Jeremías 9:7 - Bible in Tzotzil de Chamula

⁷ Jech o xal ti vu'un Diosun ti scotol xu' cu'une, xi ta xcale: ¿Mi oy to la c'usi stac' ta jpas ta stojol ti jteclumal li' une, ja' xa xna'un xa'iic ta jtiq'uic ochel ta c'oc' yo' ta xtuq'uibique?

Bible in Tzotzil de Chenalhó with Deuterocanon

⁷ Ja' yu'un, jech chcal vu'un li Muc'ul Diosun, vu'un ti ta jpas ta mantal scotol te ta vinajele: A'yo ava'yic, ta xcunijesic quic ta c'oc', ta jq'uelbe quic c'u x'elan yo'ntonic. ¿C'usi yan xu' ta jpas ta stojolic li jteclumale?

Jeremías 9:7 Iomraidhean Croise

2 Samuel 13:26

Va'i un, ti Absalone xi laj yale: —Mi mu xu' avu'un xabate, ac'bun ave ati' un cha'e, Jcuch abtel, sbalin to xca'i ta xatacbun batel ti jbanquil Amnone. —¿C'usi oy ta avo'nton ta xavic' ava'i batel ti Amnone? —xi laj sjac' ti ajvalile.

2 Crónicas 36:15

Ti Ajvalile, Dios yu'un ti smolmuc'totic ta vo'nee, mu'yuc ono'ox spajeb ta xal talel bijubtasel ta sventa ti yaj'alc'optaque, yu'un oy syail xc'uxul yo'nton ta stojol ti steclumale, xchi'uc ti bu nacale.

Salmos 120:4

Ja' xa no'ox xna'un ti sjich'ilul sni' syolob ti j'ac'-letoetique. Ja' xa no'ox xna'un ti stilemal yac'alil ti sip te'e.

Salmos 55:22

Ac'bo sbain Dios ti xvulvun no'ox avo'ntone, yu'un staoj yav yicojot ti stuque; mu sq'uelojuc ta xyal ta lum ti buch'u ta xch'unbe ti sc'ope.

Salmos 62:5

C'ajomal no'ox ta stojol Dios ta jta ma' ti lajemuc co'ntone; ta stojol ta xlic talel ma' ti spatobil co'ntone.

Isaías 1:25

Ta ach' ta xlic jyales ti coc jc'ob ta scontrainelote, ta xchiq'uel ta j'ech'el ti ac'a'epale, ta smesel stusel loq'uel scotol ti achopolalique.

Isaías 48:10

Laj jch'ulot ta poquel. Mu jechuc laj jpasbot jech c'u cha'al ta xich' pasbel ti platae. Laj jq'uel c'u s'elan ta xanop yu'un ti avocol ti laj jtic'ot ochel ta jornoe.

Isaías 59:3

Yu'un ti avoc ac'obique, balal ta ch'ich'. Mu ch'anuc xi sni' ac'obic ta milvanej. Yeilaluc avu'unic ti jutbil c'ope. Yeilaluc avu'unic ti acvanej ta mulile.

Jeremías 31:20

“Steclumal ti Efraine, ja' jun jnich'on ta xca'i ti c'ux ta co'ntone, nich'onil ti jelavem xc'uxubinel cu'une. C'alal ta jajantae, mu ono'ox tenbaj ta xca'i, ta ono'ox jvul co'nton yu'un. Ta xca'i ti mu'yuc spajeb ti xc'uxul co'nton ta stojole. Ti vu'un Diosune, mu lo'iluc no'ox ta xcal.

Jeremías 5:1

Ti Diose xi ta xale: “Xaniic ti calleetic yu'un ti Jerusalene. Sa'ic ta jujujot ti bu xvolvun ti jnaclejetique. T'unic lec mi oy bu ta xataic junuc ti oy ta yo'nton ta spasel ti c'usi tuq'ue, ti mu yanuc ti sjol yo'ntone. Mi oy bu laj ataique, ta jch'aybe smul scolo' ti Jerusalene.

Jeremías 6:27

Ti Diose xi laj yalbune: “Ta jva'anot ta yalbel c'u s'elan ta xc'ot ta yo'nton avu'un ti jteclumale. Chajbo ya'i ta yalbel yo' ta xvinaj bu c'alal pajem xchi'uc ti stalelique.”

Oseas 4:1

Israeletic, a'yio ava'iic lec c'usi ta xal ti Diose. Yu'un ti stuque, ts'inil xa ta yo'nton ti ta sliques letoe, ta stsaquel ta c'op ti buch'utic li' nacalic ta muc' ta lume, Yu'un ti li'e, mu'yuc slequil stuq'uilic ti jnaclejetique, mi ja'uc xa oy yutsil slequil yo'ntonic, mi ja'uc ta staic ta na'el ti Diose.

Zacarías 13:9

Jech ti jvoc' ti cuxul to ta xcome ta jtiq'uic ya'iic ochel ta c'oc' yo' jech ta xich' lecubtasel jech c'u cha'al ta xich' lecubtasel ta c'oc' ti plata ti oroe. Jech ti stuquic une ta xlic vocoleticuc ta jtojol. Ti vu'un ec une ta jtac'beic ti sc'opique. Ta xcalbeic ya'iic ti ja' jteclumaltaque. Ti stuquic une xi ta staq'uique: ‘Ti Ajvalile ja' ti Dios cu'untique.’ Jech ta xc'ot ta pasel cu'un ti vu'un Diosune.”

Malaquías 3:3

Ti Diose ta xchotan sba ta spoquel stusel ti paleetic snitilultac ti Levie. Jech ta spas ta stojolic jech c'u cha'al ta xich' lecubtasel ta c'oc' ti platae xchi'uc ti oroe. Mi laj taj une, xu' xa ta xaq'uic ti matanal ta stojol ti Diose jech c'u cha'al sc'an ono'ox pasele.

1 Pedro 1:7

Ti jech c'otem ta avo'ntonic ta xch'unele, co'ol s'elan oro ti xi s'elan ta xc'ot ta atojolique: Tsots sc'oplal ta xich' q'uelel ta c'oc' yo' jech ta xvinaj ti c'u s'elane. Mi xcuch yu'un c'oc' ti c'u s'elan c'otem ta avo'ntonic ta xch'unele, jun yutsil, ja' mu sta sc'oplal ti oroe, yu'un sna' xlaj. C'alal jech ta xich' q'uelel ti c'u s'elan c'otem ta avo'ntonic ta xch'unele, xloc' venta, jun yutsil, ich'bil ta muc' ta xac'ot ti c'alal ta xvul ta loq'uel ti Jesucristoe.

1 Pedro 4:12

Ti jech c'uxoxuc ta co'ntone, Jchi'iltac, ma'uc ti toj ch'ayaluc xc'ot ach'ulelic yu'un ti c'alal ta xc'ot ta atojolic ti tsots lajeltsaele, ti mu'yuc bu jech xvinaj xc'ot ta pasele.