Joel 2:14 - Bible in Tzotzil de Chamula

¹⁴ Yu'un nan xi s'elan ta xc'ot ta pasel yu'une yo' jech mu xayac'beic ti tsitsele, ti ja' ta xac'boxuc talel ti yutsilal slequilale. Ta xataic yu'un ti sat ts'unobale, ti vinoe ta sventa ta xich' ac'bel matanal ti Ajvalil Dios avu'unique.

Bible in Tzotzil de Chenalhó with Deuterocanon

¹⁴ Oy yic'al mu xayac'boxuc atoj li amulique; xu' ja' chlic stacboxuc tal li bendicione, ja' li ya'lel ts'usub xchi'uc li yantic matanal chavaq'uic ta stojol Muc'ul Dios avu'unique.

Joel 2:14 Iomraidhean Croise

2 Samuel 12:22

Ti Davide xi laj staq'ue: —Ti c'alal cuxul to ox ti olole, laj jcomtsan cot, xi'oc'olet ta sventa ti laj jnop ta xc'uxubaj yo'nton ti Dios ta jtojole, yo' jech ta xac' ch'iuc.

2 Samuel 16:12

Yu'un ti c'alal ta xlic yil jvocol ti Diose, ja' nan ta sva'an sba ti ta sjoybin ta jlequilal ti jech bisbilun ta cotol chavale.

2 Reyes 19:4

Oc la ta alel ti lajuc ya'i ti Ajvalil Dios avu'un ti c'usi loc' ta ye ti j'opisial ti tacbil talel yu'un ti ajvalil Asiria ti ja' yajvale, ti tal stsac ta c'op ti cuxul Diose, ti tsitseuc la yu'un stuc ti Ajvalil ti ja' Dios avu'une, ti laj van ya'ie. Vocoletan ta c'opojel ta ti'inel yu'un ti c'u to yepal cuxul ta xcome.”

Éxodo 32:30

Ta yoc'omal un, ti Moisese xi laj yalbe ti jteclume: —Ti vo'oxuque laj ataic tsots amulic. Jech ti vu'une ta ximuy batel ti bu oy ti Diose. Jq'ueltic quic mi ta to jta ti ta xch'ayboxuc amul acolo'ique.

Isaías 65:8

Ti Diose xi ta xale: “C'alal oy lec ya'lel sat ti uvae, mu xch'ayic ec ma' ti jnaclejetique, yu'un ep ta staic ti vinoe. Ta sventa ti syail xc'uxul co'nton yu'un ti cajtuneltaque, jech ta jpas ec ti xi s'elan ta xc'ot ta stojol cu'une: Mu scotoluc ta jtubbe sc'oplal ma' ti muc' ta lume.

Jeremías 18:8

Mi ta xicta sbaic ta spasel chopol ti muc' ta lum taje, xu' to ta xch'ay ta be ti tsitsel chapal xa cu'une.

Jeremías 26:13

Ictaic ti c'u s'elan atalelique, xchi'uc ti c'usi me'inem xava'iic ta spasele. Ch'unic c'usi ta sc'an ti Ajvalil Dios avu'unique yo' jech xu' to ta stselbuj ti cuxul ilbajinel ti q'uelel talel laj caj'albe sc'oplale.

Jeremías 26:3

Xu' nan ta xlic yich'beicot ta muc' yo' jech ta xicta sbaic ta spasel ti c'usi chopole, ti xu' to stselbuj ti nopbil xa cu'un ta jtsitsic ta scoj ti c'usi chopol ta spasique.

Joel 1:13

Jech ti vo'oxuque, paleetic ti abainojic ta sq'uelel ti altare, lapic ti lajemal c'u'iletique, oq'uitao abaic yu'un yipal ti avocolique, yu'un ta xch'ulna ti Dios avu'unique, ch'abal xa jutebuc ti sat ts'unubaletique, ch'abal ti vino ti ta xich' aq'uel ta matanale.

Joel 1:16

Ta jba ta jsatic, laj quich'tic pojbel ti jve'eltique. Laj sc'oplal ti xlaet no'ox ti o'ntonal ta xch'ulna ti Dios cu'untique.

Joel 1:9

Ja' jech ta x'oq'uic ec ti paleetique, yu'un ti ta ch'ulnae, ch'abal xa ti sat ts'unubiletique, ch'abal xa ti vino ta sventa ti matanaletic yu'un ti Diose.

Amós 5:15

Ti'oltaic ti c'usi chopole. C'otuc ta avo'ntonic ta spasel ti c'usi leque. Tuc'ulanic lec ta sq'uelel ti tuc'uc batuc lec ti chapanel ta chapanobbaile. Ti mi jech taj une, ja' to nan jech ta xlic c'uxubajuc yo'nton ti Ajvalil Dios ti scotol xu' yu'un ta stojol ti Israel ti cuxul to comique.

Jonás 1:6

Va'i un, ti banquilal j'abtel yu'un ti barcoe, bat bu oy ti Jonase, ti xi laj yalbee: “¿C'usi ta xapas ti jun avo'nton batem ach'ulel ta vayel li'e? Lican, c'opojan, ti'inan ta stojol ti adiose. Xu' nan ta xlic svul yo'nton ta jtojoltic ti ta xlic stic' sba ta jpojeltique.”

Jonás 3:9

Mu jna'tic mi ja' to jech ta sjel ti c'u s'elan snopoj ti Diose, mi ja' to jech ta xlamaj ti sc'ac'al yo'ntone yo' jech mu xc'ot ta pasel ti ta xijchame.”

Sofonías 2:3

Sa'ic ti Dios acotolic ti vo'oxuc ti biq'uit avac'oj abaic li' ta banomile, ti buch'utic ta xch'unbeic ti smantaltaque. Nijil chimil xavac' abaic, lecuc ti c'usi ta xapasique, xu' to nan ta xataic ti pojel coltael c'alal ta xc'ot sc'ac'alil ti ti'em capem sjol ti Diose.

Hageo 2:19

Ja' yu'un un cha'e, q'uelo me avilic lec tana li' une, li' ta xlic batel ti mu xa no'ox jeche'uc pochol ti yavil sat ts'unubaletique. Ac'o mi ma'uc to yorail ta xac' sat ti uvae, ti icuxe, ti granada sbie, ti olivo te'e, yu'un ti c'ac'al tana li'e, ta xlic jva'an jba ta stojolic yo' jech lec ta xac' ti sate.’ ”

2 Timoteo 2:25

ti ta yutsiluc slequilaluc yo'nton ac'o stojobtas ti buch'utic jtoyobbaetique, ti smalauc ya'i ac'o jeltabatuc yo'nton yu'un ti Diose,

Josué 14:12

Jech o xal un, avocoluc, ac'o avac'bun yosilal ti muc'tiquil vitstique jech c'u cha'al albilun yu'un ti Diose. Yu'un ana'oj lec ti nacalic to ox snitilultac ti inate' vinic Anaque, ti muc'tic no'ox ti jteclumetic yu'unique, ti lec meltsanbil ti smocalique. C'otem ta jol ta co'nton ta xiscoltaun ta sva'an sba ti Diose, ti ta sten loq'uel jech c'u cha'al yalojbun ono'oxe.”

1 Samuel 6:5

Ja' yu'un un cha'e, lic meltsanic sloc'obbail ti chacaletique, xchi'uc sloc'obbail ti ch'oetic ti ochem ta soquesel ti jteclume. Ac'beic ta cajal toyol sc'oplal ti Dios yu'un ti Israele. Ja' to nan quic ta xicta sba ta yac'bel vocol ti diosetique, xchi'uc ti osil banomile.