Joel 2:21 - Bible in Tzotzil de Chamula

²¹ Laetuc no'ox me xava'i, banomil, mi ja'uc xaxi' xtoc, yu'un ti Diose, oy c'usitic muc'tic ta xlic spas.

Bible in Tzotzil de Chenalhó with Deuterocanon

²¹ Banamil, mu me xaxi'; junuc avo'nton, cuxetuc no'ox avo'nton, yu'un li Muc'ul Diose ta spas muc'tic sq'uelubil stsatsal.

Joel 2:21 Iomraidhean Croise

Génesis 15:1

C'alal laj ti va'i s'elan taj une, ti Abrame ta jech to yepal jam sba sat, ja' o xi albat yu'un ti Diose: —Mu xaxi', Abram, yu'un vu'un avajpojobbailun. Yu'un ti matanal ti oy sc'oplal ta xc'ot ta atojole, mu xa ono'ox albajuc yepal ta xbat.

Salmos 71:19

Ti chapanel avu'une, Ch'ul Dios, ta xc'ot c'alal to vinajel, yepal no'ox muc'tic ta xc'ot ta pasel avu'un. Mu'yuc buch'u xco'olaj jech c'u cha'al ti vo'ote.

Salmos 98:8

Jeltosuc xa c'u s'elan xchajet yech'omal ti uc'ume, ti muyubajicuc ta avanel ec ti vitsetic

Isaías 35:1

Muyubajuc liquel ti taquin sbajtical banomil to oxe. Muyubajuc no'ox liquel ta nichinajel.

Isaías 41:10

Mu xaxi', yu'un li' jchi'inojote, mi ja'uc xatsiq'ues avo'nton, yu'un Diosun avu'un. Ta xcac'bot avip, ta jcoltaot. Ta sventa ti jelavem xu' cu'une, icbil japbilot cu'un.

Isaías 44:23

Jech ec, ch'ul vinajel, avanan ta muyubajel ta sventa ti oy c'usi laj spas ti Diose. Natiquil ch'enetic ti oyoxuc ta banomile, bal to xca'itic ma' le' une, chianic. Vitsetic, abnaletic xchi'uc scotol ti te'etic avu'une, avananic ta muyubajel ti bu xa c'alal xac' ti yipal avu'unique. Yu'un ti Diose laj xa yac' ta q'uelel ti yutsilal slequilale. C'ot xa ta pojel yu'un ti Israel steclumal ti Jacobe.

Isaías 54:4

Mu xaxi', laj sc'oplal ti lo'il maxiltabilote, ti chopol ta xc'opojic ta atojole, ti ta snijanot ta q'uexlal apune. Ta xc'ot ta ch'ayel ta avo'nton ti q'uexlal apunot to ox ta atsebale. Nom ta xc'ot ti na'lebilot ta scoj ti ame'lal antsile.

Isaías 55:12

“Xamuyubajic no'ox ta xaloq'uic talel ti bu taje. Jun avo'ntonic ta xasutic talel ta ateclumalic. C'alal ta xilic ti muc'tic vitsetique xchi'uc ti stselejtique, xmuyubajic no'ox xlaetic liquel ta q'uejimol, smaj no'ox sc'obic scotol te'tic ti oy ta osiltique.

Jeremías 33:3

C'oponun ti'inun un, ta jtac'bot ti ac'ope. Oy c'usi ta jcaj'albot ava'i ti muc'tic no'ox ta xc'ot ta pasele, ti chucul ta a'yiel ti mu to xana'e.

Oseas 2:21

Ti vu'un Diosune, mu me lo'iluc no'ox ti xi ta xcale: Ti jech yorail taje, vu'un ta jtac'be sc'opojel sti'inel ti jteclumale. Jech o xal ti vinajele ta xac' taluc vo' ta banomil.

Joel 2:20

Ti c'ulubetic ti oy ta atojolic ti liquemic talel ta yolon ti yolon xocon sloq'ueb c'ac'ale, ta jten batel ta sbajtical banomil. Ti banquilal j'ic'vanej yu'une, ta xcac' jic'avuc ta Chamem Nab. Ja'uc ti jts'ac-pativanej yu'une, ta xcac' jic'avuc ta Mediterráneo nab. Ta xlic c'a'uc ti sbec'tale, ti yan sba stuil ta xc'ot ta j'ech'ele, yu'un oy c'usitic muc'tic ta xc'ot ta pasel cu'un.”

Joel 2:26

Ta xata lec ti ave'elique, ja' to ti c'uxi xlaet avo'nton ta xcom yu'une. Xalequil-c'opojic no'ox ta stojol ti Dios avu'unique. Oy c'usitic lec muc'tic laj jpas ta atojolic. Laj sc'oplal ti nijil chimil ta xcomic ta q'uexlal ti jteclumale.

Zacarías 8:15

Avi tana une, laj xa jel. Ja' xa no'ox ta jnop ti lecuc c'otuc ta pasel ta stojol ti Jerusalene xchi'uc ti jteclum Judae. Ja' yu'un un cha'e, mu xaxi'ic.

Deuteronomio 4:32

“Jac'o ava'iic sc'oplal mi oy bu c'ot ta pasel junuc velta ta vo'ne jech c'u cha'al li'e, ti c'alal ch'abaloxuc to oxe, ti c'alal lic smeltsan jun sba vinic li' ta banomil ti Diose. Xanavanic ta sjoylej banomil ta sjac'olanel mi oy bu ya'binojic sc'oplal ti c'usitic muc'tic c'otem ta pasel jech c'u cha'al avi tana li'e.

1 Samuel 12:16

“Ja' yu'un un cha'e, mu to xaloq'uic batel ti bu oyoxuque. Ta xavil ta aba ta asatic ti mu albajuc ta svinajes ta sliquesel ta spasel yabtel ti Dios ta atojolique.

1 Samuel 12:24

C'otuc ta pasel avu'unic ti xi'taic ti Diose, ti nijil chimiloxuc ta yich'el ta muc' ta melele, xchi'uc ti ta sjunuluc avo'ntonique ti mu xch'ay xava'iic ti ep oy c'usi lec laj spas ta atojolique.