Joel 2:16 - Bible in Tzotzil de Chamula

¹⁶ Tsobic talel steclumal ti Diose, mesic tusic lec. Tsobic talel ti moletique, ti ololetique, xchi'uc ti ololetic ti ta xchu'unique. Ja' no'ox jech xtoc ti buch'u naca to no'ox laj slec sbaique, ac'o loq'uicuc talel ta na ti bu vu' ti lequele.

Bible in Tzotzil de Chenalhó with Deuterocanon

¹⁶ Tsobic scotol li achi'iltaquique, ac'o abaic ta lecubtasel; tsobic li moletique, tsobic li queremetique xchi'uc li boch'otic ta to xchu'unique. Ac'o to scomtsan sna li querem ti ja' to i'och ta nae; ac'o to scomtsan sna li tseb ti ja' to inupi its'aquie.

Joel 2:16 Iomraidhean Croise

2 Crónicas 20:13

Scotol jteclum yu'un Judá va'alic ta stojol ti Diose, viniquetic xchi'uc yantsilelic, xchi'uc ta biq'uit ta muc' ti yalab xnich'nabique.

2 Crónicas 29:5

Xi lic yalbe ya'iic une: “A'yio ava'iic, levitaetic: Poco tuso abaic avi tana li'e. Mesic tusic xch'ulna ti Ajvalil Dios yu'unic ti amolmuc'totic ta vo'nee. Loq'uesic talel ta ch'ulna scotol ti albil sc'oplal mu xtune.

2 Crónicas 30:17

Ti yepal to mu'yuc spocoj stusoj sbaic ti jteclume, ti levitaetique tsots sc'oplal laj smilic chon bolometic ta scoj scotolic ti buch'utic mu'yuc spocoj stusoj sbaic ta sventa q'uin Colele, yo' jech ventainbil ta xc'otic yu'un Dios ti chon bolometique.

2 Crónicas 30:19

Le' une, Ch'ul Ajvalil, Diosot yu'un ti smolmuc'totic ta vo'nee, ch'aybo smul scolo', manchuc mi mu'yuc laj spasic jech c'u cha'al liquem ta poquel tusel ta sventa ti ch'ulnae.”

2 Crónicas 35:6

Milic ti ch'iom chij ta xtun ta sventa ti q'uin Colele, poco abaic tuso abaic, chapanic lec ti c'usitic ta xtune, yo' jech ta xch'unic ta spasel ec ti avinquileltac ti c'usi albil yu'un Dios ti Moisese.”

Job 1:5

C'alal ta stsuts ti ve'el uch'ubajel c'u sjalile, ta stsob xnich'nab ti Jobe. Sob xa ta xlic ta sva'an sba ta yaq'uel chic'bil matanal ta sventa ti jujunic yo' ta smese stuseic yu'un ti smulique. Jech stalel ta spas ti Jobe, ti ta snopilan ti oy bu xu' laj sta smul ti xnich'nab ta scoj ti mi oy bu ta yut yo'ntonic laj sbisic ta cotol chaval ti Diose.

Salmos 19:5

Xmuyubaj xa ta xlic xanavuc ech'el ti c'ac'ale, co'ol jech c'u cha'al junuc banquilal j'anilajel, mi mo'oje, co'ol jech c'u cha'al junuc jlecomajel loc' batel ta na ti bu ta x'ech' ti lequele.

Éxodo 19:10

Va'i un, xi albat xtoc yu'un ti Diose: —Batan, yu'un avie xchi'uc ti oc'ome, tana no'ox, ac'o xchapan sbaic avu'un ti israeletique yo' ta spasbeicun ti quich'el ta muq'ue. Tsots sc'oplal chuc'bil lec ti sc'u'ique.

Éxodo 19:15

Ja' yu'un un, ti Moisese xi laj yale: —Chapano abaic ta sventa ti cha'eje. Ti jech yorail taje, ma'uc me ti yan xa yesic ti vinic antse.

Éxodo 19:22

Ja'uc ti paleetic ti oy sc'oplal ta xnopajic ta jtojole, tsots sc'oplal ti ta stus ta smes sbaique, naca mi yilbe sba svocolic cu'un.

Joel 1:14

Tsobo ti jteclume, albeic ya'iic ti oy ictaej vaje. Ac'o stsob sbaic talel ti moletique xchi'uc scotol ti jteclum ta xch'ulna ti Ajvalil ti ja' Dios yu'unique. Ac'o c'opojicuc ti'inicuc ta stojol ti Diose.

San Mateo 21:16

Xi laj yalbeic ti Jesuse: —¿Mi xava'i ti va'i s'elan ta xalique? Xi laj stac' ti Jesuse: —Ta xca'i, ¿mi mu'yuc bu aq'uelojic ta ch'ul c'op ti xi ta xale? ‘Pasbil avu'un ti jun yutsil ta xq'uejinic ti ololetique xchi'uc ti jchu'nel ololetique.’

San Mateo 9:15

Ti Jesuse xi laj staq'ue: —¿Mi yu'un la oyic ta at o'nton xana' ti buch'u ic'bilic ta uch'vanej ta sventa ti nupunel c'alal li' to oy ta stojolic ti jlecvaneje? Ta sta sc'ac'alil un, ta x'iq'ue batel ti jlecvaneje. Va'i unbi ta xicta yotic.

1 Corintios 7:5

Ja' yu'un un, sc'an ti mu smacbe sba yo'ntonic ta jujun tale. Yan mi co'ol ta scomonopic ti mu xchi'in sbaic ta sventa ta xc'opoj xti'inique, jechuc c'u sjaliluc. Ts'acal to ac'o xchi'in sbaic yo' mu tsalatic yu'un ti pucuje.

Josué 7:13

Lican, va'lan, tsobo ta sc'oponel ti jteclume. Albo ya'iic ti ac'o xchapan sbaic ti taluc sva'an sbaic ta jtojol ti oc'ome. Yu'un xichi ta xcalbe ya'iic ti vu'un Ajvalil Diosun yu'un ti israeletique: ‘Ti vo'ote, Israel, laj atam ti c'usi albil sc'oplal ti ta xich' lilinel ta j'ech'ele. Ti mi jech mu xaten loq'uel ta atojole, mi mu xaliline, mu xu' avu'unic xatsac ta c'op ti avajcontrae.’

Josué 8:35

Scotol ti c'usi yaloj comel ti Moisese, mu'yuc jbeluc ti mu laj yavta ti Josué ta stojol scotol ti jteclum israeletique, ti capal ta antsetique, ti ta ololetique, xchi'uc ti ta jyanlumetic ti nacal ta stojolique.

1 Samuel 16:5

—Ja' jech —xi laj stac' ti Samuele—. Yu'un tal cac'be milbil matanal ti Diose. Poco tuso abaic, ba chi'inicun ta yaq'uel ti milbil matanale. Ts'acal to un, ti Samuele lic spoc stus ti Isaí xchi'uc ti xnich'nabe. Laj yic' batel ta yaq'uel ti milbil matanale.