Joel 2:3 - Bible in Tzotzil de Chamula

³ Yu'un co'ol s'elanic jech c'u cha'al junuc c'oc' ti scotol ta stsutsese. Xchic'ovan no'ox c'alal ta x'ech' batele, jech tilem ta xcom mi ech' xa batel une. C'alal mu'yuc to ox ta xvulic ta loq'uele, toj jun to ox yutsil ti banomile. C'alal laj ech'el yo'ntonique, co'ol s'elan jun sbajtical banomil ta xictaic comel. Laj to sc'oplal ma' ti oy c'usi colem ta xcom yu'unic une.

Bible in Tzotzil de Chenalhó with Deuterocanon

³ Ja' jech chac c'u cha'al c'oc' ti chchic' batel ta jujujote. Ac'o me ja' to'ox jech chac c'u cha'al ts'unubaltic ta Edén, pero ja' jech chcom yu'unic jech chac c'u cha'al xocol banamil; mu'yuc c'usi chcol comel yu'unic.

Joel 2:3 Iomraidhean Croise

Génesis 13:10

Va'i un, ti Lote laj sq'uel batel scotol ti stenlej sti'il uc'um Jordane. Laj yil oy lec vo' ta sjunul ti stenleje, co'ol xa s'elan yav ts'unubaltic xc'ot c'alal to biq'uit jteclum Zoar. Yu'un co'ol s'elan yosilal Egipto. (Yu'un ta vo'ne, ja' to ox jech s'elan c'alal mu'yuc to ox lilinbil yu'un Dios ti jteclum Sodomae xchi'uc ti jteclum Gomorrae.)

Génesis 2:8

Ts'acal to un, ti Dios ti ja' Ajvalile, laj xchapan jun yav ts'unubal tey ta yosilal ti Eden sbie, ti oy ta yelov ti sloq'ueb c'ac'ale. Ti bu taje, laj yac' ti vinic ti laj smeltsane.

Salmos 50:3

Mu ts'ijiluc ta xtal ti Diose, xi s'elan ta xvul ta loq'uele: jba'be talel yu'un ti jtsutsesvanej c'oq'ue, ti joyobtabil ta jun banomilal vo' xchi'uc yic'ale.

Salmos 97:3

Jba'be j'ech'el yu'un ti c'oq'ue, ta xchic' ti scontratac joyol ta spat xocone.

Éxodo 10:15

Yu'un mi ja'uc xa xvinaj ta q'uelel com yu'unic banomil ti epal c'ulubetique. Laj slajesic scotol ti yanal te'etique xchi'uc scotol ti sat te'etic ti ch'i talel ti c'alal ech' xa ox ti bote. Xi s'elan ti mu'yuc xa bu xavil ti oy c'usi yox com ti bu c'alal smacoj ti Egiptoe, mi ja'uc ti ta osile, mi ja'uc ti ta te'tique.

Éxodo 10:5

Taje, ep ta xtal. Ta smac ti banomile. Mu xa xvinaj ta xcom ti banomil yu'une. Ta slajes scotol ti ts'unubaletic spulemal ti xquechel bote. Ta slajes scotol ti yanal te'etic ti oy ta osiltique.

Isaías 14:17

¿Mi mu ja'uc ti vinic le'e ti co'ol s'elan sbajtical banomil laj yicta comel ti banomile, ti tusul no'ox laj yicta ta milel ti jteclumetique, ti mu ja'uc jutebuc laj stic' sba ta spojel scoltael ti jchuqueletique?’

Isaías 15:6

Taquij ti joq'uetic ta Nimrime. Ta j'ech'el nucultaj ti momoletique. Mu xa c'usi xch'i ta banomil. Mi ja'uc xa oy c'usi xavil ti yox yanale.

Isaías 33:4

Yu'un ti scontraique, co'ol s'elan junuc c'ulub ic'uneb ti osil xvoletic no'ox talele, ti lamal ta xc'ot ta stojolique, ta xpojbatic batel ti sc'ulejalique.

Isaías 51:3

C'uxubaj to me co'nton yu'un ma' ti lum Sión une, ti lum ti jinem xa scotole. Ti taquin sbajtical banomile, ta joybin ta jun yavil ts'unbilal nichim ti ta xc'ot jech c'u cha'al yavil sts'unbil nichim Dios ta ts'unubaltic ta Edene. Ti bu taje, naca xa muyubajel xal o, mu'yuc c'usi xal ti o'ntonale, ti xlaet no'ox ti q'uejimol jmoj xchi'uc ti c'usitic ta xich' tijele.

Isaías 9:18

Ta x'ac'van ta vocol ti c'usi chopol ta xich' pasele, ti co'ol s'elan jech c'u cha'al junuc colemal c'oc' ti xjumet no'ox ta xchic' ti chucul ch'ixtique, ti jobeltique, ti naca xchic' no'ox batel ti te'tic ta ts'i'laltique, ti sts'otet no'ox xchi'uc sutub ic'al ti ch'ail ta xmuy batele.

Isaías 9:19

Ta scapemal sjol ti Dios ti scotol xu' yu'une, laj stiles ta c'oc ti muc' ta lume, mi ja'uc xa xc'uxubaj yo'nton ti vinic xchi'uc ti svinquilele.

Jeremías 5:17

Ta stun ta slajesic ti c'usi xloc' x'ayan avu'une, ti ave'el avuch'ome. C'alal ta aquerem atsebtac, ta stsutses ta j'ech'el. Ta ye ta sti'ic, ta stsutsesic ti achijtaque, ti avacaxtaque, ti a'uvataque xchi'uc ti aicuxtaque. Ti nac'obbail jteclumetic ti apatoj avo'nton yu'une, mu ta sc'obicuc ta xa'i ta slilinic xchi'uc ti abtejebaletic yu'unique.”

Ezequiel 36:35

Xi ta xalic liquel une: Ti com to ox ta sbajtical ti banomil li'e, tana le'e, co'ol xa s'elan ts'unubaletic ta Edén. Ti laj to ox yich' lilinel ti jteclumetique, ti tsuts sc'oplal ti stuc xch'uch'ulil busul come, tana le'e, c'ot ta jun pojobbail, noj ta jnaclej.

Amós 7:4

Xi s'elan laj yac'bun quil ti Diose: Laj quil ti laj stac talel muc'ul c'oc' ti ta xac'be yich' tsitsel ti muc' ta natil nab ti yacal xa ta soques xtoc ti osil banomile.

Habacuc 1:6

Ta xlic jpas ti ta xlic xchapan sbaic ta ac'-leto ti caldeoetique, ti ja' jun jnaclejetic ti mu'yuc xch'ulelic ta j'ech'ele, ti toj lec xa'iic ta xaniel ti banomil ta jujujote, yo' jech ta xu'ninic ti banomil ti c'alal ma'uc yu'unique.

Zacarías 7:14

Ja' yu'un un, co'ol j'elan junuc sutub ic', tan puc laj jtaniic batel ti ta muc'tiquil lum ti mu ja'uc jutebuc xojtiquinique. Sts'ijlajan xa com, joybijem xa ta sbajtical banomil com ta spatic ti slumalic ti c'alal loq'uic batele, ti c'ot ta pasel ti mu'yuc xa xnaqui teye. ¡Ja' ta scoj stuquic ti jeche' xa xme'inaj com yu'unic ti c'upil sba jteclum to oxe!”