Joel 2:10 - Bible in Tzotzil de Chamula

¹⁰ Ta xnic yu'unic ti banomile; xc'uyc'un no'ox yu'unic ti vinajele. Ta xmac sat yu'unic ti c'ac'ale, ti ue; ta xmac yu'unic ti xchijlajan yutsil xojobal ti c'analetique.

Bible in Tzotzil de Chenalhó with Deuterocanon

¹⁰ Ta xnic yu'unic li banamile, xchi'uc ta xnic li vinajele; ta x'ic'um li c'ac'al xchi'uc li ue, li c'analetique mu xa xac' xojobal noxtoc.

Joel 2:10 Iomraidhean Croise

Salmos 114:7

Banomil, nican ta xi'el ta sba ta sat ti Dios yu'un ti Jacobe.

Salmos 18:7

C'ot ta pasel ti tsots xnicnun no'ox liquel ti banomil yu'une, ti xi c'ot ta pasele: nic ti vitsetic xchi'uc ti yicobtaque; nic ta sventa scapemal sjol ti Diose.

Isaías 13:10

Jech ti c'anale xchi'uc ti yan ti c'usitic ta xac' xojobal ta vinajele, ta xlic tubuc ti xojobale. C'alal naca to ta xloc' talel ti c'ac'ale, ta xlic ic'ubuc ti sate. Mi ja'uc xa ta xac' xojobal ti ue.

Isaías 34:4

Scotol ti c'usitic oy ta vinajele, tan puc ti c'u s'elan ta xlaj lilijuque. Ti vinajele ta svol sba ech'el jech c'u cha'al junuc ti c'usi bal-bale. Scotol ti c'analetique ta xbaj talel jech c'u cha'al ta xbaj yanal ti uvae, mi ja' ti icux ti c'alal nucultajem xae.

Isaías 5:30

Ti lum taje, ti c'alal ta xc'ot sc'ac'alil ti albil sc'oplale, co'ol s'elan junuc muc' ta nab yech'omal snuq'uic ti x'avetic no'ox ta scontrainel ti lum Israele. Ti oyuc buch'u ta sq'uel ti banomile, ta xil ti ic'unebe, ta xmac sat ti c'ac'al ti tsinil ta j'ech'el ta jun ic'al lumal toque.

Jeremías 4:23

Laj quil ti banomile, mu'yuc smelol, jeche' sts'ijlajan. Laj quil ti vinajele, ch'abal ti c'usi ta xac' xojobale.

Joel 2:2

Ta xc'ot sc'ac'alil ti ic'ubel ta osil banomile. Ta xc'ot sc'ac'alil ti toc xqueovin ti banomil yu'une. Co'ol s'elan jun yepal soldadoetic ti tsots xu' yu'unic ta j'ech'ele, ta xvulic ta loq'uel ta vitstic jech c'u cha'al ta xvul ta loq'uel ti saquilal osil ta sobe. Mi ja'uc xa oy bu jech ta xvinaj ta ts'acal to ti oy bu co'ol s'elan ta xvul ta loq'uel jech c'u cha'al le'e.

Joel 2:31

Ta x'ic'ub ti c'ac'ale, ta xjoybij ta ch'ich' ti ue. Ja' no'ox un, ba'yel oy c'usi muc'tic ta xc'ot ta pasel ti xi'bal sba c'alal ma'uc to sc'ac'alil yorail ta xvul ta loq'uel ti Diose.”

Joel 3:4

“¿C'usi ta xac'anic ta jtojol ti vo'oxuque, jteclum Tiro, jteclum Sidón, jteclum Filistea? ¿Mi yu'un ta xapacbeicun ava'iic? ¿Mi yu'un oy c'usi ta xac'anic ta jtojol ti ac'o jtoje? Yu'un mu xa jaluc sc'an ta xcac' atojic ti c'usi loc' ta avo'ntonic ta sa'ele.

Amós 5:8

Ti Diose laj smeltsan ti c'analetic xchi'uc ti xolome. Ti stuque ja' ta sjoybin ta ic'al osil ti sob ic'lumane. Ta sjoybin ta ic'al osil ti c'ac'altique. Ta sta ta iq'uel ti ya'lel nabe yo' jech xchajet no'ox ta xac' ti vo' ta banomile. Jech o xal, Dios, xi sbiinoj ti sc'oplale.

Nahúm 1:5

Xnicnun liquel ti muc'tiquil vitsetic yu'une; ta x'unij yalel yu'un ti toyol ch'en vitsetique. Xnicnun liquel sbejel ti banomil ti c'alal ta xilique; ta xnic scotol ti c'usitic cuxul ta sbejel ti banomile.

San Mateo 24:29

“C'alal mi ech' no'ox yorail ti vocole, ta x'ic'ub sat ti c'ac'ale. Ti ue mu xa xac' ti xojobale. Ti c'analetique xlaj bajicuc yalel tal ta vinajel. Scotol ti c'usitic oy ta vinajele xlaj nicanuc.

San Mateo 27:51

Ta yorail taj une, ja' o jat, pas ta cha'lic ti muc' ta jilich' poc' ti oy ta ch'ulnae. Lic tal sjatemal ta sjol c'alal to yoc. Nic ti banomile. Laj javuc ti ch'enetique.

Hechos 2:20

Ta xtub sat ti c'ac'ale. Ta stsajub jech c'u cha'al junuc ch'ich' ti sat ue. Jun yutsil muc' ta c'ac'al ta xc'ot ta pasel ti sc'ac'alil c'alal mu'yuc to ta xcha'sut talel ti Cajvaltique.

Apocalipsis 20:11

Laj quil xtoc jun muc' ta saquil chotlebal. Ti Buch'u chotol ta chotlebale, ta sba ta sat, sac ch'ay batel ti banomile ti vinajele, mi jutebuc xa bu vinaj ta q'uelel.

Apocalipsis 6:12

C'alal laj stots svaquibal seyo ti jcot ta Uni Chije, laj quil lic jun muc' ta niquel. Ic'ub sat ti c'ac'ale, co'ol s'elan ic'al c'u'il xch'ayobil ti me'inale. Tsajub sbejel sat ti ue jech c'u cha'al stsajal ti ch'ich'e.

Apocalipsis 8:12

C'alal laj yoq'uisan yoq'ues ti xchanibal anjele, ti oxch'ac sat c'ac'ale, soc jch'ac. Ti oxch'ac sat ue, soc jch'ac. Ti oxch'ac c'anale, soc jch'ac. Jech o xal ti oxch'ac taje, ic'uneb jxet' yo' mu xac' xojobal ta c'ac'altic, mi ja'uc ta ac'ubaltic.

Apocalipsis 9:2

Laj sjambe sti' ti xa'ab ti mu'yuc spajeb snatile. Mu no'ox albajuc xtomet loc' talel xch'ailal ti co'ol s'elan xch'ailal jun muc' ta jornoe. Xch'ayilal ti xa'abe, laj quil ti laj smacbe sat ti c'ac'ale, ic' cuntaj ti banomile.