Joel 3:14 - Bible in Tzotzil de Chamula

¹⁴ Ta stenlejal ti bu oy c'usi ta xc'ot ta nopele, mu no'ox albajuc ti oy buch'utic xvoletic batele, yu'un jutuc xa sc'an ta xc'ot sc'ac'alil yorail ti c'u s'elan chapanbil yu'un ti Diose.

Bible in Tzotzil de Chenalhó with Deuterocanon

¹⁴ Toj ep ta stsob sba cristianoetic te ta soplejaltic, ta yavil li chapanele; yu'un po'ot xa tsta yorail chac' stojol mulil te ta soplejaltic li Muc'ul Diose.

Joel 3:14 Iomraidhean Croise

Salmos 37:13

Le' une, tse'ej no'ox ta x'a'yiat yu'un ti Diose, yu'un sna'oj lec ti ta xa xc'ot yorail ti buch'u mu'yuc xch'ulel xa'i sbae.

Isaías 13:4

Xvinaj xa xvochet ta vits ti co'ol s'elan ep ta j'ech'el ti jnaclejtique. Xvinaj xa xvochvun ti muc'tiquil lumetique, ti jteclumetic ti svoloj sbaique. Ti Dios ti scotol xu' yu'une, yacal xa ta sloq'uesbe sbi ti yajsoldadotac ti chapalic xa ta ac'-letoe.

Isaías 22:1

Ta stenlejal ti oy c'usi ta xac' ta q'uelele, oy bu xi ta xcaj'albat ti sc'oplale: ¿C'usi c'ot ta pasel ya'yel ti scotolic ta xmuyic ta xcha'cojal sjol snaique?

Joel 1:15

Mu xa ono'ox cha'bel un, nopaj xa talel sc'ac'alil yorail ti Diose. Ta xvul ta loq'uel ti tsots vocole, ti ja' no'ox ta stsutsesvan ti ta xac' taluc ti Buch'u scotol xu' yu'une.

Joel 2:1

Oq'uisanic ti oq'ues ta vits Sione. Oq'uisanic yo' ta xac' ta na'el svinajeb ta ch'ul vits yu'un ti Diose. Nicnunicuc no'ox liquel ti buch'utic nacalic ta jteclum Judae, yu'un jutuc xa sc'an ta xvul ta loq'uel ti xi s'elan ta xc'ot ta pasel ti sc'ac'alil yorail ti Diose:

Joel 2:11

Ti jech jba'be batel ti Dios yu'un ti yajsoldadotaque, xvo'o'et to ta xac' vinajuc ti sc'opojele. Mu no'ox albajuc ta j'ech'el ti yajsoldadotaque. Mu no'ox albajuc yepal ti ta xch'unbat ti smantale. Jelavem smuc'ul, xi'bal sba ti sc'ac'alil ta xvul ta loq'uel yu'un ti Diose. Mu'yuc buch'u sts'ic yu'un.

Joel 3:12

Chaplicuc avu'unic ti muc'tiquil jteclumetique ti ac'o talicuc ta stenlejal yu'un ti Josafate. Ti bu taje, ta xchapanatic yu'un Dios ti uts' alal muc'tiquil jteclumetique.

Joel 3:2

Ta jtsob scotol ti muc'tiquil jteclumetique. Ta xquiq'uic batel ta stenlejal yu'un ti Josafate. Ti bu taje, ta xlic jchapanic ti c'usi laj spasbeic ti jteclumal Israele. Tan puc bat yu'unic ti israeletic ta scotol banomile; laj xch'acanbe sbaic ti jlumale.

Sofonías 1:14

Ti muc' ta c'ac'al yu'un ti Diose, nopol xa sc'an xvul ta loq'uel, yu'un ta xvul no'ox ta loq'uel ta anil. Ti sc'ac'alil xvo'o'et no'ox vulel ta loq'uel ti Diose, toj tsots vocol ta j'ech'el ti xi s'elan ta xc'ot ta pasele; ti buch'u spajeb xa no'ox tsots xa'i sbae, ta xlic avanuc.

Filipenses 3:2

Bijanic yu'un ti buch'utic co'ol s'elan ts'i' xa'i sbaic ti stalelique, ti chopol ta j'ech'el ti c'usi ta spasique, ti ta xaq'uic ta ich'el ti circuncisione.

2 Pedro 3:7

Ja'uc ti vinajel banomil avi tana li'e, ta sventa smantal Dios, q'uejbil chapal sc'oplal ta xlaj ta c'oc'. Ti c'oc' taje ta xchiq'ueic yu'un ti c'alal ta sta yorail ti chapanele, ti ja' o xa ta stsuts o sc'oplal ti buch'utic toj chopolique.