Joel 2:1 - Bible in Tzotzil de Chamula

¹ Oq'uisanic ti oq'ues ta vits Sione. Oq'uisanic yo' ta xac' ta na'el svinajeb ta ch'ul vits yu'un ti Diose. Nicnunicuc no'ox liquel ti buch'utic nacalic ta jteclum Judae, yu'un jutuc xa sc'an ta xvul ta loq'uel ti xi s'elan ta xc'ot ta pasel ti sc'ac'alil yorail ti Diose:

Bible in Tzotzil de Chenalhó with Deuterocanon

¹ Jupanic oq'uesetic te ta vits Sión; avananic te ta ch'ul vits yu'un li Diose. Xi'anic acotolic jnaclumetic ta banamil, yu'un ta xtal sc'ac'alil li Muc'ul Diose; jutuc xa sc'an sta yorail.

Joel 2:1 Iomraidhean Croise

1 Crónicas 15:28

Scotol Israel laj yich'ic ech'el xcaxail strate ti Diose. Xmuyubajic no'ox. X'avanic no'ox. Xvochet no'ox ta yoq'uisanel ti xulub chije, ti oq'uese, ti set-set taq'uine, ti jchop o ta vobe, xchi'uc ti arpae.

Salmos 119:120

Ti jbec'tal jtacopale ta xnic yu'un ti xi'elal ta aba ta asate, ja' yu'un un, nijil chimilun ta spasel ti c'usitic nopbil avu'une.

Salmos 87:1

Ti sliquebal smocal steclumal ti Diose, va'al ta ch'ul vits yu'un ti Sione.

Éxodo 10:14

Taj une, laj soquesic sjunlej ti lume. Mi ja'uc oy bu jech c'ot ta pasel ta vo'ne. Mi ja'uc oy bu ta to xc'ot ta pasel ti ta xtal epal c'ulub jech c'u cha'al ti c'ac'al tana li'e.

Isaías 13:6

Me'unal oc'anic ta avanel, yu'un nopaj xa talel sc'ac'alil ta xtal ti Diose, ti xjipluj to vulel vocol yu'un ti Buch'u scotol xu' yu'une.

Isaías 13:9

Yu'un ta xa sta sc'ac'alil ta xvul ti Diose, jun c'ac'al ti toj xi'bal sbae, ti tilem ta j'ech'el ti sti'emal scapemale, ti ta sjoybin ta sbajtical ti banomile, ti ta stsutsesbe sc'oplal ti jsa'muliletic ti oyic ta stojole.

Isaías 2:12

Ti c'ac'al taje, ja' sc'ac'alil ta sliques yabtel ti Dios ti scotol xu' yu'une, ta scontrainel scotol ti toyobba viniquetique xchi'uc ti buch'u cajal xa'i sbaique, ta scontrainel scotol ti tsots yo'ntonique yo' jech ta spec'tsanbe ti sc'oplale,

Isaías 66:2

Yu'un vu'un laj jmeltsan scotol taje, ja' jech lic ayanuc talel. Ti vu'un Diosune, mu lo'iluc ta xcal. “Ti oyun ta stuc'ulanele, ja' ti me'un mu'nate, ti buch'u ta snijan xchiman sbae, ti ta xich' ta muc' ti jc'ope.

Isaías 66:5

Ts'et chiquintao ava'iic sc'opojel ti Diose. Xi ta xal ta atojol ti ta xavich'beic ta muc' ti sc'ope: “Oy jlom avinquilelic ti xti'et sjolique, ti ilbajinbiloxuc yu'un ta sventa ti xavocoletic ta jtojole, xi ta xalique: ‘Quere, jq'uel xa me ca'i ma' ti yutsilal slequilal ti Dios une. Jq'uel xa me ca'i ti xmuyubajique.’ Ja'uc le' une, ta xc'otic ta j'ac'-lo'il-maxil.

Jeremías 16:10

“C'alal ta xavalbeic ya'iic ti jteclum ti va'i s'elan ti c'op taje, xi s'elan ta xlic sjaq'uique: ‘¿C'u cha'al ya'yel loc' ta nopel yu'un Dios ti mu no'ox albajuc ti vocol lamal vul ta jtojoltic yu'une? ¿C'usi chopol laj jpastic? ¿C'usi mulil laj jpastic ta stojol ti Ajvalil Dios cu'untique?’

Jeremías 16:7

Mi ja'uc oy buch'u utsuc xa stsobvan ta ve'el uch'ubajel sventa smacobil xq'uexlal ti jlajel jtubel yo' xpatet to o'ntonil yu'un ti uts' alaletique. Mu'yuc ta alel mi totil, mi me'il ti cham xae, ts'ij xi no'ox c'op.

Jeremías 4:5

Ti ta jteclum Jerusalene, xchi'uc ta Judae, oq'uisanic oq'ues ta sjunul ti muc' ta lume. Xi xavaq'uic ta na'el ti tsots ta xa'avanique: ‘La'ic un, batic ta nac'obbail jteclumetic, ba jtsob jbatic.’

Jeremías 5:22

Ti vu'un Diosune xichi ta xcale: ¿Mi mu van xaxi'taicun xana'? ¿Mi mu van xlic nicnunanic ta jba ta jsat xana'? Vu'un jchapanoj ti jamal yi'tic bu c'alal xyuq'uet ta x'ech' ti nabe. Ti nabe mu xjelav ti bu c'alal spajeb albile. Ti syuc'benaltaque xvo'o'et no'ox ti stselte-tselte talele, mi ja'uc ta xjelav ti bu ono'ox ta x'ech'e.

Ezequiel 12:23

Xi xatac'bee: ‘Xi ta xal ti Dios jech c'u cha'al li'e: Ta xc'ot ta pasel cu'un ti ma'uc yacalic ta yalel ta Israel ti va'i s'elan ti c'op taje.’ Albo ya'iic xtoc ti nopol xa sc'an xc'ot yorail ti ta xc'ot ta pasel scotol ti c'usitic laj yich' ilel c'alal jam ti ba satile.

Ezequiel 21:12

Oc'an avanan, Yojtot, yu'un yich'oj talel ti oy sc'oplal smilel ti jteclumale, xchi'uc scotol ti jpas-mantaletic yu'un ti Israele. Ti jbel sc'oplal ta xmileic jmoj xchi'uc ti jteclumale, yayijeso aba ta smajel aba yu'un ti yipal xc'uxul un cha'e.

Ezequiel 30:3

Nopaj xa talel c'ac'al yu'un ti Diose. Jun c'ac'al ic'uneb ti banomile, jun c'ac'al xi'bal sba ta xc'ot ta pasel ta stojol ti muc' ta lumetique.

Ezequiel 33:3

C'alal ta xil ta xnopaj talel ta muc' ta lum ti j'ac'-leto soldadoetique, yoq'uisanuc oq'ues ta anil ti jq'uel-osil ta sbijubtasel ti jnaclejetique.

Ezequiel 33:6

Mi yiloj xvolet talel jcontrainvanej soldadoetic ti jq'uel-osile, mu'yuc laj yoq'uisan oq'ues yo' ta sbijubtas ti jnaclejetique, c'ot ti jcontrainvanej une, mi oy buch'u laj smile, ja' smul ti cham yu'une. Ta xquich'be ya'i ye sti' ti jq'uel-osile.’

Ezequiel 7:10

¡C'ot xa sc'ac'alil! ¡Vul xa ta loq'uel! ¡Tal xa ti tsutsesel une! Buyuc no'ox stsacoj yip ti mu'yuc lec c'usi ta xc'ot ta pasele, stsacoj yip ti toyobbaile.

Ezequiel 7:12

Sta xa yorail, c'ot xa sc'ac'alil. Nom c'ot muyubajel yu'un ti jbolomajele. Nom c'ot at o'ntonal yu'un ti jmanolajele. Ta scapemal jol ta jtsits ya'iic yu'un stoyobbail ti muc' ta lum Israele.

Daniel 6:26

Ja' yu'un un, loc' mantal cu'un ti ta jpas-mantal ta stojol scotolic ti bu c'alal jventainoje, ti ich'biluc c'otuc ta muq'ue, ti ac'o snijan xchiman sbaic ta stojol ti Dios yu'un ti Daniele. “Yu'un ti stuque, ja' cuxul Dios ta j'ech'el, sbatel osil tey oy o. J'ech'el mu stac' tubel ti c'u s'elan ta spas mantale, yu'un mu'yuc spajeb ti smuc'ul stsatsale.

Daniel 9:16

Cajval, jna'cutic lec ti atuc no'ox ti oy yutsil avo'ntone. Avocoluc, q'uejo loq'uel ta stojol Jerusalén ti scapemal sti'emal ajole. Yu'un taje, ja' ateclumal, ja' ch'ul vits avu'un. Yu'un scotol ti jnaclejetic ti oyic ta muc'tiquil lumetic ti nopol oyique, ta xlabajic ta stojol ti jteclum Jerusalene, ta stojol ti jteclum avu'une, ja' ta scoj ti jmulcutique, ta scoj smulic ti jtot jme'cutic ti laj ech'icuc ta vo'nee.

Daniel 9:20

Ochem yipal cu'un ti c'opojel ti'inele. Ta jchap jelavel ti jmul jcolo'e, ti smul scolo' ti Israel ti ja' jteclumale, ti lec xchapchun ta xcalbe jelavel ti yatel co'nton ta stojol ti Cajval Dios ta sventa ti ch'ul vits yu'une.

Oseas 5:8

Ti ta jteclum Guibeae, oq'uisanic ti cachu ti ta xac' ta na'el ti ac'-letoe. Tutetuc ti oq'ues ta jteclum Ramae. Pucbeic batel sc'oplal c'alal to Bet-aven. Ac'beic ya'i xi'el ti Benjamine.

Oseas 8:1

Xi ta xal xtoc ti Diose: “Oq'uisanic ti oq'ues jech c'u cha'al junuc jchabivanej jq'uel-osil ti sbainoj ta sq'uelel steclumal ti Diose. Yu'un mu'yuc xc'ot ta pasel yu'unic ti jtratee. C'ajomal no'ox laj stoy sbaic ta stojol ti c'u s'elan laj jchanubtase.

Joel 1:15

Mu xa ono'ox cha'bel un, nopaj xa talel sc'ac'alil yorail ti Diose. Ta xvul ta loq'uel ti tsots vocole, ti ja' no'ox ta stsutsesvan ti ta xac' taluc ti Buch'u scotol xu' yu'une.

Joel 2:11

Ti jech jba'be batel ti Dios yu'un ti yajsoldadotaque, xvo'o'et to ta xac' vinajuc ti sc'opojele. Mu no'ox albajuc ta j'ech'el ti yajsoldadotaque. Mu no'ox albajuc yepal ti ta xch'unbat ti smantale. Jelavem smuc'ul, xi'bal sba ti sc'ac'alil ta xvul ta loq'uel yu'un ti Diose. Mu'yuc buch'u sts'ic yu'un.

Joel 2:15

Oq'uisanic ti oq'ues ti ta vits Sione. Lo'iltabeic ya'i ti jteclum ti ictaej vaje.

Joel 2:31

Ta x'ic'ub ti c'ac'ale, ta xjoybij ta ch'ich' ti ue. Ja' no'ox un, ba'yel oy c'usi muc'tic ta xc'ot ta pasel ti xi'bal sba c'alal ma'uc to sc'ac'alil yorail ta xvul ta loq'uel ti Diose.”

Joel 3:14

Ta stenlejal ti bu oy c'usi ta xc'ot ta nopele, mu no'ox albajuc ti oy buch'utic xvoletic batele, yu'un jutuc xa sc'an ta xc'ot sc'ac'alil yorail ti c'u s'elan chapanbil yu'un ti Diose.

Joel 3:17

Xi ta xal xtoc ti Diose: “Ja' jech ta xana' ti vo'oxuc ti vu'un Ajvalil Diosun avu'unique, ti nacalun ta vits Sión ti ja' jch'ul vitse. Jech ti Jerusalén ti ja' jun ch'ul jteclume, xi s'elan ta xc'ot ta pasel cu'une: ta j'ech'el mi ja'uc xa ta xlic yu'ninic ti jyanlumetique.

Amós 3:6

Mi xtutet xa liquel ti oq'ues ta jun jteclume, mu xa stac' a'yeluc ta xa'i c'usi xu' ta spas ti jteclume. Mi oy c'usi chopol c'ot ta pasel ta jun jteclume, yu'un jech c'ot ta nopel yu'un ti Diose.

Amós 5:18

Mu xa ono'ox cha'beluc un, ti buch'u sq'uel xa ya'i ta anil sc'ac'alil yu'un ti Diose. ¿Mi yu'un laj xa sna'ic xa ti c'u s'elan ta xc'ot ta stojolique? Yu'un ja' ta xc'ot ta pasel ti ta x'ic'ub ti osile. Ma'uc ti xojobin xa ti c'ac'ale.

Amós 8:2

Va'i xtoc un, xi laj sjac'bune: “¿C'usi laj avil, Amós?” “Toc'on lo'bolal sat te'etic ta xquil oy ta moch”, xcut. Xi laj yalbun ti Dios xtoc une: “Ja' xa jech sta'ajemal ti Israele. Ta j'ech'el mi ja'uc ti oy bu ta jch'aybeic ti smulique.

Abdías 1:15

Ti c'u s'elan laj xa apasbe ti yane, ja' no'ox jech ta xavich' pasbel ec, loc' ta sa'el avu'un. “Ta xa xc'ot sc'ac'alil ti ta xvul ta loq'uel ti Dios ta stojol ti muc'tiquil lumetique.

Sofonías 1:14

Ti muc' ta c'ac'al yu'un ti Diose, nopol xa sc'an xvul ta loq'uel, yu'un ta xvul no'ox ta loq'uel ta anil. Ti sc'ac'alil xvo'o'et no'ox vulel ta loq'uel ti Diose, toj tsots vocol ta j'ech'el ti xi s'elan ta xc'ot ta pasele; ti buch'u spajeb xa no'ox tsots xa'i sbae, ta xlic avanuc.

Sofonías 1:16

Ti jech c'ac'al taje, ja' o xa sc'ac'alil ta xich' oq'uisanel ti oq'uese, ti x'avlajet no'ox ta xich' contrainel ti jteclumetic ti oy yu'unic ti pojobbailetique, xchi'uc ti oy yu'unic ti natiquil luchlebale.

Sofonías 1:7

Ts'ijlanic ta stojol ti Diose, yu'un ti sc'ac'alil yorail ti c'usi xchapanoj ti Diose, jutuc xa sc'an xvul ta loq'uel. Ti Diose chapal xa yu'un ti milbil matanaletique; t'ujbilic xa yu'un ti buch'utic ta x'abolajique.

Sofonías 3:11

Ti c'ac'al taje, jteclumal, ta xtub sc'oplal avu'un ti q'uexlalot yu'un ti c'usitic chopol laj apas ti laj atoy aba ta jtojol xchi'uque. Ta jch'ac loq'uel ta atojol ti buch'utic toj jchopolique, ti jelavem ti stoyobbailique, ti j'ech'el mi ja'uc xa ta xavac' ta ilel ti atoyobbail ta ch'ul vits cu'une.

Zacarías 14:1

Jutuc xa sc'an sc'ac'alil ti ta xvul ta loq'uel ti Diose, c'alal ja' o ta xc'ot ta pasel ti ta xich' ch'aquel ti c'usitic scomelaltac avu'un ti oy ta atojole, jteclum Jerusalén.

Zacarías 8:3

Ja' yu'un un, ta xisut batel ta jteclum Jerusalén. Ta xinaqui ti bu taje. Va'i unbi, ja' Lequil Jteclum Le'e, xi liquel sc'oplal ti Jerusalene. Jech ti vits yu'un ti Dios ti scotol xu' yu'une, ja' Ch'ul Vits Le'e, xi liquel sc'oplal.

Malaquías 4:1

Ti Dios ti scotol xu' yu'une xi ta xale: “Ta xnopaj talel sc'ac'alil yorail ti oy bu co'ol s'elan stilemal sc'ac'al jornoe. Ta xc'aq'uic scotol ti buch'utic toyobbaique, xchi'uc ti buch'utic mu'yuc xch'ulel xa'i sbaique, ti natic no'ox sleb ta xtil jech c'u cha'al ta xc'ac' ti jobele. Ti jech ta xvul ta loq'uel ti jech c'ac'al taje, ta xchic'atic, ti mi ja'uc jutebuc xvinaj bu bate.

Números 10:2

“Meltsano chibuc plata taq'uin oq'ues ti anbil ta yanobile, ti ja' ta xtun avu'un ta sventa stsobel talel ti jnaclejetique, ti ta xac' ta na'el ti ta stam batel ti sbeique.

Números 10:3

C'alal ta xich' oq'uisanat chibal ti oq'uese, scotol ti jteclume ta stsob sbaic talel ta atojol ta ochebal sti' ti Axibalna ti bu nupel ta be xchi'uc ti Diose.

1 Corintios 14:8

Jech xtoc yoq'ues ti soldadoetique, mi mu'yuc smelol ta xich' oq'uisanel ti oq'uese, mu sna'ic c'u s'elan ta xchapan sbaic ta ac'-leto.

Filipenses 2:12

Jech o xal un, ti co'ol jchi'il jbatique, c'alal oyun to ox ta atojolique, laj ach'unbeicun ti c'u s'elan laj jchanubtasoxuque. Ti jech nom oyun ta atojolic avi tana li'e, x'ech' to ch'unbeicun. Xi'anic, bic'tajes abaic, tijo avo'ntonic yu'un ti acoltaelique.

1 Tesalonicenses 5:2

Yu'un ti sc'ac'alil ta xtal ti Cajvaltique, xana'ic lec ti ch'ayal o'ntonal ta xvul tavanuc jech c'u cha'al jun j'elec' ta xtal ta ac'ubaltique.

Santiago 5:8

Jechucoxuc ti vo'oxuque, oyuc smuc'ul avo'ntonic, mu xatsiq'ues avo'ntonic, yu'un po'ot xa sc'an xtal ti Cajvaltique.

1 Pedro 4:7

Tsots sc'oplal batuc avo'ntonic ta sc'oponel sti'inel ti Diose yo' jech xtojob lec ti snopbenal avu'unique, yu'un po'ot xa sta yorail ta xlaj scotol ti c'usitic oye.

Apocalipsis 6:17

Yu'un sta xa yorail ti muc' ta tsitsele. ¿Mi oy la buch'u ta xcuch yu'un un?”