti oy syail xc'uxul co'nton ta stojolique. Ta xcha'ta yav xtoc ti co'ol xa s'elan ti mu'yuc jipoj jtenojic comel yilele, yu'un Ajvalil Diosun yu'unic ti ta xca'ibeic ti sc'opojel sti'inelique.

Zacarías 9:12

Ti vo'oxuque, jchuqueletic ti staoj yav ti apatoj avo'ntonique, sutanic xa batel ta anac'obbailic. Ta xcalboxuc ava'iic ti x'ech' to ta jva'an jba ta atojolic avi tana li'e, ja' mu sta ti c'alal lic ata ti avocolique.

Hebreos 12:26

C'alal c'opoj ti Dios ta vo'nee, inic yu'un ti banomile. Ja'uc avi tana li'e, xi ta xale: “Yan to velta ta jniques scotol. Ma'uc no'ox ta jniques ti banomile, ta jniques xtoc ti vinajele.”

Apocalipsis 11:13

Ti ta yorail taje, ta jech to yepal, lic tsots muc' ta niquel. Ti lajunch'ac jteclume, lilij jch'ac. Lajic vucmil (7.000) ta vo' jnaclejetic ta banomil. Ti c'u to yepal cuxul come, ta xi'el xa lic snijan xchiman sbaic ta stojol Dios ti oy ta vinajele.

Apocalipsis 11:19

Va'i un, jam xch'ulna ti Dios oy ta vinajele. Ti ta ch'ulnae, xvinaj xcaxail ti tratee. Ta jech to yepal xjaplajet liquel ti sac tsele, ti yech'omal eile, ti xvo'o'et no'ox liquele, ti xc'avlajet no'ox liquel ti chauque, ti lic tsots niquele, ti mu no'ox albajuc tal ti bote.

Apocalipsis 16:18

Va'i un, xjaplajet no'ox liquel ti sac tsele, xvochet no'ox liquel ti c'opojele, xc'avlajet no'ox liquel ti chauque. Xnic no'ox liquel ti banomil yu'un ti tsots niquel ta j'ech'ele, ti ja to no'ox jech c'ot ta pasele, ja' mu sta ti c'u s'elan sliquel talel ti jnaclejetic ta banomile.

1 Samuel 15:29

Yu'un ti Diose, ja' yutsil slequilalic ti Israele, jbel xc'opoj. Mi ja'uc sna' sutes sba. Mu xco'olaj jech c'u cha'al jeche' vinicuc no'ox ti xlic xcaj no'ox ti c'usi ta snope.