Joel 1:13 - Bible in Tzotzil de Chamula

¹³ Jech ti vo'oxuque, paleetic ti abainojic ta sq'uelel ti altare, lapic ti lajemal c'u'iletique, oq'uitao abaic yu'un yipal ti avocolique, yu'un ta xch'ulna ti Dios avu'unique, ch'abal xa jutebuc ti sat ts'unubaletique, ch'abal ti vino ti ta xich' aq'uel ta matanale.

Bible in Tzotzil de Chenalhó with Deuterocanon

¹³ Paleetic, lapic ch'ixlajan c'u'il sventa at-o'nton; j'abteletic ta scajleb matanal, juetanic ta oq'uel, yu'un chlaj xa sc'oplal ti chavaq'uic matanal, ti chavaq'uic ya'lel ts'usub te ta xch'ulna Dios avu'unique.

Joel 1:13 Iomraidhean Croise

2 Samuel 12:16

Va'i un, ti Davide xvocolet liquel ta stojol Dios ta sventa ti olole. Lic yicta yot, ti puch'ul ta lum ta x'ech' yu'un ti ac'ubale.

1 Reyes 21:27

C'alal laj ya'i ti Acab scotol ti va'i s'elan taje, lic xch'i' ta jatel ti sc'u'e. Lajemic xa lic slap ti sc'u'e. Laj yicta yot. Ja' jech ta xvay xchi'uc ti sc'u'e, ti xvulvun ta xa'i ti yo'nton yu'une.

Isaías 22:12

Ti jech sc'ac'alil taje, ti Dios ti scotol xu' yu'une, laj staoxuc ta iq'uel ta yoq'uitael abaic, ta svulel avo'ntonic, ta sloq'uel stsotsil ajolic, ta slapel lajemal c'u'il yo' jech ta xvinaj mu x'ech' xjelav ti avocolic ava'iicuque.

Isaías 61:6

Ti vo'oxuc une, ta xa'albat ac'oplalic paleoxuc yu'un ti Ajvalile, jtuneloxuc yu'un ti Dios cu'untique. Ta xatunesic ta sc'upinel sc'ulejal ti yan muc'tiquil lume, xach'aletic no'ox ta xac'otic xchi'uc ti slequilalique.

Jeremías 4:8

Jech o xal un, lapic ti lajemal c'u'ile, oc'anic, ajetanic xchi'uc ti xc'uxule. Ti stilemal sc'ac'al yo'nton ti Diose, mu'yuc sq'uejoj sba loq'uel ta jtojoltic.”

Jeremías 9:10

“Oc'anic, ajetanic yu'un svocol ti muc' ta vitstique. Liquesic me'inal q'uejimol yu'un ti xpach'alul stselejtique. Mu'yuc xa buch'u ta x'ech' ti bu taje, yu'un ve' xa c'oc' yu'unic. Mu'yuc xa bu xava'i ti oy to xmu'et ti vacaxe, yu'un c'alal ta mutetic xchi'uc te'tical chon bolometic, jatavic xa loq'uel.

Ezequiel 21:12

Oc'an avanan, Yojtot, yu'un yich'oj talel ti oy sc'oplal smilel ti jteclumale, xchi'uc scotol ti jpas-mantaletic yu'un ti Israele. Ti jbel sc'oplal ta xmileic jmoj xchi'uc ti jteclumale, yayijeso aba ta smajel aba yu'un ti yipal xc'uxul un cha'e.

Ezequiel 27:31

Xt'axbun xa ta loq'uel sjolic ta aventa. Slapic lajemal c'u'il yu'un me'inal, smil xa sbaic ta oq'uel.

Ezequiel 7:18

Lajemal c'u'il ta slapic, svinajeb ti mu xnel x'ech' ta xa'iic yipal xc'uxul ti vocole. Xt'elt'un sjunul ti sbec'talique. Chacpochanic xa ta q'uexlal ta xbatic, ti xch'uloj ta loq'uel ti stsotsil sjolique.

Oseas 9:5

¿C'usi xu' ta xapasic c'alal ta xc'ot sc'ac'alil yorail ti q'uine, ti ja' jun q'uin sventa stoyel xi'el ti Diose?

Joel 2:12

Ja' yu'un un, xi ta xal ti Diose: “Avi tana le' une, sjunuluc avo'ntonic, sutanic talel ta jtojol; ictao avotic, oc'anic, avananic xtoc.”

Joel 2:14

Yu'un nan xi s'elan ta xc'ot ta pasel yu'une yo' jech mu xayac'beic ti tsitsele, ti ja' ta xac'boxuc talel ti yutsilal slequilale. Ta xataic yu'un ti sat ts'unobale, ti vinoe ta sventa ta xich' ac'bel matanal ti Ajvalil Dios avu'unique.

Joel 2:17

Oq'uicuc ti paleetique xchi'uc ti buch'utic ochemic ta yajtunel ti Diose, ti xi ac'o yalic talel ta ochebal yu'un ti ch'ulnae xchi'uc ti bu oy ti altare: “Ch'aybo smul scolo' ti ateclumale, Dios, mu teyuc no'ox aq'ueloj ti ta xlajic ta labanel ti avu'untaque. Mu xavac' ave ati' ti tsalbil ta xc'otic yu'un ti jyanlumetique, ti xi s'elan ta xloc' ta yeic ti buch'utic yan ti sjol yo'ntonique: ‘¿Bu oy ti Dios yu'unique?’ ”

Números 28:14

Ti vinoetic ti ja' sts'aqueb ti matanale, ja' ta xich' ac'bel chib litro ta jujucot ti ch'iom vacaxe. Ta xich' jun litro xchi'uc o'lol ti jujucot chije. Jun litro ta xich' ac'bel ti jujucot ch'iom chije. Taje, ja' me sc'oplal ti matanal ti ta xich' chiq'uel ta jujun u yu'un sjunul ti jabile.

Números 28:4

Ti jcote, ta xich' svocol ta milel ta sob ic'luman. Ti jcote, ta smalil to c'ac'al ta xich' svocol ta milel.

Números 28:7

Ti jujucot chije, ta xich' ac'bel sts'aquebtac ta matanal jun litro vino. Ti vino taje, ta xich' malel ta Axibalna ti ja' sventa yich'obil ta muc' ti Diose.

Números 29:6

Ma'uc no'ox jech taje, ta ono'ox xaq'uic ti chic'bil matanal ti ta xich' aq'uel jujun ue, xchi'uc sts'aquebtac matanal ti sat ts'unubal jchop o ta trigoe, ti vinoe, jech c'u cha'al laj yal mantal ti Diose. Taje, ja' ti jun muil chic'bil mantal sventa yich'el ta muc' ti Diose.

1 Corintios 4:1

Bisuncutic no'ox ta yajcoltaobba Cristo, ti oy ta jventacutic ta yalel ti c'usi mucul to ox snopoj ti Diose.

1 Corintios 9:13

Xana'ic lec xtoc ti buch'utic ta x'abtejic ta jtuneletic yu'un ti ch'ulnae, ja' cuxulic o ti c'usi ta x'och talel ta ch'ulnae. Ti xcaltique, ja' ti buch'utic sbainojic ta yaq'uel ti milbil matanal ta sba ti altare, c'otem ta sventaic ta stunesel ta slajesel ti chon bolom ti ta xich' milel ti bu taje.

2 Corintios 11:23

¿Mi yajtuneltac Cristo ti stuquique? x'ech' to yajtunelun ti vu'une, ja' mu sta ti stuquique, ac'o mi co'ol s'elan chuvaj ti va'i s'elan ta xcale. Yu'un vu'un x'ech' to ta xi'abtej, ja' mu sta ti stuquique. Ti vu'une quich'oj ep tsitsel, ja' mu sta ti stuquique. Ep ta coj litic'at ta chuquel. Ep ta coj jutuc xa mu quich' milel.

2 Corintios 3:6

Yu'un ja' stuc ti Diose laj yac'bun jbijilcutic yo' jech ta xituncutic ta yalbel sc'oplal ti ach' tratee, ti ma'uc ta xac' ta na'el ti ta xijcolotic ta sventa ta xc'ot ta ch'unel ti oy c'usi tsots albil sc'oplal ti ts'ibabile. Yu'un ti oy c'usi tsots albil sc'oplal ti ts'ibabile, ta xmilvan, ja'uc ti Ch'ul Espiritue ta xac' jcuxlejaltic.

2 Corintios 6:4

C'ajomal no'ox ta xcac'cutic ta ilel ti yaj'abteluncutic ti Diose ta sventa ti oy smuc'ul co'ntoncutic ta st'iquel ti vocole, ti ilbajinele, ti c'usi tsots sc'oplal ta xtun cu'uncutique,

Apocalipsis 11:3

Jech ti vu'une ta jtac batel cha'vo' cajrextico ti slapojic batel ic'al c'u'il sventa me'inale, ti ta xc'opojic jmil chib ciento xchiuc oxvinic (1,260) c'ac'al ta jventa.”