Joel 1:7 - Bible in Tzotzil de Chamula

⁷ Laj xa slilin ta stsutsesel ti j'uvatique, laj xa soquesic ta j'ech'el ti j'icuxtique. Stuc svach'il com yu'unic ta j'ech'el, ja' to ti c'uxi taquichivan com yu'un ti sc'ob-c'obtaque.

Bible in Tzotzil de Chenalhó with Deuterocanon

⁷ Ta xulesic comel scotol li ts'usubtic cu'une, ta slilinic comel scotol li higoetic cu'une; solel jeche' chijajtic ta scomtsanic. Ta xcho'beic c'alal ta spat; jeche' xa sac yalanic chcom yu'unic li sc'obc'obe.

Joel 1:7 Iomraidhean Croise

Salmos 105:33

Lilinbat scotol ti sts'unub uvaique, xchi'uc ti icuxetic yu'unique; jepantic com sc'ob ti te'etic ta Egipto une.

Éxodo 10:14

Taj une, laj soquesic sjunlej ti lume. Mi ja'uc oy bu jech c'ot ta pasel ta vo'ne. Mi ja'uc oy bu ta to xc'ot ta pasel ti ta xtal epal c'ulub jech c'u cha'al ti c'ac'al tana li'e.

Éxodo 10:15

Yu'un mi ja'uc xa xvinaj ta q'uelel com yu'unic banomil ti epal c'ulubetique. Laj slajesic scotol ti yanal te'etique xchi'uc scotol ti sat te'etic ti ch'i talel ti c'alal ech' xa ox ti bote. Xi s'elan ti mu'yuc xa bu xavil ti oy c'usi yox com ti bu c'alal smacoj ti Egiptoe, mi ja'uc ti ta osile, mi ja'uc ti ta te'tique.

Isaías 24:7

Ch'abal ta tael ma' ti vinoe. Ti ts'un uvae, ta stsaqueic ta chamel. Ti buch'utic xmuyubajic no'ox ta banomile, batem xa xch'ulelic yu'un ti at o'ntonale.

Isaías 32:12

Aq'uic ta ilel ti mu x'ech' ta xava'iic avocolic yu'un ti c'upil sba osiletique, ti ve'ebal banomil ti bu ts'unbil ti uvae.

Isaías 5:6

Teq'uel ta xquicta comel ya'i. Mu ja'uc xa ta xich' ch'ulbel ti staquinal sc'obtaque, mi ja'uc xa ta xich' aq'uintael, ti yich'uc net'el ya'i yu'un ti ch'ixe, ti momole. Ta xcalbe ya'i mantal ti toque, ti mu xa xac' taluc ti vo' ta stojole.

Jeremías 8:13

Ti Diose xi ta xal ta jamale: “J'ech'el ta jtuch'be sc'oplal ti jteclume jech c'u cha'al ta xich' tuch'el ti trigo c'alal ta xich' tsobele. Mi jbejuc sat uva ta xcom ta yaq'uil. Mi jbejuc sat icux ta xcom ta ste'el. C'ajomal xa no'ox ta xcom yanaltac ti nucultajem xae.”

Oseas 2:12

Ta jsoquesbe ti uvaetic yu'une, xchi'uc ti icuxetic yu'une, ti c'alal xi laj yalbe sba xchi'uque: ‘Ti vi yepal oy cu'un avie, ja' jtojol yu'unic ti laj yac'beicun ti buch'utic batem jol co'nton yu'une.’ Ta xlic joybinbe ta uninal te'tic, ti ta slo'ic ti te'tical chon bolometic ti c'usi ts'unbile.

Joel 1:12

Tsuts xa ta taquijel ti uvaetique, tub xa sc'oplal ti icuxetique. Taquij xa ta j'ech'el xtoc ti granada te'e, ti satinom xane, ti ste'el mantsanaetique, xchi'uc scotol ti te'etic ti oy ta osil banomile. Ja' jech c'ot ta ch'ayel ti xmuyubajic no'ox scotol ti jnaclejetique.

Amós 4:9

“C'ot ta pasel cu'un ti tal tsots ic' xchi'uc sc'ac'al ta atojolic, xchi'uc ti yan ti c'usitic toj chopole yo' jech ta jtsitsoxuc. C'ot ta pasel cu'un ti nucultaj ti c'usitic ts'unbil avu'unique, xchi'uc ti yaq'uil uvaetic avu'unique. Laj ta c'ulubetic ti icuxetic xchi'uc ti olivoetic avu'unique. C'u stu un, mi ja'uc lasutic talel ta jtojol. Ti vu'un Diosune, mu me lo'iluc no'ox ta xcal.

Habacuc 3:17

Manchuc mi mu'yuc vajal ta nich ti icuxe, manchuc mi ch'abal sat ti uvae, manchuc mi mu xloc' sat ti olivoe, manchuc mi mu mu'yuc c'usi ta xloc' ti ta locbil banomile, manchuc mi ta xlaj ti chij ta scorrale, manchuc mi ch'abal ti vacax ta svayebtaque,

Malaquías 3:11

Mu jq'uelojuc ma' ti ta xlaj ta xchanul ti ts'unubaletique, ti uvaetic avu'unique.