Joel 2:12 - Bible in Tzotzil de Chamula

¹² Ja' yu'un un, xi ta xal ti Diose: “Avi tana le' une, sjunuluc avo'ntonic, sutanic talel ta jtojol; ictao avotic, oc'anic, avananic xtoc.”

Bible in Tzotzil de Chenalhó with Deuterocanon

¹² Ja' yu'un jech chal li Muc'ul Diose: “Sutanic tal ta jtojol ta scotol avo'ntonic; ictaic ixim, oc'anic, ato avo'ntonic.”

Joel 2:12 Iomraidhean Croise

2 Samuel 24:10

Ja'uc le' une, laj ya'i ta yo'nton ti David ti laj sta smul ti laj sliques ti tsacob-biil yu'un ti jteclume, ti xi jamal laj yalbe ti Diose: —Tsots laj xa jta jmul ti jech laj jpas le'e. Ja'uc le' une, ta xajc'anbe vocol, Dios, ch'aybun jmul jcolo' ti laj sta ti avajtunelune. Pimil toyobba xca'i jba ti jech laj jpase.

2 Crónicas 30:6

Loq'uic ech'el ti j'al-mantaletic ta sjunul Israel une, xchi'uc ta sjunul ti Judae, ti yich'ojbeic batel vunetic yu'un ti ajvalile, xchi'uc ti yaj'opisialtac ti xi ta xal smantal ti ajvalile: “Israeletic, sutanic talel ta stojol ti Ajvalile, Dios yu'un ti Abrahame, ti Isaaque, ti Israele. Jech ta xlic sventainoxuc ti stuc une, ja' ti c'u avepalic ti mu'yuc lajemoxuc ta milel yu'un ti ajvaliletic ta Asiriae.

2 Crónicas 6:27

ta vinajeluc to, a'yibo ti sc'opojel sti'inele. Ch'aybo smul scolo' ti avajtuneltaque, xchi'uc ti ateclumal Israele. Tojobtaso ech'el ta lequil be ti bu xu' ta stamic batele. Va'i unbi, ac'o taluc avu'un ti vo' li' ta banomil ti laj avac'be ta xrexto ti ateclumale.

Ester 4:16

“Batan, ba tsobo scotol ti judíoetic ta Susae, ti yictaicuc yotic ta jventae. Mu'yucuc c'usi stun slajesic oxib c'ac'al xchi'uc oxibuc ac'ubal. Jech ta jpas ec xchi'uc ti cajmosovtaque. Ta ts'acal to un, ta xbat jc'opon ti ajvalile, ac'o mi mu jechuc ta xal ti oy c'usi tsots albile. Mi ta smilicune, ac'o smilicun xch'a.”

Éxodo 33:5

Yu'un ti Diose xi ono'ox laj yalbe ya'i ti Moisese: —Xi xavalbe ya'i ti israeletique: “Ti vo'oxuque, toyobba jteclumoxuc. Yu'un xu' ta jtub ats'unubalic ti mi ta jchi'inoxuc uni jliqueluque. Loq'uesic ta ora no'ox ti c'usitic c'upil sba alapojique. Ta jq'uel quil c'usi xu' ta jpas ta atojolic.”

Isaías 22:12

Ti jech sc'ac'alil taje, ti Dios ti scotol xu' yu'une, laj staoxuc ta iq'uel ta yoq'uitael abaic, ta svulel avo'ntonic, ta sloq'uel stsotsil ajolic, ta slapel lajemal c'u'il yo' jech ta xvinaj mu x'ech' xjelav ti avocolic ava'iicuque.

Isaías 58:4

Yu'un ti sc'ac'alil oyoxuc ta ic'taej vaje, c'ajomal no'ox jelavem yeilal avu'unic ti letovajele, ti j'ech'el abtel ta xat'an abaic ta majele. Yu'un ti jun c'ac'al ic'taej vaj ti jech s'elan taje, mu'yuc c'usi ta tael yu'un, ma'uc ma' ti ts'etel xa jchiquin yu'un ti ac'opojel ati'inelique.

Jeremías 3:22

Sutanic talel ta jtojol, toyobba nich'nabiletic, yu'un ta jpoxtaot ti vi a'elan yu'un ti atoyobbaile.” Ti israeletique xi ta xalique: “Li' xa oyuncutique, litalcutic xa ta atojol, yu'un ti vo'ote, Diosot cu'uncutic.

Jeremías 36:7

Yic'al nan ja' to jech xvocoletic liquel ta stojol ti Dios, ti ta sten ta yo'ntonic ti c'usi yac'oj sjolic ta spasele. Yu'un vinaj ti xi'bal sba ta j'ech'el ti q'uelel ta stojol jteclum ti lamal ta xc'ot ta stojol scotol ti sti'emal sjol ta sc'ac'al yo'nton ti Diose.”

Jeremías 4:1

Ti Diose xi ta xale: “Israel, mi xac'an to xasutes aba, mu yanuc bu xatam batel, tuc' xasut talel ta jtojol. Mi j'ech'el laj aten loq'uel ti j'ac'-vocol loc'obbailetic avu'une, mi mu xach'ac aba ta jtojol,

Jeremías 4:2

mi naca melel, mi naca pojel xchi'uc naca slequil o'ntonal ti xava'an aba ta rextico ta jventae, va'i unbi, ta xjoybij ta xc'uxubinelic, ta slequil c'optaelic ti muc'tiquil lumetic ta jventae.”

Ezequiel 33:11

Ta jva'an jba ta yalel ti vu'un Diosune, mi jutebuc oy ta co'nton ta xcham ti buch'u mu'yuc xch'ulel xa'i sbae. Ja' ta jc'an ti yictauc sba ta spasel ti bu chopol stamoj batele yo' jech ta xcuxi. Jteclum Israel, ictao ti bu chopol atamoj batele. ¿Mi yu'un aq'ueloj aba ta xacham?’

Daniel 9:3

Va'i un, lic vocoletcun ta c'opojel ti'inel ta stojol Dios ti ja' Ajvalile. Laj jcomtsan cot. Laj jlap lajemal c'u'iletic. Lic chotetcun ti bu busul ti tanil c'oq'ue.

Oseas 12:6

Ja' yu'un un cha'e, Israel, cha'ac'o aba ta ventainel yu'un ti Dios avu'une. Ja' nopo ta spasel ti slequil o'ntonale, ti stuq'uil o'ntonale. J'ech'el ja'uc pato o avo'nton ta stojol ti Dios avu'une.

Oseas 12:7

Xi ta xal ti Diose: “Ti jteclum Canaane, mu'yuc ts'acal sbisoltac yu'un ti c'usi ta sbisane. Toj lec xa'i ti ta x'elc'anvan xchi'uque.

Oseas 14:1

Israel, cha'ac'o aba ta ventainel yu'un ti Ajvalil Dios avu'une, yu'un layal xa ta lum ta scoj ti amule.

Oseas 6:1

Ti israeletique xi ta xalique: “La'ic, acotolic, sutcutic ech'el ta stojol ti Diose. Yu'un laj slilinotic, ja' jech xtoc ta xislecubtasotic. Laj syayijesotic, ta xispoxtaotic no'ox xtoc.

Joel 1:13

Jech ti vo'oxuque, paleetic ti abainojic ta sq'uelel ti altare, lapic ti lajemal c'u'iletique, oq'uitao abaic yu'un yipal ti avocolique, yu'un ta xch'ulna ti Dios avu'unique, ch'abal xa jutebuc ti sat ts'unubaletique, ch'abal ti vino ti ta xich' aq'uel ta matanale.

Zacarías 7:3

Xi bat sjaq'uic ta stojol ti j'alc'opetique, xchi'uc ta stojol ti paleetic ti oyic ta xch'ulna ti Dios ti scotol xu' yu'une: “¿Mi jech ta xicomcutic o ti ta xcac'cutic ta ilel ti oyuncutic ta vul o'nton yu'un ti comtsanej vaj ti c'alal ta sta ti yo'obal (5) u yu'un ti jujun jabil jech c'u cha'al liquem talele?”

Zacarías 7:5

“Xi xavalbe ya'i scotol ti jteclumetic yu'un ti muc' ta lume, xchi'uc ti paleetique: ‘Yu'un ti vo'oxuque, le' xa talel ta slajunebal xchanvinic (70) jabil aliquelic talel ti ta xacomtsan avotic ti ta xavaq'uic ta ilel ti oyoxuc ta vul o'nton ti c'alal ta sta ti jujun vo'ob (5) ue, xchi'uc ti jujun vucub (7) u yu'un ti jujun jabile. C'u stu un, ma'uc quich'el ta muc' avu'unic ti jech ta xapasique.

Malaquías 1:9

C'anbeic Dios ti ac'o c'uxubajuc yo'ntone. Ja' no'ox un, mi jech staoj yav ta xavaq'uic ti mantal ti va'i s'elan taje, mu me xanopic ti xmuyubaj xa ta xastsacboxuc ti Diose. Yu'un ti Dios ti scotol xu' yu'une, xi ta xale:

Hechos 26:20

Ba'yel lic cal ti ca'yej ta stojol ti jnaclejetic ti oyic ta Damascoe, ta stojol xtoc ti jnaclejetic ti oyic ta Jerusalene, ta scotol ti Judea banomile, xchi'uc ta stojol ti jyanlumetique, ta yalbel ya'i ti ac'o yictaic ti chopol yo'ntonique ti suticuc talel ta stojol ti Diose, ta spasel ti c'usi leque, yo' ta xvinaj jelbil ti yo'ntonique.

Jueces 2:4

C'alal laj yo'nton ta c'opojel ti yaj'ánjel Diose, scotol ti israeletique lic sjambeic snuq'uilal ta oq'uel.

Jueces 20:26

Va'i un, scotol ti soldado israeletique xchi'uc scotol ti jteclume, yan to velta, sutic batel ta yoq'uitael sbaic ta stojol ti Diose. Sjunul c'ac'al mu'yuc ve'el yu'unic. Laj yac'beic chic'bil matanal xchi'uc milbil matanal sventa lajesobil o'ntonal yu'un ti Diose.

1 Samuel 7:3

Taj une, ti Samuele xi laj yalbe ya'i ti israeletique: “Mi ta sjunul avo'ntonic ta xasutic talel ta stojol ti Diose, tsots sc'oplal ta xatenic loq'uel ti yan diosetique, xchi'uc sloc'obbail ti Astartee, ti ta xavac' abaic ta tunesel yu'un ti Diose. C'ajomal no'ox stuc ta xavaq'uic ta ich'el ta muc'. Va'i un, ti stuque ta spojoxuc loq'uel ta yoc ta sc'ob ti contrainbiloxuc yu'un ti filisteoetique.”

1 Samuel 7:6

Ti israeletique bat stsob sbaic ta Mizpa. Ti bu taje, laj spulic loq'uel vo', ti laj smalic ti c'ot ta smoton ti Diose. Ti jech c'ac'al taje, laj scomtsan yotic. Laj yojtiquinic lec ta jamal ti staoj smulic ta stojol ti Diose. Ti ta Mizpa taje, lic ochuc ta jpojvanej yu'un Israel ti Samuele.