Joel 2:18 - Bible in Tzotzil de Chamula

¹⁸ Jech o xal un, ti Diose laj yac' iluc ti syail xc'uxul yo'nton ta stojol ti slumale, yu'un c'uxubaj yo'nton yu'un ti steclumale.

Bible in Tzotzil de Chenalhó with Deuterocanon

¹⁸ Jech chlic c'uxubajuc ta yo'nton yosil sbanamil li Muc'ul Diose, jech chlic spasbe perdón li steclumale.

Joel 2:18 Iomraidhean Croise

2 Reyes 19:31

Yu'un oy jvoc' scomelal ta xcom ta Jerusalén. Ti ta vits yu'un Sione, oy to buch'u cuxul ta xcom. Ti jech ta xc'ot ta pasel taje, ja' ta sventa ti mu albajuc syail xc'uxul yo'nton ti Dios ti scotol xu' yu'une.

Salmos 103:13

Jech stalel ma' ti Dios ta stojol ti buch'utic ta xich'ic ta muq'ue, co'ol s'elan jech c'u cha'al junuc totil ti oy sts'iquemal xcuchemal yu'un ta stojol ti xnich'nabe.

Salmos 103:17

Ta sventaic ti buch'utic ta xich'ic ta muc' ti Dios une, staoj yav sbatel osil oy ti syail xc'uxul yo'nton ta stojolique; mu'yuc spajeb stuq'uil yo'nton ta stojol scotol ti sjay-q'uexelal chlaj ech'icuc une,

Isaías 37:32

Yu'un ta xcom jvoc'uc ti ta jteclum Jerusalene. Jech xtoc ti ta vits Sione, oy to buch'u cuxajtic ta xcom. Ti va'i s'elan taje, ta xc'ot ta pasel ta sventa syail xc'uxul yo'nton ti Dios ti scotol xu' yu'une.

Isaías 42:13

Ti Diose ta xvul ta loq'uel jech c'u cha'al junuc vinic ti cuchem yu'une, co'ol s'elan jech c'u cha'al junuc j'ac'-leto ti mu xa pajesbaj ta xa'i ta yaq'uel ti letoe. Ta stoy ye xchi'uc ti sc'ope. Ta xlic avanuc ti ac'o licuc ti letovajele, ti tsalbil ta xc'ot yu'un ti scontrae.

Isaías 60:10

Naca jyanlum ta xcha'meltsanic ti amoctaque, ti ta xac' sbaic ta tunel ti ajvaliletic yu'unique. Ac'o mi laj stsitsot ta sc'ac'al yo'nton ti Diose, avi tana une, ta sventa ti oy slequil yutsil yo'ntone, tal to xc'uxul yo'nton ta atojol.

Isaías 63:15

Q'uelo avil talel un, Dios, ta vinajel ti jun yutsil xtixet ti bu nacalote. ¿Bu bat ti xq'uixnal syail xc'uxul avo'ntone, ti amuc'ul atsatsale? ¿Bu bat avu'un ti jbainelcutique? ¿Mi ch'abal xa un ti yutsil slequil avo'nton ta jtojolcutique?

Isaías 63:9

Scotol ti vocol lamal ta stojolique, cajal c'ot ta sba. Yu'un mu yanuc buch'u ti jpojvanej yu'unique, ja' laj sva'an sba talel stuc ti Diose. Pojeic yu'un ta sventa yutsilal slequilal, xc'uxul yo'nton. Laj stam, laj snit liquel. Jech ono'ox stalel ta spas.

Jeremías 31:20

“Steclumal ti Efraine, ja' jun jnich'on ta xca'i ti c'ux ta co'ntone, nich'onil ti jelavem xc'uxubinel cu'une. C'alal ta jajantae, mu ono'ox tenbaj ta xca'i, ta ono'ox jvul co'nton yu'un. Ta xca'i ti mu'yuc spajeb ti xc'uxul co'nton ta stojole. Ti vu'un Diosune, mu lo'iluc no'ox ta xcal.

Lamentaciones 3:22

ja' ti mu'yuc spajeb syail xc'uxul yo'nton ti Diose, ti mu'yuc lajem sc'oplal ti yutsilal slequilale.

Zacarías 1:14

Laj taj une, laj yalbun mantal ti ánjel ti ac'o xi lic jcaj'ale: “Ti Dios ti scotol xu' yu'une xi ta xale: ‘Ta j'ech'el mu xtuch' ta co'nton ti jteclum Jerusalene xchi'uc ti vits Sione.

Zacarías 8:2

“Xi s'elan ti oy ta co'nton ti vu'un Diosun ti scotol xu' cu'une: Yu'un oy ono'ox ta co'nton ta jc'an ta jcolta ti jteclum Sione, jech o xal lic ti sc'ac'al co'nton yu'un ti yajcontrae.

San Lucas 15:20

Jech un, laj stam batel sbe. Sut batel ta sna ti stote. “C'alal nom to sc'an ta xc'ote, ile yu'un ti stote, c'uxubaj yo'nton ta stojol. Bat nupatuc ta be ta anil. Meye sbuts'e yu'un.

Deuteronomio 32:16

Laj syanijesbe, laj sliquesbe sc'ac'al yo'nton ti Dios yu'une, ti c'alal lic snijan xchiman sba ta yich'el ta muc' ti chopol yan diosetique.

Deuteronomio 32:36

“Ti Diose ta xloc' talel ta spojel ti slumal ti c'alal ta xil ti mu'yuc xa ti yipal yu'unique. Yu'un ti Diose ta xlic xc'uxubaj yo'nton yu'un ti yajtuneltac ti c'alal ta xil ti mu ja'uc xa junuc ta xcom ti buch'u tsotsique, ti mu ja'uc xa junuc ta xcom ti buch'u ch'abal ti yipic ono'oxe.

Deuteronomio 32:43

“Siquetuc avo'ntonic, lumetic, xchi'uc steclumal ti Diose. ¡Ti jech milbat ti yajtuneltaque, ta spacbe sutel, ti yajcontrataque ta xilbe svocol, ja'uc ti yosilale, xchi'uc ti steclumale, ta xch'aybe ti smulique!”

Santiago 5:11

Ti vo'otique yan yutsilic ta xca'itic ti buch'utic oy yipal yu'unic ta sts'iquel ti svocolique. Ava'binojic xtoc oy smuc'ul yo'nton ti Jobe, xchi'uc ti c'u s'elan coltae yu'un ti Cajvaltic Dios ta ts'acale, yu'un ti Diose oy slequil yutsil yo'nton.

Jueces 10:16

Jech ti israeletique lic stubbeic sc'oplal ti jeche' diosetique yo' jech ta xlic yich'ic ta muc' ti Dios yan veltae. Jech ti Diose mi ja'uc xa ts'icbaj ta xa'i ti ilbajinbilic ti israeletique.