Joel 2:2 - Bible in Tzotzil de Chamula

² Ta xc'ot sc'ac'alil ti ic'ubel ta osil banomile. Ta xc'ot sc'ac'alil ti toc xqueovin ti banomil yu'une. Co'ol s'elan jun yepal soldadoetic ti tsots xu' yu'unic ta j'ech'ele, ta xvulic ta loq'uel ta vitstic jech c'u cha'al ta xvul ta loq'uel ti saquilal osil ta sobe. Mi ja'uc xa oy bu jech ta xvinaj ta ts'acal to ti oy bu co'ol s'elan ta xvul ta loq'uel jech c'u cha'al le'e.

Bible in Tzotzil de Chenalhó with Deuterocanon

² Ja' sc'ac'alil ic' osil, ja' yorail ac'ubaltic; ja' sc'ac'alil chtal but'ulaltic, ja' yorail chtal yaxinaltic. Jech chac c'u cha'al chtal saquil osil ta vitsetic c'alal tsacub tale, ja' jech ta xtal ven epal c'ulubetic ti toj tsots xu' yu'unique. Mu'yuc ono'ox bu jech c'otem ta pasel, xchi'uc mu'yuc jech chc'ot ta pasel ta ts'acal ti jayc'ol alab nich'nabetic chtalic toe.

Joel 2:2 Iomraidhean Croise

Salmos 10:6

Ta snop ti mu'yuc buch'u stsalun yu'une, ti j'ech'el mu'yuc c'usi chopol ta xc'ot ta stojole.

Salmos 97:2

Joyobtabil ta pimil toc; ti stsacleb yip ta ventainvaneje, ja' ti oy yutsil stuq'uile.

Éxodo 10:14

Taj une, laj soquesic sjunlej ti lume. Mi ja'uc oy bu jech c'ot ta pasel ta vo'ne. Mi ja'uc oy bu ta to xc'ot ta pasel ti ta xtal epal c'ulub jech c'u cha'al ti c'ac'al tana li'e.

Éxodo 10:6

Ta xnoj ta c'ulub ti anae, sna ti avaj'abteltaque, xchi'uc sna scotol ti avinquileltaque. Ja' to sba velta ti jech ta xc'ot ta pasele. Mu'yuc laj yilic jech ti c'alal laj ech'icuc ti atot ame'ique, ti amuc'tot ayayaique. Le'e, ja' to no'ox jech laj avilic o vul ta loq'uel.” C'alal laj c'opojuc ti Moisese, laj xpux sutel yoc, loc' batel ta sna ti faraone.

Éxodo 20:21

C'alal nom va'alic ti israeletique, jech ti Moisese nopaj batel ti bu oy ti pimil toc ti ja' tey oy ti Diose.

Isaías 5:30

Ti lum taje, ti c'alal ta xc'ot sc'ac'alil ti albil sc'oplale, co'ol s'elan junuc muc' ta nab yech'omal snuq'uic ti x'avetic no'ox ta scontrainel ti lum Israele. Ti oyuc buch'u ta sq'uel ti banomile, ta xil ti ic'unebe, ta xmac sat ti c'ac'al ti tsinil ta j'ech'el ta jun ic'al lumal toque.

Isaías 8:22

Ts'acal to xtoc un, ta sq'uelic xa yalel ti banomile. Ta xilic ti mu'yuc xa c'usi x'ayane, ti c'ajomal no'ox ti me'un mu'natile, ti ilbajinele, ti mu x'ech' xjelav ti vocole, ti ic'uneb ti osil banomil ta scoj ti vocole, ti ic'uneb ti osil banomil ta xa'iic scotolique. Ti buch'u ilbajinbilique, mi ja'uc xa ta sta spojel scolelic.

Jeremías 13:16

Ich'ic ta muc' ti Ajvalil Dios avu'unique, ti mu to ta xvul ta loq'uel ti ic'uneb ti osil banomile, ti xabosi avacanic ta ic'-cunan vitstique, ti mu to ta xjoybij ta ic'ubel ta j'ech'el ti banomile, ti lajebal xa xal o yic'ubel ti osil banomile. ti amalojic avalojic yutsilal saquil ti osile.

Jeremías 13:6

Jal xa ox yech'el un, xi lic yalbun ti Diose: “Batan ta uc'um Eufrates, ba ich'o talel ti chuquil ti laj calbot ava'i ti xanac' comel ti bu taje.”

Lamentaciones 1:12

¡A'yio ava'iic ti ta xaxanavic batel ta bee, va'ano aba jliqueluc ta snopel mi xtuch'et ta xava'i jech c'u cha'al xtuch'et ta xca'i ti co'ntone, ti yepal xa ta xac'bun ti jvocole! Laj jta jvocol yu'un Dios c'alal lic tiluc ti sc'ac'al yo'ntone.

Ezequiel 32:7

C'alal ta jtsutsesote, ta x'ic'ub cu'un ti vinajele. Ta xmac sat ti c'analetique. Ta xmac ta toc sat ti c'ac'ale. Mu xac' xojobal ti ue.

Ezequiel 34:12

Jech ta jpas jech c'u cha'al jun jq'uel-chij ta svul yo'nton yu'un ti tanijem xa batel ti xchijtaque. Jech ta jtij co'nton yu'un ti jchijtac ti bu tanijemic batele. Ta jpoj loq'uel talel ti oy jun c'ac'al ta x'ic'ub ti osil banomil yu'un ti banomilal vo'e.

Ezequiel 38:9

Co'oluc s'elan junuc banomilal vo', mi jun to lumal toc volol ta xac'ot ta stojol ti muc' ta lum xchi'uc scotol ti avajsoldadotaque, xchi'uc ti jteclumetic mu albajuc yepal volol ta atojole.

Daniel 12:1

“Ti jech c'ac'al taje, ja' o ta xvul ta loq'uel ti Miguel ti ja' banquilal jpojvanej ánjel ti ta stic' sba ta spojel ti ateclumale. ‘Yu'un ti jech taje, ja' o ta xvul ta loq'uel ti mu no'ox ts'icbajuc ti vocole. Yu'un ti c'alal lic ayanuc talel ti muc'tiquil jteclume, mu'yuc xilic o ti jech xc'ot ta pasele. C'alal mi c'ot sc'ac'alil ti ta xvul ta loq'uel ti va'i s'elan taje, scotol ti ateclumal ti ts'ibabil sbiic ta jpoc vune, ta xcolic.

Daniel 9:12

C'alal jech laj atac talel ta jtojolcutic ti spajeb ti mu ech'bajuc ti vocole, ja' c'ot ta pasel avu'un ti ta xaloq'ues ac'ac'al ti jech ta xapas ta jtojolcutique, xchi'uc ta stojolic ti buch'utic laj spasuncutic ta mantale. Yu'un mu'yuc jech xco'olaj o ta sbejel banomil ti bac vocol ti cajal c'ot ta sba ti jteclum Jerusalene.

Joel 1:6

Ti c'ulubetique, co'ol s'elan jvoc' soldadoetic ti ech'em xu' yu'unique, ti mu no'ox albajuc yepalique, ti co'ol s'elan stanal yeic jech c'u cha'al ti leone, ti co'ol s'elan sts'uts'opic jech c'u cha'al ti me' leone, laj svol ta stsutsesel ti muc' ta jteclum cu'une.

Joel 2:25

“Vu'un ta jq'uextaboxuc sutel ti bu jeche' no'ox lub cham avoc ac'obic ta abtel ti jabil laj ech'uc ta scoj ti epal c'ulubetic laj jtac talel ta atojolic ti c'usitic sbusetic no'ox talel ta slilinele.

Joel 2:31

Ta x'ic'ub ti c'ac'ale, ta xjoybij ta ch'ich' ti ue. Ja' no'ox un, ba'yel oy c'usi muc'tic ta xc'ot ta pasel ti xi'bal sba c'alal ma'uc to sc'ac'alil yorail ta xvul ta loq'uel ti Diose.”

Joel 2:5

Xpujlajet to ta j'ech'el ti c'alal xbitet no'ox ta anil ta vitstique, jech c'u cha'al xpujlajet no'ox ti carreta yu'un ti ac'ob-letoe, mi mo'oje, jech c'u cha'al xbototet no'ox ta xc'ac' ti yanalte' ti c'alal taquijem leque. Co'ol s'elan jvoc' soldadoetic ti tsots xu' yu'unic ti svoloj sbaic batel ta tsacvanej ta letoe.

Joel 3:4

“¿C'usi ta xac'anic ta jtojol ti vo'oxuque, jteclum Tiro, jteclum Sidón, jteclum Filistea? ¿Mi yu'un ta xapacbeicun ava'iic? ¿Mi yu'un oy c'usi ta xac'anic ta jtojol ti ac'o jtoje? Yu'un mu xa jaluc sc'an ta xcac' atojic ti c'usi loc' ta avo'ntonic ta sa'ele.

Amós 4:13

Ti Diose laj smeltsan ti vitsetique, ta xac' taluc ti iq'ue. Ta xac' ta ojtiquinel ta stojol vinic ti c'u s'elan snopoje. Ta sjoybin ta ic'al osil ti saquilal osile. Ta slajun xanubta ti bu toyol ta j'ech'el ti banomile. Ajvalil Dios ti scotol xu' yu'une, xi ma' ti sc'oplal une.

Sofonías 1:7

Ts'ijlanic ta stojol ti Diose, yu'un ti sc'ac'alil yorail ti c'usi xchapanoj ti Diose, jutuc xa sc'an xvul ta loq'uel. Ti Diose chapal xa yu'un ti milbil matanaletique; t'ujbilic xa yu'un ti buch'utic ta x'abolajique.

Zacarías 14:6

Ti jech yorail ta xc'ot ta pasel ti va'i s'elan taje, yu'un ch'abal sic, mi ja'uc oy ti taive.

San Mateo 24:21

Mu no'ox albajuc ti vocol ta xtale, ti sba to velta jech ta xich' svocol ti jnaclejetique, ja' mu sta ti ta sliquebal banomile. C'alal mi ech'e, mu xa sta jech.

Marcos 13:19

Yu'un sba to vuelta ti mu albajuc ta xvul ta loq'uel ti vocole. Mi ja'uc oy bu sta jech c'ot ta pasel ta sliquebal c'alal laj smeltsan talel banomil ti Diose. Mi ja'uc xa oy bu ta xc'ot ta pasel xtoc un.

Deuteronomio 32:7

“Q'uelo sutel apat, t'abbo ta avo'nton ti c'usitic laj c'otuc ta pasel ta vo'nee. Ac'o yalbot ava'i ti atot ta slo'iltabelote; ac'o yalbot ava'i ti ta slo'iltabelot ti moletic ti oy xi sc'oplale:

Hebreos 12:18

Ti vo'oxuque mu jechuc lanopajic talel jech c'u cha'al ti israeletic nopajic batel ta vits ti bu ta xtil ti c'oq'ue, ti bu ic'uneb ti osil ta j'ech'ele, ti bu xjumet ti iq'ue, ti bu xc'avlajet ti chauque.

Judas 1:13

Cuxul j'ilbajinvanejetic ta j'ech'el, yu'un co'ol s'elan svoc ya'lel nab ti natic xva'i xcoti ta sjipel loq'uel talel ti c'usitic mu xtune, ti naca q'uexlal sba ti stalelique. Co'ol s'elan jech c'u cha'al junuc c'anal ti ta xch'ay ta bee. Chapal xa sc'oplal ta xbatic sbatel osil ti bu ic' ta j'ech'el ti osile.

Apocalipsis 9:2

Laj sjambe sti' ti xa'ab ti mu'yuc spajeb snatile. Mu no'ox albajuc xtomet loc' talel xch'ailal ti co'ol s'elan xch'ailal jun muc' ta jornoe. Xch'ayilal ti xa'abe, laj quil ti laj smacbe sat ti c'ac'ale, ic' cuntaj ti banomile.