Joel 1:14 - Bible in Tzotzil de Chamula

¹⁴ Tsobo ti jteclume, albeic ya'iic ti oy ictaej vaje. Ac'o stsob sbaic talel ti moletique xchi'uc scotol ti jteclum ta xch'ulna ti Ajvalil ti ja' Dios yu'unique. Ac'o c'opojicuc ti'inicuc ta stojol ti Diose.

Bible in Tzotzil de Chenalhó with Deuterocanon

¹⁴ Ictaic ixim, tijo aba acotolic ta muc'ta tsobajel te ta xch'ulna li Muc'ul Diose. Ac'o stsob sba scotol li moletique xchi'uc scotol li jnaclumetic ta avosilalique. C'anbeic vocol li Muc'ul Diose.

Joel 1:14 Iomraidhean Croise

2 Reyes 10:20

Jech o xal laj scaj'al mantal ti ac'o yich' pasbel sq'uinal smuyubtael ti Baale, ti jech laj yich' pasele.

2 Crónicas 20:13

Scotol jteclum yu'un Judá va'alic ta stojol ti Diose, viniquetic xchi'uc yantsilelic, xchi'uc ta biq'uit ta muc' ti yalab xnich'nabique.

Nehemías 8:18

Vucub (7) c'ac'al sjalil laj spasic q'uin ti c'u s'elan ch'unbil yu'unique, ti lic ta sba c'ac'ale, ti c'ot ta tsutsel ta slajeb xemunae. Ti Esdras une, jujun c'ac'al ta xavta ti svunal ti oy c'usi jbel tsots albil yu'un ti Diose. Ti ta xvaxaquibal (8) c'ac'al une, laj spasic jun muc'ul ch'ul tsoblej, co'ol s'elan jech c'u cha'al liquem ono'ox yu'unique.

Ester 4:16

“Batan, ba tsobo scotol ti judíoetic ta Susae, ti yictaicuc yotic ta jventae. Mu'yucuc c'usi stun slajesic oxib c'ac'al xchi'uc oxibuc ac'ubal. Jech ta jpas ec xchi'uc ti cajmosovtaque. Ta ts'acal to un, ta xbat jc'opon ti ajvalile, ac'o mi mu jechuc ta xal ti oy c'usi tsots albile. Mi ta smilicune, ac'o smilicun xch'a.”

Jeremías 14:2

“Ti jteclum Judae ta xlic oc'uc ta at-o'nton, mu xa stac' a'yeluc c'usi xu' ta spasic ti jteclumetique. Javal ts'e'el ta lumtic ti jnaclejetic yu'une. X'avetic no'ox xchi'uc yipal xc'uxul svocol ti Jerusalene.

Jeremías 36:9

Ta sbalunebal (9) yual ti ja' xa yo'obal (5) jabil yochel ta ajvalilal ta Judá ti Joacim xnich'on ti Josiase, lic yictaic yotic ta stojol Dios ti jnaclejetic ta Jerusalene, xchi'uc jlom ti liquemic talel ta yan jteclumetic ti oy ta yosilal ti Judae.

Joel 1:2

A'yio ava'iic lec li'e, moletic, acotolic xtoc jnaclejetic yu'un ti muc' ta lume. ¿Mi oy bu avilojic c'otem ta pasel jech c'u cha'al ta xavilic avie? ¿Mi yan to ti c'u s'elan laj yilic c'alal laj ech'icuc ti atot ame'ic ta vo'nee?

Levítico 23:36

Ti vucub c'ac'al sjalil taje, ta xachiq'uic matanal sventa yich'el ta muc' ti Diose. Ja'uc ti ta xvaxaquibal c'ac'ale, ta xapasic jun ch'ul tsoblej xchi'uc ta xachiq'uic jun matanal ta stojol ti Diose. Ti c'ac'al taje, ja' jun q'uin. Mi jtosuc abtel stac' xapasic.

Jonás 3:5

Jech ti jnaclejetic ta jteclume, mi cajal sc'oplalic, mi peq'uel sc'oplalic, laj xch'unic ti c'u s'elan laj yal ti Diose. Laj spucbeic sc'oplal ti ac'o yicta ti yotique, ti ac'o slapic ti lajemal c'u'ile, ti vinajuc ti c'ux ta sta ti svocolique.

Jonás 3:8

Mu stac' ti jech ta xich' pasele. C'ajomal no'ox, lapic acotolic ti lajemal c'u'iletique. Oc'an avananic ta stojol ti Diose. Ictaic comel ta jujun ti jech yanijem ti ajol avo'ntonique, ti c'usitic mu'yuc smelol ti yacal to ta xapasic avi tana li'e.

Sofonías 2:1

Volo abaic, tsobo abaic, jnaclejetic ti vo'oxuc ti mu xa xava'iic ti q'uexlal apune,