Joel 1:4 - Bible in Tzotzil de Chamula

⁴ Xi s'elan c'ot ta pasel c'alal laj slajes scotol ti c'ulubetique: ti bu to col comel jlomuque, ja' laj stsutsesic ta j'ech'el c'alal tal ti yane.

Bible in Tzotzil de Chenalhó with Deuterocanon

⁴ Li c'usitic icom ta lo'el yu'un li tsucume, ja' tal slajes ec li bilixe. Li c'usitic icom to ta lo'el yu'un li bilixe, ja' tal slajes ec li xc'ajbene. Ti c'u x'elan icom ta lo'el yu'un li xc'ajbene, ja' tal slajes ec li c'ulube.

Joel 1:4 Iomraidhean Croise

1 Reyes 8:37

“C'alal ta x'ayan vi'nal ta jteclum li'e, mi ja' ti chamele, mi ta scoj ti va'iem ti c'ac'al ti ta xtaquij ti c'usitic yoxique, mi ta xlaj ta uch'e, mi ta xlaj ta c'ulube, mi ja' ta scoj ti xchanultaque, c'alal ti jcontrainvanejetic ta sjoyobtaic ta stsaquel ta c'op ti jteclumalcutique, mi xchamel, c'usiuc no'ox yan ti ta xtale,

2 Crónicas 6:28

“C'alal mi ta xtal vi'nal, mi chamel ti li' ta jteclume, mi jtos o ti c'usi chopol ta xc'ot ta pasele, mi ta xtaquij ta c'ac'al ti c'usitic ta xch'ie, mi ja' ti c'usitic ta xulesbe sc'oplal ti ts'unubale, mi ta xtal ti c'ulubetique, mi yuch'al ti ts'unubale, mi ta xtal voliaticuc ta tsaquel ta leto ti jteclumalcutic li'e, mi yan ti c'usitic ta xvul ta loq'uele,

2 Crónicas 7:13

Ja' yu'un un cha'e, mi ta xcal va'iuc ti c'ac'ale, mi mu xac' ti vo'e, mi ta xcalbe mantal ti c'ulubetic yo' jech ta stsutses ti c'usitic ta xch'i ta osiletique, mi ta jtac talel tsatsal chamel ta stojol ti jteclumale,

Salmos 105:34

Mi ja'uc xa stac' chapel c'u yepal ta j'ech'el vul ta loq'uel ti c'ulub ta sventa sc'opojel ti Diose.

Salmos 78:46

Ti c'ulubetique ac'bat soquesan ti slubel xchamel yoc sc'obic ti c'usitic sts'unojanique.

Éxodo 10:4

Mi staoj no'ox yav mu xava'ibe xchiquinal ti mu xavac' loc'uc batele, oc'om ta xcac' taluc c'ulubetic ta alumal.

Éxodo 10:5

Taje, ep ta xtal. Ta smac ti banomile. Mu xa xvinaj ta xcom ti banomil yu'une. Ta slajes scotol ti ts'unubaletic spulemal ti xquechel bote. Ta slajes scotol ti yanal te'etic ti oy ta osiltique.

Isaías 33:4

Yu'un ti scontraique, co'ol s'elan junuc c'ulub ic'uneb ti osil xvoletic no'ox talele, ti lamal ta xc'ot ta stojolique, ta xpojbatic batel ti sc'ulejalique.

Jeremías 51:14

Yu'un xi laj yal ti laj sva'an sba ta rextico stuc ti jech c'uxul ti Ajvalil ti scotol xu' yu'une: “Ta jbusan talel ti acontra ta atojol jech c'u cha'al ti xbuset no'ox ta xtal ti c'ulube. Xq'uejinic no'ox liquel ti tsalbil lac'ot yu'une.”

Jeremías 51:27

“Vinajuc ta a'yiel ti ta xatsaquic ta leto ti jteclume. Oq'uisanic ti oq'uese, chapanic ti jteclumetique yo' ta xlic stsaquic ta leto ti jteclum Babiloniae. Va'lanic ta stsaquel ta leto ti jnaclejetic yu'un ti jteclum Ararate, ti jteclum Minie, xchi'uc ti jteclum Asquenaze. T'ujic jun banquilal soldado yo' jech ta xal mantal c'u s'elan ta aq'uel ti letoe. Co'oluc to s'elan junuc c'ulub c'uletuc batel ti capem xa sjolic ti nopajuc batel ti buch'utic cajalic ta ca'e.

Joel 2:25

“Vu'un ta jq'uextaboxuc sutel ti bu jeche' no'ox lub cham avoc ac'obic ta abtel ti jabil laj ech'uc ta scoj ti epal c'ulubetic laj jtac talel ta atojolic ti c'usitic sbusetic no'ox talel ta slilinele.

Amós 4:9

“C'ot ta pasel cu'un ti tal tsots ic' xchi'uc sc'ac'al ta atojolic, xchi'uc ti yan ti c'usitic toj chopole yo' jech ta jtsitsoxuc. C'ot ta pasel cu'un ti nucultaj ti c'usitic ts'unbil avu'unique, xchi'uc ti yaq'uil uvaetic avu'unique. Laj ta c'ulubetic ti icuxetic xchi'uc ti olivoetic avu'unique. C'u stu un, mi ja'uc lasutic talel ta jtojol. Ti vu'un Diosune, mu me lo'iluc no'ox ta xcal.

Amós 7:1

Xi s'elan laj yac'bun quil ti Diose: C'alal naca to laux ta loq'uel ti ts'unubaletic ti c'alal laj xa ox yich' tsobel sts'unubal ti ajvalile, laj quil ti ja' o yacal ta yesomtael c'ulubetic ti Diose.

Malaquías 3:11

Mu jq'uelojuc ma' ti ta xlaj ta xchanul ti ts'unubaletique, ti uvaetic avu'unique.

Deuteronomio 28:38

Jun yepal ta xats'un ti ats'unube, uni juteb ta xataic ta tsobel ti sate, ja' ti laj ta ixtolanel yu'un ti c'ulube.

Deuteronomio 28:42

Scotol ti sat te' ti jtunel jlajesele, xchi'uc ti te'tique, ta stsutses ta j'ech'el ti c'ulube.