Joel 1:15 - Bible in Tzotzil de Chamula

¹⁵ Mu xa ono'ox cha'bel un, nopaj xa talel sc'ac'alil yorail ti Diose. Ta xvul ta loq'uel ti tsots vocole, ti ja' no'ox ta stsutsesvan ti ta xac' taluc ti Buch'u scotol xu' yu'une.

Bible in Tzotzil de Chenalhó with Deuterocanon

¹⁵ ¡Ay, jutuc xa sc'an sta sc'ac'alil chtal yac'bot atoj amul li Muc'ul Diose! Pero toj xi'bal sba li sc'ac'alil le'e, ja' jun muc'ta lajel chamel chtal yac' li Boch'o toj ech'em svu'ele.

Joel 1:15 Iomraidhean Croise

Salmos 37:13

Le' une, tse'ej no'ox ta x'a'yiat yu'un ti Diose, yu'un sna'oj lec ti ta xa xc'ot yorail ti buch'u mu'yuc xch'ulel xa'i sbae.

Jeremías 30:7

Q'uelel talel sc'ac'alil ti spajeb vocole, ti mu'yuc bu xtaun o jech ti jun c'ac'al taje. Yorail ti mu xnel mu x'ech' ta xa'i svocol steclumal ti Jacobe. Ja' no'ox un, ta jtic' jba ta spojelic.

Jeremías 46:10

Taje, muc' ta c'ac'al yu'un ti Ajvalil ti scotol xu' yu'une, sc'ac'alil ta spacbe ti scontrae. Ta x'ech' yo'nton ta ve'el ma' ti espada une, xjobet xa banomil ta yacubel ta xa'i ta yuch'el ti ch'ich'e. Ti Dios ti scotol xu' yu'une, mu albajuc milbail ta xac' c'otuc ta pasel ta sts'el uc'um Eufrates ti oy ta muc' ta lum ta yolon ti yolon xocon sloq'ueb c'ac'ale.

Ezequiel 30:3

Nopaj xa talel c'ac'al yu'un ti Diose. Jun c'ac'al ic'uneb ti banomile, jun c'ac'al xi'bal sba ta xc'ot ta pasel ta stojol ti muc' ta lumetique.

Joel 2:11

Ti jech jba'be batel ti Dios yu'un ti yajsoldadotaque, xvo'o'et to ta xac' vinajuc ti sc'opojele. Mu no'ox albajuc ta j'ech'el ti yajsoldadotaque. Mu no'ox albajuc yepal ti ta xch'unbat ti smantale. Jelavem smuc'ul, xi'bal sba ti sc'ac'alil ta xvul ta loq'uel yu'un ti Diose. Mu'yuc buch'u sts'ic yu'un.

Joel 2:31

Ta x'ic'ub ti c'ac'ale, ta xjoybij ta ch'ich' ti ue. Ja' no'ox un, ba'yel oy c'usi muc'tic ta xc'ot ta pasel ti xi'bal sba c'alal ma'uc to sc'ac'alil yorail ta xvul ta loq'uel ti Diose.”

Joel 3:14

Ta stenlejal ti bu oy c'usi ta xc'ot ta nopele, mu no'ox albajuc ti oy buch'utic xvoletic batele, yu'un jutuc xa sc'an ta xc'ot sc'ac'alil yorail ti c'u s'elan chapanbil yu'un ti Diose.

Abdías 1:15

Ti c'u s'elan laj xa apasbe ti yane, ja' no'ox jech ta xavich' pasbel ec, loc' ta sa'el avu'un. “Ta xa xc'ot sc'ac'alil ti ta xvul ta loq'uel ti Dios ta stojol ti muc'tiquil lumetique.

Sofonías 1:7

Ts'ijlanic ta stojol ti Diose, yu'un ti sc'ac'alil yorail ti c'usi xchapanoj ti Diose, jutuc xa sc'an xvul ta loq'uel. Ti Diose chapal xa yu'un ti milbil matanaletique; t'ujbilic xa yu'un ti buch'utic ta x'abolajique.

Santiago 5:9

Jchi'iltac, mu xasa'be aba amulic ta jujun tal yo' jech mu xavich'ic chapanel, yu'un ti Jueze, va'al xa talel ta ti' nae.

Apocalipsis 6:17

Yu'un sta xa yorail ti muc' ta tsitsele. ¿Mi oy la buch'u ta xcuch yu'un un?”