Joel 2:19 - Bible in Tzotzil de Chamula

¹⁹ Xi lic yale: “Ta xcac'boxuc talel ti trigoe, ti vinoe, xchi'uc ti aceitee, ja' to ti c'uxi jun avo'ntonic ta xacomic xchi'uque. Mi ja'uc ta xcac' que jti' ti ta xavich'ic labanel yu'un ti buch'utic yan sjol yo'ntonique.

Bible in Tzotzil de Chenalhó with Deuterocanon

¹⁹ Li Muc'ul Diose ta stac'be sc'opic li steclumale, jech ta xalbe: “A'yo ava'yic, ta jtac tal trigo, ya'lel ts'usub, xchi'uc aceite, jech lec chnoj ach'utic. Mu'yuc xa chcac'oxuc ta labanel yan velta yu'un li yanlum cristianoetique.

Joel 2:19 Iomraidhean Croise

Jeremías 31:12

“Ta xtalic, xmuyubajic xa ta xlic q'uejinicuc ta toyol vits yu'un ti jteclum Sione. Ta sc'upinic ti xi s'elan chapanbil yu'un ti Dios ta sventaique: mu xc'ot ta ch'ayel ti oy no'ox ti trigoe, ti vinoe, ti aceitee, ti chijetique, xchi'uc ti vacaxetique. Ta staic ti co'ol s'elan jun yav ts'unubaletic ti lec maltabile, staoj scotol ti c'usi ta xtun yu'une.

Ezequiel 34:29

Ta xcac' ts'unubajicuc ta jun ve'ebal banomil. Mu xich' svocolic ta vi'nal, mi ja'uc ta xlabanatic yu'un ti muc'tiquil lumetique.

Ezequiel 36:15

Mu xcac' que jti' ta xlic vinajuc ta sa'el amulic ti jyanlum muc' ta lumetique. Ts'ij xi ta sa'el amulic ti lumetic taje. Laj ta alel ti mu junuc ta xavictabeic yalab xnich'nabic ti jteclume. Mu stselbuj jc'op ti vu'un Ajvalilune.’ ”

Ezequiel 36:29

Ta jten loq'uel scotol ta atojolic ti bu laj soquesoxuque. Ta jventa, busul liquel ti trigo avu'unique. Mu'yuc xa ta jtac talel vi'nal ta atojolic.

Ezequiel 36:30

Ta jventa, ta xac' lec sat ti lobolal te'etique xchi'uc lec ta xac' sat ti ts'unubaletic ta osiletique, yo' jech mu nijil chimilucoxuc ta q'uexlal ta sba ta sat yan muc'tiquil lumetic ta scoj ti vi'nale.

Ezequiel 39:29

Mu'yuc xa ta xquictaic comel. Laj xa jlamanbe jmuc'ul jtsatsal ta stojol ti Israele. Ti vu'un Diosune, mu lo'iluc no'ox ta xcal.”

Oseas 2:15

Va'i un, ta jcha'ac'be ti s'uvataque. Ta xc'ot ta spatobil yo'nton ti stenlejal Acore,, ti oy sc'oplal smalaoj ta stae. Ti bu taje, ta spas liquel jech c'u cha'al c'alal stsebal to oxe, jech c'u cha'al laj spas ti sc'ac'alil c'alal loc' talel ta Egiptoe.

Oseas 2:21

Ti vu'un Diosune, mu me lo'iluc no'ox ti xi ta xcale: Ti jech yorail taje, vu'un ta jtac'be sc'opojel sti'inel ti jteclumale. Jech o xal ti vinajele ta xac' taluc vo' ta banomil.

Oseas 2:22

Jech ti banomile ta xac' ch'iuc ti trigoe, ti uvae, ti olivoe. Scotol taje, loq'uemic talel ti bu sbiinoj Jezreele.

Joel 1:10

Ti osil banomile, jeche' sac mesan com; com ta me'inal ti banomile. Ti trigoe ch'abal xa bu ta tael; laj xa taquijuc ti yaq'uiltac uvaetique, laj xa nucultajuc ti olivo te'etique.

Joel 2:24

Ta xloc' lec ti trigo avu'unique. Mu no'ox albajuc ta xloc' ti vinoe, ti aceitee.

Levítico 26:5

Oy trigo avu'unic ti c'alal ta xyijub sat ti uvae. Oy to uva avu'unic xtoc ti c'alal ta xlic ts'unubajanic yan veltae. Yu'un oy lec yip xchi'uc ta xnoj lec ach'utic yu'un ti pan ta xave'ique. Ta xac'upinic lec ti lamajem ti jteclume.

Zacarías 8:12

Ti jech lamajem banomil ta xa'iique, loq'uem ayanem ta yo'ntonic. Jech ti uvaetique ta xac' lec ti sate. Ti banomile ta xac'be lec sat ti c'usi ta xich' ts'unele. Ta xac' lec ts'ujul ti vinajele. Ja' jech ta xcac'be yu'ninic ti jnaclejetic ti c'u yepal ta xcom ta jteclum li'e.

San Mateo 6:33

Ja' yu'un un, ac'o ta avo'ntonic ti ventainel yu'un ti Diose, pasic ti c'usi tsots sc'oplal ta xil ti Diose. Ta xa'ac'batic scotol unbi ti c'usi ta xtun avu'unique.

Deuteronomio 11:14

Jech o xal un, ta xc'ot ta pasel ti c'uc no'ox yorail ta xtal ti vo' yu'une, manchuc mi ja' o yorail, mi ma'uc yorail ti vo'e. Jech ta xloc' lec ti atrigoique, ti avinoique, xchi'uc ti avaceiteique.

Rut 1:6

Oy jun c'ac'al, ti Noemie laj ya'i ti ta xich' alel ta Moabe, ti c'uxubaj yo'nton yu'un steclumal ti Diose. C'ot xa yorail laj spajes vi'nal ti yacal to oxe.