Joel 3:10 - Bible in Tzotzil de Chamula

¹⁰ Ac'o smeltsanic ta yespadaic ti yasaronique. Ac'o smeltsanic ta slanzaic ti sjosique. Ac'o xi yal ti buch'u ch'abal ti yip ta xa'ie: Oy lec yipal cu'un ta xca'i ec un.’ ”

Bible in Tzotzil de Chenalhó with Deuterocanon

¹⁰ C'atajesic ta espada li avazaronaique; c'atajesic ta lanza li ajozique. Jech ac'o yal li boch'o mu'yuc c'usi xu' yu'une: “Lec xu' cu'un”, ac'o xiuc.

Joel 3:10 Iomraidhean Croise

2 Crónicas 25:8

Mi ja' xa avip ta xc'ot ta xava'i ti soldadoetic yo' ta xatsacvan ta leto xchi'uque, ti Diose ta xac'ot ta yoc ta sc'ob ti acontrae. Ti Diose oy smuc'ul stsatsal ta xcoltavan, mi mo'oje, ta xjipvan ta lum.

Isaías 2:4

Ta xchapbat sc'opic yu'un Dios ti jujuchop muc'tiquil lumetique, ta xnopbatic yu'un Dios ti letovajel yu'un ti epal lumetique. Ta xlic sjoybinic ta yabtejeb vacax ti yespadaique, ta xlic sjoybinic ta jos ti spuya'ique. Mi junuc lum ta xcha'tsac ti yabtejebic ta stsaquel sbaic ta leto xchi'uc ti yan lume, mu'yuc xa ta xich'ic tojobtasel ti c'u s'elan ta xich' pasel ti letoe.

Jeremías 51:11

Ti Diose oy ta yo'nton ti ta stubbe sc'oplal ti jteclum Babiloniae. Tijbil xa sjol yo'ntonic yu'un ti ajvaliletic ti ta xliquic talel ta Media ti jech c'otuc ta pasel taje. Taje, ta spac sutel ti Dios ti soquesbat ti xch'ulnae. Chaplanic xa xchi'uc ti ayolobique. Tsaquic lec ti amacobbailique.

Miqueas 4:3

Ja' stuc ti Diose ta xchapan c'u s'elan ti jujun muc'tiquil jteclumetique; ja' ta xchapan c'u s'elan c'opetic yu'un ti epal jteclumetique, ac'o mi namal banomil xa oyic. Ti yespadaique, ta xlic sjoybinic ta voc'ob banomil yu'unic; ta xlic sjoybinic ta jos ti spuya'ique. Mi junuc jteclum ta stsac ti yabtejeb yo' ta scontrain ti yan jteclume, mi ja'uc xa ta xich'ic chanubtasel c'u s'elan ta yaq'uel ti letovajele.

Zacarías 12:8

Ti vu'un Diosune ta jtic' jba ta spojel ti jnaclejetic ti oyic ta jteclum Jerusalene. Yu'un ti buch'utic tsalbilic ta j'ech'ele x'ech' to xu' yu'unic liquel jech c'u cha'al xu' yu'un ech' ti Ajvalil Davide. Ja'uc snitilultac ti Davide co'ol s'elan Dios, co'ol s'elan yaj'ánjel Dios ti xu' yu'unic ti jba'beic batele.

San Lucas 13:12

C'alal ilel yu'un ti Jesuse, iq'ue talel, xi albate: —Ti vo'ote, lacol xa yu'un ti achamele.

San Lucas 22:36

Va'i un, xi laj yal ti Jesuse: —Avi tana li'e, mu xa jechuc. Ti buch'u oy snuti'e, ti buch'u oy yav staq'uinique, ac'o yich' batel. Ti buch'utic ch'abal yu'un ti yespadae, ac'o xchon jlicuc sc'u' yo' ta sman.