Joel 2:26 - Bible in Tzotzil de Chamula

²⁶ Ta xata lec ti ave'elique, ja' to ti c'uxi xlaet avo'nton ta xcom yu'une. Xalequil-c'opojic no'ox ta stojol ti Dios avu'unique. Oy c'usitic lec muc'tic laj jpas ta atojolic. Laj sc'oplal ti nijil chimil ta xcomic ta q'uexlal ti jteclumale.

Bible in Tzotzil de Chenalhó with Deuterocanon

²⁶ Jech lec chave'ic, lec noj ach'utic; jech xu' chavalbicun jlequilal, vu'un li Muc'ul Diosun avu'unic, ta sventa ti toj muc'tic sq'uelubil jtsatsal la jpas ta atojolique. Jech mu'yuc xa ta xcac'oxuc ta q'uexlal yan velta, vo'oxuc li jteclumaloxuque.

Joel 2:26 Iomraidhean Croise

Génesis 33:11

Jech o xal un, avocoluc, tsacbun ich'bun ti amoton quich'ojbot talele. Yu'un ti Diose laj spasun ta jc'ulej ti jech oy cu'une. Ti jech mu xlaj yo'nton ta vocoletel ti Jacobe, jech o xal ti Esaue laj stsac ti matanale.

Nehemías 9:25

Laj yu'ninic xtoc jteclumetic ti lec bajal ta moque, ti ve'ebal banomile, xchi'uc naetic ti nojic lec sbeel ta c'usiuc no'oxe, ti joq'uetique, ti yavil ts'unubal uvae, ti yavil ts'unubal olivo te'e, xchi'uc ti yan lo'bolal te'etique, ti ve'ic uch'ubajic ti bu xa c'alal xal ti yo'ntonique, ti jubic ta j'ech'el ta sc'upinel ti spajeb yutsilal slequilal avo'ntone.

Salmos 103:5

Ta xac'bun scotol ti c'usitic ta xtun yo' lec oyune, ta xiqueremaj yu'un jech c'u cha'al ta xjel sc'uc'umal ti xic une.

Salmos 116:7

Tana li'e, laj xa ca'i ti mu'yuc c'usi jna'e, yu'un toj lec ti c'usi laj spas ta jtojol ti Diose.

Salmos 13:6

Ta xiq'uejin yu'un ti Diose ta sventa ti oy c'usi lec laj spas ta jtojole.

Salmos 22:26

Nojeso abaic, ve'anic ti ilbajinbiloxuque. Lequil-c'optaic Dios ti vo'oxuc ta xasa'ique, ti jaluc jabil ch'ian c'opojanique.

Salmos 37:19

Ti yorail oy vocole, c'alal ja' o oy ti vi'nale, mu q'uexlal apunicuc, yu'un staojic ti c'usi ta stun ta slajesique.

Salmos 67:5

Ch'ul Dios, slequil-c'optaucot ti jteclumetique; scotoluc ti jteclumetic une, slequil-c'optaucot.

Salmos 72:18

Lequil c'optabiluc ta j'ech'el ti Diose, ti Ajvalil Dios yu'un ti Israele, ti stuc no'ox oy c'usitic muc'tic ta xc'ot ta pasel yu'une.

Proverbios 13:25

Ti buch'u oy stuq'uilale ta snojes lec xch'ut ti bu xa c'alal xu' yu'une, ja'uc ti buch'u mu'yuc xch'ulel xa'i sbae, mu sta o ta xa'i ti c'u yepal ta slajese.

Cantares 5:1

Uni tseb, cuni lecom, li'och xa batel ta yavil cuni ts'unubal. Laj jtic' jc'ob ta stunesel ti cuni mirrae, xchi'uc ti uni muil poxiletic cu'une; laj xa ca'i c'u yutsil yuni pomal sc'olol c'ol ti cuni ajapome, laj xa jc'upin ta yuch'el ti cuni vinoe, xchi'uc ti cuni chu' vacaxe. Jchi'iltac ti lec xquil jbatique, ve'anic, uch'obajanic. ¡Uch'ic scotol ti c'usi xa xal ti avo'ntonique!

Isaías 25:1

Cajval, ti Diosot cu'une, ta xcac'ot ta toyesel ac'oplal, ta xcalbot avutsilal alequilal, yu'un c'ot ta pasel avu'un ti c'usitic jun yutsiquil anopoje, ti vo'ne xa sliquel avu'une, ti j'ech'el mu stselbuje, ti jbel sc'oplal ta xc'ot ta pasele.

Isaías 29:22

Jech o xal ti Ajvalile, Dios yu'un ti Israele, ti laj stic' sba ta spojel ti Abrahame, xi ta xale: “Avi tana le'e, li' ta xlic batel ti mu xa xa'i q'uexlal ti Jacobe, mi ja'uc xa xchacpochtaj ti sate.

Isaías 45:17

Ja'uc ti Israele pojbil coltabil c'otic yu'un ti Diose, ti j'ech'el pojbil c'otique. Mi ja'uc jutebuc peq'uel ti sc'oplalique, ti ta xac' sbaic ta lo'il maxile.

Isaías 49:23

Ti ajvaliletique ta xc'otic ta jts'itesvanej totil. Ti tojol tsebetic ti oy sc'oplal ta xc'ot ta me' ajvalile, ta xc'ot ta avajch'ipomtac. Snupilan xa banomil ta snijan sbaic ta atojol, ti slec' xa ti spucuquil avacane. Ja' jech ta xlic ana' ti vu'un ti Diosune. Ti buch'utic spatoj yo'ntonic ta jtojole, mu xlajic ta lo'lael.”

Isaías 54:4

Mu xaxi', laj sc'oplal ti lo'il maxiltabilote, ti chopol ta xc'opojic ta atojole, ti ta snijanot ta q'uexlal apune. Ta xc'ot ta ch'ayel ta avo'nton ti q'uexlal apunot to ox ta atsebale. Nom ta xc'ot ti na'lebilot ta scoj ti ame'lal antsile.

Isaías 55:2

¿C'u cha'al ta xats'ile ataq'uinic yu'un ti c'alal ma'uc ve'lile? ¿C'u cha'al ja' xa abejanoj avuni tojol yu'un ti c'alal mu'yuc c'usi ta x'ech' ta ave ta ati' jutebuque? A'yibeicun ava'iic lec, tunic lajesic atuquic ti lequil ve'liletique. Ech'uc ta ave ta ati'ic ti c'usitic chi' pojique.

Levítico 25:19

Jech ti banomile lec ta xac'be sat ti ts'unubile. Jun avo'ntonic xtoc ta xacuxiic yu'un, ja' to ti c'uxi ta x'ech' lec avo'ntonic ti ta xalo'beic ti sate.

Levítico 26:26

“C'alal ta jtubbe sc'oplal ti ave'el avuch'omique, lajunvo' antsetic ta sta'ajesic apanic ta jun no'ox horno. Ch'acbil pexbil ti ave'el avuch'omique, mi ja'uc xanojic yu'un.

Levítico 26:5

Oy trigo avu'unic ti c'alal ta xyijub sat ti uvae. Oy to uva avu'unic xtoc ti c'alal ta xlic ts'unubajanic yan veltae. Yu'un oy lec yip xchi'uc ta xnoj lec ach'utic yu'un ti pan ta xave'ique. Ta xac'upinic lec ti lamajem ti jteclume.

Miqueas 6:14

Ac'o mi xave' xavuch' xa vo', ja' no'ox un, mi ja'uc ta xnoj lec ti ach'ut yu'une, yu'un staoj yav xmich'mun ta xava'i ti vi'nale. Ac'o mi ta xatsobilan ti c'usitic ta xtun avu'une, mi ja'uc xapoj yu'un. Ti mi lapoj yu'un ti c'usitic oy avu'une, ta xc'ot ta pasel cu'un ti ta slilinic ti j'ac'-letoetique.

Sofonías 3:11

Ti c'ac'al taje, jteclumal, ta xtub sc'oplal avu'un ti q'uexlalot yu'un ti c'usitic chopol laj apas ti laj atoy aba ta jtojol xchi'uque. Ta jch'ac loq'uel ta atojol ti buch'utic toj jchopolique, ti jelavem ti stoyobbailique, ti j'ech'el mi ja'uc xa ta xavac' ta ilel ti atoyobbail ta ch'ul vits cu'une.

Zacarías 9:15

Ti Dios ti scotol xu' yu'une, yu'un ta xchabi ti yu'untaque. Ja' yu'un un, ti stuquique ta xpech'ic ta teq'uel ti jim jimich'etique, ta sesintaic ti scontraique, ti co'ol s'elan vino ta xuch'beic ti xch'ich'ele, ti co'ol s'elan lech-lech taq'uin ti noj ta xcom xchi'uquique, mi mo'oje, co'ol s'elan ti xbein no'ox yalel ta xulubtac ti altare.

Zacarías 9:17

C'u nan yutsil, c'u nan slequil liquel ti muc' ta lum taje. Ti jech mu no'ox albajuc ta xloc' yu'un ti trigo xchi'uc ti vinoe, jech ti querem tsebetique xcuxojic lec ta xch'i xc'opojic.

Romanos 10:11

Ti ta ch'ul c'ope xi ta xale: “Ti buch'u ta spat yo'nton ta stojol ti Cajvaltique, mu xlaj ta lo'lael.”

Romanos 5:5

Mi ja'uc xlo'ilaj co'ntontic yu'un ma' ti oy c'usi jpatoj co'ntontic jmalaojtic ta jtatique. Jbel sc'oplal ta xc'ot ta pasel, yu'un ti Diose yac'ojbotic ta co'ntontic ti syail xc'uxul yo'nton ta sventa ti Ch'ul Espíritu ti laj yac'botique.

Romanos 9:33

Yu'un xi albil sc'oplal ta ch'ul c'ope: “Ta jbejan muc' ta ton ta jteclum Jerusalén, jun jbosiej-acanil ton. Ti buch'u ta spat yo'nton ta stojole mu xlo'ilaj ti yo'ntone.”

Deuteronomio 11:15

Ja' jech xtoc lec ta xch'i ti yaxaltic ti oy ta osiltic sventa ta slo'ic ti chon bolometic avu'unique, ti ataojic lec ti ave'el avuch'omic ti bu xa c'alal xal ti avo'ntonique.

Deuteronomio 12:12

Yu'un ti bu taje, ta xapasic q'uin ta sba ta sat ti Ajvalil Dios avu'unique jmoj xchi'uc ti c'u avepalic ta nacleje, ti amosovique, xchi'uc ti levitaetic ti nacalic ta atojolique. Yu'un ti stuquique, mi ja'uc ta xich'ic jutebuc xrextoic ta banomil ti bu ta xavich' ta arextoique.

Deuteronomio 12:18

Yu'un c'ajomal no'ox xu' xatun xalajesic ta stojol ti Ajvalil Dios avu'unic ti bu t'ujbil yu'une. Ti bu taje, ta sba ta sat ti Ajvalil Dios avu'unique, ta xatun xalajesic xchi'uc ti avalab anich'nabique, xchi'uc ti amosovique, xchi'uc ti levitaetic ti nacal ta atojolique, ti jmoj ta xamuyubajic ta slajesel ti c'usitic laj ataic yu'un ti avabtelique.

Deuteronomio 12:7

Ti bu taje, ta xave' xavuch'ic vo' ta sts'el ta sba ta sat ti Diose, jmoj xchi'uc ti c'u avepalic ta nacleje. Jmoj xamuyubajic ta sventa ti oy c'usi lec ch'i ta sventa avabtelic ti jech laj sva'an sba ta atojolic ti Ajvalil Dios avu'unique.

Deuteronomio 8:10

Ts'acal to un, c'alal mi laj xa atun alajesic ti ave'el avuch'omique, ti xlaet ta xava'i ti avo'ntonique, tsots sc'oplal ti colaval xavutic ti Ajvalil Dios avu'unic ta sventa ti laj yac'boxuc ti jun lequil banomile.

1 Timoteo 6:17

Ti buch'utic oy sc'ulejalic li' ta sba banomile, albo ya'iic ti mu stoy sbaic xchi'uque, ti ma'ucuc spat yo'ntonic xchi'uc ti sc'ulejalique, yu'un ti c'ulejale, ta jech yepal xu' ta xlaj sc'oplal. Ac'o spat yo'ntonic ta stojol ti Dios ti stalel cuxule, ti oy ta yoc ta sc'ob ta yac'belotic scotol ti c'usi ta xtun cu'untique yo' lec oyotic.

1 Juan 2:28

Avi tana une, Jnich'nab, junucoxuc ta stojol ti Cristoe yo' jech jun co'ntontic ta stojol ti c'alal ta xvul ta loq'uele, yo' mu xijq'uexav ta stojol c'alal ta xtale.