Jeremías 9:8 - Bible in Tzotzil de Chamula

⁸ Yu'un ti c'usi ta xloc' ta yeique, co'ol s'elan sni' yolob ti ta xmilvane. Yu'un ja' oyic ta yalel ti naca jutbil ti c'usi ta xalique. Jun xa yutsil ye sti'ic ta sc'oponic yilel ti buch'utic lec xil sbaic xchi'uque. C'u stu un, ja' no'ox yacal ta stiq'uic ochel ta pets'.

Bible in Tzotzil de Chenalhó with Deuterocanon

⁸ Li yoq'uique ja' jech chac c'u cha'al flecha ti lec ts'ubts'ub sni'e, yu'un tojtoj tuch'el chijc'ot yu'un ti c'alal chlo'lavanique. Lec xa sc'opanic yilel li xchi'ilique, pero ta yut yo'ntonique te tsnop c'usi chopol tspasbeic.

Jeremías 9:8 Iomraidhean Croise

2 Samuel 3:27

C'alal c'ot ta Hebrón ti Abnere, jech ti Joabe laj yic' batel ta xocon sti' ti ochebal yu'un ti jteclume, ti slecoj bat sc'opon sbaique. Ti bu taje, laj syayijesbe xocon ti cham yu'une. Laj spacbe sutel ti cham ti Asael ti xchi'il sbaic ta voq'uele.

Salmos 12:2

Jujun ta sjutanbe sbaic ti c'ope; jun xa yutsil ma' ti ye sti'ic ta spas sbaic une, naca ta joyob c'op ti c'usi ta xalique.

Salmos 12:3

Dios, ch'ab xiuc sc'oplal avu'un ta j'ech'el ti buch'utic jun xa yutsil ti ye sti'ic ta spac'ta sbaique, xchi'uc ti jliquesej c'opetique,

Salmos 120:3

¿C'usi la ta xata o yu'un, j'ac'vanej ta vocol eil?

Salmos 28:3

Mu jmojuc xajochbun ta cacan xchi'uc ti buch'u mu'yuc xch'ulel xa'i sbaique, mu xc'ot ta jtojol avu'un jech c'u cha'al ta xc'ot ta stojol ti jchopol joletique, ti jun xa yutsil ti ye sti'ic yilele, ti nojem ta yo'ntonic ta spasel ti chopole.

Salmos 35:20

Yu'un ma'uc ta sa'ic ti lamajem yo'ntonique, yacal ta snopilanic c'u s'elan ta xaq'uic ta c'abal ti buch'utic ma'uc jliquesej c'op ta muc' ta lume.

Salmos 55:21

X'olet xa yutsil sjubemal ta lajesel ma' ti c'usi ta xalique, le' une, naca letovajel sna' ma' ti snopbenal yu'unique. Mu xa c'usi jech o yutsil ta a'yiel ti sc'opique, ti c'alal ja' jun juxbil espada ta xac' ta j'ech'el une.

Salmos 57:4

Bitsilun xa ta banomil, c'otemun jech c'u cha'al ti buch'u ta xti'e ta jti'oval león ti volibil xae, co'ol s'elan mi sni' lanza, mi sni' yolob ti stanal yeique, ti co'ol s'elan juxbil espada ta bet'bunel ti yeique.

Salmos 62:5

C'ajomal no'ox ta stojol Dios ta jta ma' ti lajemuc co'ntone; ta stojol ta xlic talel ma' ti spatobil co'ntone.

Salmos 64:8

Ta sc'op no'ox stuquic un ta xlic yalicuc ta lum, ti buch'u ta x'ileic yu'une, ta xlabajic xa.

Proverbios 25:18

Ti buch'u naca jeche' no'ox oy c'usi ta xalbe ti lec xil sbaic xchi'uque, co'ol s'elan majob te', mi espada, mi ni' yolob ta xac'be.

Jeremías 5:26

‘Yu'un ti jlumale, oy chopol viniquetic ti co'ol s'elan jyac-mutetic ti xpaq'uet xa ta sq'uelele, ti naca sva'an no'ox pets'etic yo' tsacbil ta xc'ot yu'un ti yane.

Jeremías 5:9

¿Mi yu'un la mu'yuc ta jtsits ya'iic ti va'i s'elan taj une? ¿Mi yu'un ta xcol cu'un jun jteclum ti xc'ot o jech ta xich'e?

Jeremías 9:3

Yu'un chapalic ta ye ta sti'ic ti jutbil c'ope, jech c'u cha'al chapalic ta xach'el sni' syolobic ta yalcuale. Me'inem xa ma' ti jut c'op li' ta jteclume. Laj to sc'oplal ma' ti melel ta xalique. Soquel soquel sq'ueloj batel ma' ti bu stamojique. Xi ta xal stuc ti Diose: “Laj to sc'oplal ma' ti ta sc'an xiyojtiquinique.”

Jeremías 9:4

Laj to c'op ti ta xich'be ta muc' sc'op ma' ti buch'u lec xil sbaic xchi'uque, mi ja'uc ta xich'be ta muc' sc'op ti xchi'il ta voq'uele, yu'un naca jlo'lavanejetic ta j'ech'el ma' ti xchi'il ta voq'uele. Ta sa'ilanbe sba smulic ti buch'utic lec xil sbaic xchi'uque.

Jeremías 9:5

Laj sc'oplal ta yalel yu'unic ma' ti melele, jujunic ta slabanic ti yane, nopem xa'iic ta sjutel ti c'ope. Mu albajuc xchopolal ti c'usi ta spasique, mu'yuc xa c'usi xut sjel ti sjolilal yu'unique.

Miqueas 6:12

Ti jc'ulejetic ti li' ta jteclume, scotol naca j'ilbajinvanejetic, jlo'lavanejetic; naca jutc'opetic scotol ti jnaclejetic yu'une.