Joel 2:13 - Bible in Tzotzil de Chamula

¹³ Sutanic talel ta stojol ti Ajvalil Dios avu'unique. Ja' majo ti avo'ntonique, ma'uc xach'i'ic ta jatel ti c'u'ile. Yu'un ti Diose mu albajuc ti syail xc'uxul yo'ntone. Oy sts'iquemal xcuchemal yu'un ta sventa ti xc'uxul yo'ntone. Oy sca'alil xpuxulil ta yaq'uel ti tsitsele.

Bible in Tzotzil de Chenalhó with Deuterocanon

¹³ Ja' li'o li avo'ntonique; mu ja'uc xali' li ac'u'ique. Suteso avo'ntonic ta stojol li Muc'ul Dios avu'unique, yu'un li stuque toj lec yo'nton, ja' jc'uxubinvanej. Toj vocol chlic sc'ac'al yo'nton, ja' toj muc' li c'uxubinel yu'une; toj vocol cha'ay ti chac' stojol mulile.

Joel 2:13 Iomraidhean Croise

Génesis 37:29

C'alal sut batel ti Rubén ti bu oy ti joq'ue, ch'abal xa tiq'uil ti José laj sta ti bu taje. Lic xch'i' ta jatel ti sc'u'e, svinajeb mu xa xnel ta xa'i ti vul o'ntone.

Génesis 37:34

Va'i un, ti Jacobe laj xch'i' ta jatel ti sc'u'e. Lic slap at o'ntonal c'u'il. Ep c'ac'al laj yoq'uita. Mu xch'ay ta yo'nton cham ti xnich'one.

2 Samuel 1:11

Va'i un, ti David une xchi'uc ti c'u yepal xchi'ucanoje, laj xch'i'ic ta jatel ti sc'u'ique, svinajeb ti mu x'ech' xjelav ta xa'iique.

1 Reyes 21:27

C'alal laj ya'i ti Acab scotol ti va'i s'elan taje, lic xch'i' ta jatel ti sc'u'e. Lajemic xa lic slap ti sc'u'e. Laj yicta yot. Ja' jech ta xvay xchi'uc ti sc'u'e, ti xvulvun ta xa'i ti yo'nton yu'une.

2 Reyes 22:11

C'alal laj ya'i ti ajvalil ti c'usi ta xal ta jpoc svunal ti jbel c'usi tsots albile, lic xch'i' ta jatel ti sc'u'e.

2 Reyes 22:19

ti jech abol aba laj ava'ie, ti laj anijan aba ta ya'yiel ti c'u s'elan xcholet sc'oplal laj calbe ti jteclume, ti jnaclejetic yu'une, ti ta jbel sc'oplal mu'yuc c'usi x'ayan ta xcome xchi'uc ti bac svocolique. Ti jech laj ach'i' ta jatel ti ac'u'e, ti la'oc' yu'un ta jba ta jsate, jech ti vu'un eque, laj ca'i ti ac'ope. Jech ta xcal ava'i ti vu'un Diosune.

2 Reyes 5:7

C'alal laj yavta vun ti ajvalil yu'un Israele, lic xch'i' ta jatel ti sc'u'e, svinajeb ti mu x'ech' ta xa'i ti vul o'ntone, ti xi laj yale: —¿Mi Diosun ya'yel ta yaq'uel cuxlejal xchi'uc ta xtuch'el yo' jech ta xistacbun talel jun vinic ta xpoxtabel ti sc'a'emale? A'yio ava'iic lec, ti mu xa slequiluc ma' le' une. Ja' xa no'ox ti c'usi mu xloc' ta nopel yu'un yo' jech ta xquich' contrainele.

2 Reyes 6:30

C'alal laj ya'i ti ajvalil ti va'i s'elan albat yu'un ti antse, lic xch'i' ta jatel sc'u', svinajeb ti mu ts'icbaj laj ya'ie. Ti jech xva'et ta ba moque, ile muyel yu'un ti lume ti slapoj c'a' c'u'ile.

2 Crónicas 6:27

ta vinajeluc to, a'yibo ti sc'opojel sti'inele. Ch'aybo smul scolo' ti avajtuneltaque, xchi'uc ti ateclumal Israele. Tojobtaso ech'el ta lequil be ti bu xu' ta stamic batele. Va'i unbi, ac'o taluc avu'un ti vo' li' ta banomil ti laj avac'be ta xrexto ti ateclumale.

Nehemías 9:17

Mi ja'uc sc'an xch'unic. Mi ja'uc laj svules ta sjolic ti c'usitic muc'tic laj apas ti laj avac' ta ilel ta stojolique. Mu xa'ibeic xchiquinal ti pimunebic ta j'ech'ele. C'ajomal no'ox laj sva'anic jun banquilal yu'unic yo' jech ta xcha'ic'atic sutel ta Egipto, yo' ta x'ochic ta mosovil. Ja'uc le' une, jch'ay mulil Dios, jun Diosot ti jun yutsil avo'ntone, ti oy sts'iquemal xcuchemal avu'une. Mu xana' xatenvan. Oy smuc'ul avo'nton. Oy syail xc'uxul avo'nton.

Job 1:20

Ti Job une lic va'iuc. Xtuch'et yo'nton laj ya'i. Mu'yuc xa c'usi x'ech' o ta xa'i ti lic xch'i' ta jatel ti sc'u'e. Laj xch'ul loq'uel ti tsotsil sjole ti snupilan xa banomil laj spatan sba ta lumtique.

Salmos 103:8

Ti Diose mu xtuch'van ta o'ntonal, mu'yuc x'ictavan, mu'yuc spajeb ti syail xc'uxul yo'ntone, oy sts'iquemal yu'un.

Salmos 106:45

laj svules ta sjol ti strate spasoj ta stojolique. Laj sjel ti c'u s'elan snopoj oxe, yu'un xi s'elan yepal ta j'ech'el ti syail xc'uxul yo'ntone:

Salmos 34:18

Nopol oy ti Dios ta spojel ti buch'u mu xa tsacaluc ta xa'i ti yo'ntone, ti mu'yuc xa spatoj yo'ntonic ti oy c'usi ta smalaique.

Salmos 51:17

Ti matanal ti lec ta xa'i ti Dios ti ta xc'ot ta stojole, ja' ti buch'u mu xa xnel x'ech' ta xa'i yu'un ti smul laj stae; le' une, Ch'ul Dios, mu xaten mu xabaj ti buch'u juteb xa tsacal ta xa'i ti yo'nton une.

Salmos 86:15

Le' une, Cajval, Diosot ti mu xatuch'van ta o'ntonale, ti c'ux ta xa'a'yivane, oy sts'iquemal xcuchemal avu'un, melel ono'ox oy syail xc'uxul avo'nton.

Salmos 86:5

Ti vo'ot une, Cajval, oy yutsil slequil avo'nton, ta xach'ay ti mulil colo'ile; yepal no'ox syail xc'uxul avo'nton ta stojol ti buch'u xvocolet ta atojole.

Isaías 57:15

Yu'un ti Buch'u oy ta cajale, ti Buch'u stalel cuxule, ch'ul Dios ti xi sc'oplale, xi ta xale: “Ta lequilal to, ta toyol to, ti bu nacalune, ac'o mi jech taje, oyun ta stojol ti buch'u biq'uit yac'oj sbae, ti sna' sutes sbae. Ta xcac'be yip yo'ntonic ti siquet to ta xa'i ti banomile.

Isaías 58:5

¿Mi avalojic ti ja' to lec ta xquil ti co'ol xa a'elanic jchop o ta puj ti nijiloxuc xa c'alal oyoxuc ta ic'taej vaje, ti alapojic xa lajemal c'u'il ta xavac'be aba avocolic ta svajel ti tanil c'oq'ue? ¿Mi ja' abisojic ta ‘ic'taej vaj’ taj une? ¿Mi lec xa xa'i ti Dios ti jech c'ac'al taj une?

Isaías 66:2

Yu'un vu'un laj jmeltsan scotol taje, ja' jech lic ayanuc talel. Ti vu'un Diosune, mu lo'iluc ta xcal. “Ti oyun ta stuc'ulanele, ja' ti me'un mu'nate, ti buch'u ta snijan xchiman sbae, ti ta xich' ta muc' ti jc'ope.

Jeremías 36:7

Yic'al nan ja' to jech xvocoletic liquel ta stojol ti Dios, ti ta sten ta yo'ntonic ti c'usi yac'oj sjolic ta spasele. Yu'un vinaj ti xi'bal sba ta j'ech'el ti q'uelel ta stojol jteclum ti lamal ta xc'ot ta stojol scotol ti sti'emal sjol ta sc'ac'al yo'nton ti Diose.”

Jeremías 41:5

c'otic chanvinic (80) ta vo' viniquetic ti liquemic ech'el ta jteclum Siqueme, ti ta Siloe, xchi'uc ti ta Samariae. Xch'uloj ta loq'uel yisimic. Jatantic xa talel ti sc'u'ique, ti mu'yuc xa bu xocol ti sbec'talic ta yayijesel yu'unique. Yu'un yich'ojic c'otel sat ts'unubiletic xchi'uc pom yo' ta xaq'uic ta stojol ti Dios ta ch'ulna une.

Jeremías 42:10

‘Mi jbel avo'nton ta xanaquiic ava'iic ta banomil li'e, ta jva'an jba ti oy no'ox c'usi x'ayan avu'unique. Mu'yuc ta jtub ac'oplalic. Ta xcac' ch'ian c'opojanic. Mu jloq'uesoxuc batel. Ta xlic ca'i ta co'nton ti abol abaic yu'un ti j'ilbajinvanej vocol ta xvul ta atojolique.

Ezequiel 9:4

Xi albat xtoc une: “Xani o sjunul ti jteclum Jerusalene. Ac'bo senyail ta sti'ba ti buch'u ta xa'i ti at-o'ntone, xchi'uc ti toj vocol ta xa'i ti c'usitic mu stac' q'uelel ta xc'ot ta pasel ti ta stojolique.”

Oseas 14:1

Israel, cha'ac'o aba ta ventainel yu'un ti Ajvalil Dios avu'une, yu'un layal xa ta lum ta scoj ti amule.

Jonás 3:9

Mu jna'tic mi ja' to jech ta sjel ti c'u s'elan snopoj ti Diose, mi ja' to jech ta xlamaj ti sc'ac'al yo'ntone yo' jech mu xc'ot ta pasel ti ta xijchame.”

Jonás 4:2

Xi lic c'opojuc ti'inuc ta stojol ti Diose: “Q'uelo avil, Cajval, yu'un ja' no'ox jech laj cal ti jech ono'ox ta xc'ot ta pasel c'alal tey to ox oyun ta jlumale. Jech o xal ta jc'an ox ta xijatav batel ta anil ti ta jteclum Tarsise. Yu'un jna' lec ti ja' jun Diosot ti oy sts'iquemal xcuchemal avu'une, ti mu xana' xa'ilin ta anile. Ac'o mi xacaj'al xtoc ti ta xatsitsvane, ts'acal to un, ta xasutes aba ta sventa ti mu no'ox albajuc ti syail xc'uxul avo'ntone.

Miqueas 7:18

Mu'yuc xa yan jech c'u cha'al ti vo'ote, Dios, ta xach'ay ti mulil colo'ile, ta xatub ta avo'nton stoyobbail ti vi xa yepal scomelal ti ateclumale, ta xavac' ta ilel ti syail xc'uxul avo'nton ta jtojolcutique. Mu teyuc no'ox staoj yav oy o ti sc'ac'al avo'ntone.

Nahúm 1:3

Ti Diose oy sts'iquemal xcuchemal, jelavem ta j'ech'el ti smuc'ul stsatsale, ta ono'ox stsits ti buch'u oy smule. Yu'un ti Diose ta xanav ti bu sts'otet no'ox xchi'uc ya'lel ti tsots iq'ue; c'otem ta spucuquil yacan ti toquetique.

Números 14:18

ti mu xana' xacap ta anile, ti jelavem ti xc'uxul avo'ntone, ti xana' xatub ti toyobbaile, ti c'usi chopole, ac'o mi ta ono'ox xavac'be stoj ti buch'u chopole. Yu'un ta ono'ox xavac'be stoj smulic ti totil me'ile, ti ta sta ta maquiel xtoc ti nich'nabile, ti momiletique, ti yialmomiletique, ti smomic xtoc ti yialmomiletique.

Romanos 2:4

Ti yutsilal slequilale xchi'uc ti sts'iquemal xcuchemal yu'un ti Diose, ta xabaj ta xajip ti c'alal ja' ta sventa yutsilal slequilal ac'o asutes aba talel ta stojol.

Efesios 2:4

Ti jech jcuchoj jvocoltic laj yilotic ti Diose, mu jipbaj tenbaj laj ya'iotic, ta sventa ti oy syail xc'uxul yo'ntone, laj xc'uxubinotic,

1 Timoteo 4:8

Ac'o mi ta xtun yu'un ti buch'u yacal ta xchan yip ta xicubtasel ti sbec'tal stacopale, ja'uc ta spasel ti c'usi ta sc'an ti Diose, tsots sc'oplal ta xtun ta sventa scotol, ti albil sc'oplal ti oy c'usi ta xich' tael yu'un ti jech li' to cuxulotic ta banomile, xchi'uc ti le' to sq'ueloj batele.