Joel 2:22 - Bible in Tzotzil de Chamula

²² Te'tical chon bolometic, mu xaxi'ic, yu'un ti yaxaltique ta xlic yaxubuc, yu'un ta xlic yac' sat ti te'etique, Mu albajuc ta x'ayan liquel ti icuxe, ti uvae.

Bible in Tzotzil de Chenalhó with Deuterocanon

²² Chonbolometic ta te'tic, mu xavat avo'ntonic, yu'un li ts'i'laltic ta xocol banamile ta xlic yaxubuc tal. Li te'etique ta xlic satinicuc; li higotic xchi'uc li ts'usubtique ta xlic yac' sat.

Joel 2:22 Iomraidhean Croise

Génesis 4:12

Ac'o mi ta xavabtelan ti banomile, mu'yuc c'usi ta xayac'bot. Yu'un yalel muyelot ta banomil. Mi ja'uc jutebuc ta xata ti xlaet ta xava'i ti osile.

Salmos 36:6

Ti tuq'uil chapanel avu'une, co'ol s'elan jech c'u cha'al muc'tic vits; ti c'usitic nopbil avu'une, co'ol s'elan jun muc' ta nab ti mu albajuc snatil ti sninabile. Ti vo'ote, Dios, abainoj ta xchabiel ti jnaclejetique xchi'uc ti chon bolometique,

Salmos 65:12

Yax balan no'ox ti yaxal ta sbajtical banomile, yax balan no'ox yutsil ti vitstique.

Salmos 65:13

Lamal no'ox vacaxetic ta stenlejaltic, yax balan no'ox yutsil ti trigo ta stenlejaltique, scotolic xmuyubajic, x'avlajetic, xq'uejinic no'ox.

Salmos 67:6

Satin xa ti oy c'usi ts'unbil ta banomile; ti Dios cu'untic une laj sva'an sba ta jtojoltic.

Isaías 51:3

C'uxubaj to me co'nton yu'un ma' ti lum Sión une, ti lum ti jinem xa scotole. Ti taquin sbajtical banomile, ta joybin ta jun yavil ts'unbilal nichim ti ta xc'ot jech c'u cha'al yavil sts'unbil nichim Dios ta ts'unubaltic ta Edene. Ti bu taje, naca xa muyubajel xal o, mu'yuc c'usi xal ti o'ntonale, ti xlaet no'ox ti q'uejimol jmoj xchi'uc ti c'usitic ta xich' tijele.

Ezequiel 36:30

Ta jventa, ta xac' lec sat ti lobolal te'etique xchi'uc lec ta xac' sat ti ts'unubaletic ta osiletique, yo' jech mu nijil chimilucoxuc ta q'uexlal ta sba ta sat yan muc'tiquil lumetic ta scoj ti vi'nale.

Ezequiel 36:35

Xi ta xalic liquel une: Ti com to ox ta sbajtical ti banomil li'e, tana le'e, co'ol xa s'elan ts'unubaletic ta Edén. Ti laj to ox yich' lilinel ti jteclumetique, ti tsuts sc'oplal ti stuc xch'uch'ulil busul come, tana le'e, c'ot ta jun pojobbail, noj ta jnaclej.

Ezequiel 36:8

Ja'uc ti vo'oxuque, vitsetic yu'un Israel, volibiloxuc ta muc'tiquil te'tic ti yepal no'ox lisil sat yo' ta stunes ti jnaclejetic yu'un Israel ti jutuc xa sc'an ta sutic talele.

Jonás 4:11

Le' ec une, x'ech' to sc'oplal ta xca'i ta xc'uxubaj co'nton yu'un ti muc' ta jteclum Nínivee, ti x'ech' to ta vacvinic ta mil (120,000) ololetic ti mu to xa'ibeic smelol ti osil banomile, xchi'uc ti epal chon bolometique.”

Hageo 2:16

C'alal mu to ox jechuque, ¿mi mu xiuc to ox s'elan oyoxuque? C'alal oy buch'u ta xbat ti bu busul ti sts'unubal ti yaloj xa ta xloc' jtob (20) ta bise, c'ajomal no'ox ta sta talel lajunbis (10). C'alal oy buch'u ta xbat ti bu ta xich' pits'el ti uva ti yaloj xa ta xloc' lajuneb yoxvinic (50) ta bej q'uibe, c'ajomal no'ox ta sta talel jtob (20) ta bej q'uib.

Zacarías 8:12

Ti jech lamajem banomil ta xa'iique, loq'uem ayanem ta yo'ntonic. Jech ti uvaetique ta xac' lec ti sate. Ti banomile ta xac'be lec sat ti c'usi ta xich' ts'unele. Ta xac' lec ts'ujul ti vinajele. Ja' jech ta xcac'be yu'ninic ti jnaclejetic ti c'u yepal ta xcom ta jteclum li'e.

1 Corintios 3:7

Ti xcaltic une, ti buch'u ta sts'une xchi'uc ti buch'u ta smalta ti ts'unobale, ja' no'ox jech yepal xu' yu'unic. Yu'un c'otem ta sventa Dios scotol. Yu'un ja' ta xac' ch'iuc talel ti ts'unobale.