Jeremías 9:9 - Bible in Tzotzil de Chamula

⁹ ¿Mi mu'yuc ta jtsitsic yu'un ti va'i s'elan ta spasic taje? ¿Mi mu'yuc ta xcac'be stojic ti jteclum ti va'i s'elan taje? Ti vu'un Diosune jech xcal ta melel.

Bible in Tzotzil de Chenalhó with Deuterocanon

⁹ ¿Me mu'yuc ta xcac'be stoj smulic ta sventa ti jech tspasique? ¿Me mu'yuc ta xcac'be stoj li jun banamil ti ja' jech tspase?”, xi li Muc'ul Diose.

Jeremías 9:9 Iomraidhean Croise

Isaías 1:24

Jech o xal ti Dios ti scotol xu' yu'une, ti banquilal jpojvanej yu'un ti Israele, xi ta xal ta jamale: “Ch'an xa chanic, ta jq'uel jtuc ti c'usi ta xcut ti jcontrataque. Ta jpacbeic sutel ya'iic ti c'usi ta spasique.

Isaías 10:3

¿C'usi ta xavut abaic un, ti c'alal ta xa'ich'bat ave'ique, ti c'alal ta xavilic ti le' xa xtal ti tsitsele? ¿Buch'u ta xbat atijbeic sjol ta sc'anel ti pojele? ¿Bu ta xavaq'uic comel ti ac'ulejalic une?

Isaías 57:6

“Israel, batem avo'nton yu'un ta snijanel xchimanel aba ta stojol ti ch'uletel ton ti oy ta ti' uc'ume. Ti bu taje, chapal xa sc'oplal ti c'ot xa ta avavile. Laj xa amalbe ta sba ti matanal vinoe. Laj xa yich' ta matanal avu'un ti jchop o ta trigoe. ¿Mi ximuyubaj xa yu'un scotol avaloj ta ts'acal taj une?

Jeremías 12:11

Sbajtical banomil laj yictaic comel, sts'ijlajan xa ta j'ech'el, xcha'na'ic xa ta xquil un. Sts'ijlajan sjunul ma' ti muc' ta lum une. Mu junuc ta stij yo'nton yu'un.

Jeremías 12:4

¿C'u to sjalil ta xbat avu'un taquijem ti banomile, ti nucultajem ti c'usitic yaxbalan to ox ta osiltique? Yu'un ti chon bolometique, ti mutetique, ta xchamic ta scoj ti jelav xchopolalic ti jnaclejetic ta jteclume, ti yalojic mu xavil ti c'usi ta spasique.

Jeremías 4:25

Laj quil ti mu'yuc xa buch'u junuc oye. Jatavic ech'el scotol ti mutetique.

Jeremías 5:29

‘¿Mi mu'yuc van ta jtsits ta scoj ti va'i s'elan taje? ¿Mi mu xc'ot o ta xich' ti buch'u jech ta spas taje? Ti vu'un Diosune, mu stselbuj cu'un.

Jeremías 5:9

¿Mi yu'un la mu'yuc ta jtsits ya'iic ti va'i s'elan taj une? ¿Mi yu'un ta xcol cu'un jun jteclum ti xc'ot o jech ta xich'e?

Oseas 4:3

Ja' yu'un un, ti muc' ta lume oy ta muc'ul ic'al me'inal. Yu'un ta xc'ot ta stojolic ti mu xa xpac yu'un sc'oplalil ti buch'u tey nacalique. Jech o xal ta xchamic ti te'tical chon bolometique, ti mutetic ti xvilajet ta vinajele, ti choyetic ti oy ta nabe.

Joel 1:19

Ta xi'oc' ta xi'avan ta atojol, Dios, yu'un ti momoletic ti oy ta sbajtical banomile xchi'uc ti te'etic ti oy ta osiltique, ta xtaquij ta j'ech'el ti jech va'iem ti c'ac'ale.

Amós 5:1

A'yio ava'iic ti jc'ope, israeletic, ts'et chiquintao ava'iic ti xi s'elan ta xime'inal q'uejin ta acontrainelique:

Amós 5:2

Ti jech c'upil sba yutsil ti Israele, yal xa ta lum, mi ja'uc xa xu' ta stam sba liquel yan velta. Telel com ta yosilal stuc, mi ja'uc xa oy buch'u ta xtoyat liquel yu'un.