Jeremías 9:3 - Bible in Tzotzil de Chamula

³ Yu'un chapalic ta ye ta sti'ic ti jutbil c'ope, jech c'u cha'al chapalic ta xach'el sni' syolobic ta yalcuale. Me'inem xa ma' ti jut c'op li' ta jteclume. Laj to sc'oplal ma' ti melel ta xalique. Soquel soquel sq'ueloj batel ma' ti bu stamojique. Xi ta xal stuc ti Diose: “Laj to sc'oplal ma' ti ta sc'an xiyojtiquinique.”

Bible in Tzotzil de Chenalhó with Deuterocanon

³ Li yoq'uique puru epalc'op tsjip loq'uel jech chac c'u cha'al st'ilesubil flecha. Muc ja'uc laj yac'beic yipal spasel li c'usi melel li' ta cosilaltique; solel isoquic o ta j'ech'el. Ja' yu'un jech chal li Muc'ul Diose: “Solel mu sc'an xiyotquinicun o”, xi.

Jeremías 9:3 Iomraidhean Croise

Génesis 39:16

Laj taj une, bat q'uejbatuc sc'u' ti José yu'un ti antse. Ja' to laj yac' iluc c'alal c'ot ti ajvalile.

Proverbios 12:5

Vinic ti oy stuq'uilique, oy ta snopel ti c'usi tuq'ue, ja'uc ti buch'u mu'yuc xch'ulel xa'i sbaique, yabtelinojic ti lo'lavaneje.

Isaías 1:3

Ti vacaxe xojtiquin ti yajvale, ti burro xtoque sna' bu oy ac'bil yavil sve'eb yu'un ti yajvale. Ja'uc ti Israel ti ja' jteclumale, mi ja'uc xa xiyojtiquinicun, mi ja'uc xa'ibeic xchiquinal.”

Isaías 3:5

Mu stac' alel ma' ti c'usi ta xc'ot ta pasel ta lume, ta jujun ta xlic stsac sba ta c'op, manchuc mi lec xil sbaic. Ti jva'lej viniquetique ta xlic yilbeic svocol ti buch'utic ch'iem c'opojemic xae, mu'yuc xch'ulelic ta j'ech'el ta xlic yilbeic svocol ti buch'u oy stuq'uil sjol yo'ntonique.

Isaías 6:5

Xichi laj jnop une: “Mu xa ono'ox cha'bel un, ta xicham, yu'un laj xa quil ta jba ta jsat ti Ajvalil Dios ti scotol xu' yu'une, ti c'alal vinicun no'oxe, ti mu'yuc smelol ti c'usi ta xloc' ta que ta jti' ti li' jmoj nacalun xchi'uc ti jnaclejetic ti mu'yuc smelol ti c'usi ta xloc' ta ye ta sti'ique.”

Isaías 9:18

Ta x'ac'van ta vocol ti c'usi chopol ta xich' pasele, ti co'ol s'elan jech c'u cha'al junuc colemal c'oc' ti xjumet no'ox ta xchic' ti chucul ch'ixtique, ti jobeltique, ti naca xchic' no'ox batel ti te'tic ta ts'i'laltique, ti sts'otet no'ox xchi'uc sutub ic'al ti ch'ail ta xmuy batele.

Jeremías 12:6

Yu'un avinquileltac no'ox, junoxuc ta na xchi'uc, ta spay ac'oplal, xbic'tal c'opojic xa ta apat ta axocon ti sbiselot ta cotol chavale. Laj to c'op ma' ti xapat xa avo'nton ta stojol unbi, manchuc mi jun xa yutsil ti ye sti'ic ta xasc'oponique.

Jeremías 22:16

Laj stic' sba ta spojel ti c'usitic oy sc'oplal ta xtun yu'un ti buch'utic me'un mu'natetique, xchi'uc ti buch'utic ilbajinbilique, jech o xal lec c'ot ta loq'uel yu'un un. Taje, sbiinoj xiyojtiquinun, xi smelol. Ti vu'un Diosune, mu stselbuj ti jc'ope.

Jeremías 31:34

Yo' ta xlic yojtiquinicune, ma'uc xa ma' ti talel batel ta stojobtas sbaic ta jujun tal xchi'uc ti buch'u lec xil sbaique, xchi'uc ti yuts' yalal sbaique. Mu'yuc ta alel mi oy sbijilic mi mu'yuc sbijilic, scotolic ta xlic yojtiquinicun. J'ech'el ta jch'aybe ta co'nton ti xchopolalique. Mi ja'uc xa ta jvules ta jol ti smul scolo'ique. Ti vu'un Diosune, mu lo'iluc no'ox ta xcal.”

Jeremías 4:22

Xi ta xal ti Diose: “Ti jteclumale bolinebic ta j'ech'el, mu xiyojtiquinic. Alab nich'nabiletic ti mu'yuc xch'ulelique, ti mu sna'ic snopele, mi ja'uc spas yu'unic ti c'usi leque. C'ajomal ja' xojol xchi'uquic ta spasel ti c'usi chopole.”

Jeremías 5:4

Xichi laj jnop une: Ti buch'u mu sna'ic c'usi ta sc'an ti Diose, ti buch'u mu xa'ibeic smelol ti c'usi yaloj ta smantal ti Dios yu'unique, le'e, ja' no'ox ma' ti buch'utic xvanet no'ox yuni jolic ta x'ech' ti c'ac'al yu'unique.

Jeremías 5:5

Bat jol ta yalbel sc'oplal ti buch'utic chapalic lec ta yojtiquinele. Lec cac'tic une, mu'yuc macalic c'usi ta sc'an ti Diose, ti c'usi yaloj ta smantal ti Dios yu'unique. Scotolic le'e, c'otemic ta yajcontra ti Diose, ti laj svalopatinic comel ti c'usi yaloj une.

Jeremías 6:28

Cajval, scotolic toyobba xa'i sbaic, ja' jun jnaclejetic yanijem sjolic ti mu'yuc spajeb ti ye sti'ique. C'otemic jech c'u cha'al ti c'anal taq'uine, mi ja' ti tsatsal taq'uine.

Jeremías 7:26

Ti vo'oxuc une, mu'yuc xavich'beicun ta muc'. Mi ja'uc laj avac'beicun ta venta. C'ajomal laj apasic ti jelavem ti atoyobbailique, ti mu xava'ibeic ti xchiquinale, ja' jc'ol to mu sta ti atot ame'ic laj ech'icuc ta vo'nee.

Jeremías 9:5

Laj sc'oplal ta yalel yu'unic ma' ti melele, jujunic ta slabanic ti yane, nopem xa'iic ta sjutel ti c'ope. Mu albajuc xchopolal ti c'usi ta spasique, mu'yuc xa c'usi xut sjel ti sjolilal yu'unique.

Jeremías 9:8

Yu'un ti c'usi ta xloc' ta yeique, co'ol s'elan sni' yolob ti ta xmilvane. Yu'un ja' oyic ta yalel ti naca jutbil ti c'usi ta xalique. Jun xa yutsil ye sti'ic ta sc'oponic yilel ti buch'utic lec xil sbaic xchi'uque. C'u stu un, ja' no'ox yacal ta stiq'uic ochel ta pets'.

Ezequiel 8:13

Xi lic yalbun no'ox xtoque: “Ta to xavil yan ti c'usitic toj chopol ta q'uelel ti ta spasique.”

Daniel 11:27

Va'i un, ti chib ajvaliletique, ti c'ajomal oy ta yo'ntonic ti ta xilbajin sbaique, ta xlic chotiicuc ta mexa ta ve'el uch' vo', ti yo'nton sna'ic jujun ti ye sti'ic ta xlo'ilajique. Ja' no'ox un, mu'yuc ta xc'ot ta pasel yu'unic ti c'usi snopojique, yu'un ma'uc to yorail.

Levítico 19:11

“Mu xa'elc'ajic. Mu xajutic c'op. Mi ja'uc xalo'laan abaic.

Marcos 8:38

Mi oy buch'u ta xq'uexavic ta sventa lequil ach' c'op ta stojol ti jsa'muliletic ti yan sjol yo'ntonique, ja' jechun ti vu'un co'ol j'elantique, ta xiq'uexav ta stojolic c'alal ta xicha'sut talel xchi'uc yutsilal slequilal ti Jtote, xchi'uc ti ch'ul ánjeletique.

San Juan 17:3

Taje, ja' sc'oplal ti xcuxlejalic sbatel osil ti xi s'elane: Ti ac'o xayojtiquinic ti atuc no'ox Diosot ta melele, xchi'uc ti ac'o xiyojtiquinicun ti Jesucristoun ti laj atacun talele.

Hechos 24:9

—Jech, jech —xi laj yalic scotol ti israeletic ti va'alic ti bu taje.

Romanos 1:16

Mu xiq'uexav yu'un ta yalel ma' ti lequil ach' c'ope, yu'un ja' smuc'ul stsatsal Dios sventa yo' ta sta scolelic ti buch'u ta xc'ot ta yo'nton ta xch'unele, ti ba'yel oy sc'oplal ti israeletique, ti oy sc'oplal ec ti jyanlumetique.

Romanos 1:28

Ti jech mu sc'an sbic'tajes sbaique, ti mu'yuc c'usi bal o ta xa'iic ti Diose, ac'batic comel ta sbaic ta spasel ti c'usi mu stac' pasele.

Romanos 3:13

Co'ol s'elan jomol muquinal ti yeique. Naca jutbil ta xloc' ta yeic. Naca svenenoal jti'vanej chon xvajet no'ox ta xloc' ta yeic.

1 Corintios 15:34

Cha'tamic lec ti cuxlejale. Mu xasa' amulic. Oy jlom avu'unic mu xojtiquinic ti Diose. Ti jech ta xcalboxuc taje, yo' jech xaq'uexavic.

Filipenses 1:28

Mu xavac' abaic ta sibtasel yu'un ti avajcontraique. Ti jech mu xaxi'ic taje, ja' svinajeb ti ch'ayel ta xbat ti stuquique. Ja' jech xtoc ja' svinajeb ti ta xlic talel acoltaelic ta stojol ti Diose.

2 Timoteo 3:13

Ja'uc ti buch'u toj chopol xa'i sbaique, xchi'uc ti jlo'lavanejetique, yacalic ta soquel batel, yacalic ta xlo'lavan ti yalojique ti c'alal xi ta xich'ic lo'lael eque.

Judas 1:3

Ti jech c'uxoxuc ta co'ntone, Jchi'iltac, oy ox ta co'nton ta jts'ibaboxuc talel ta jvun sc'oplal ti coltael ti oy ta jtojoltique. Ja'uc avi tana li'e, oy c'usi yan tsots sc'oplal ta xca'i ta jts'ibaboxuc talel yo' ta jc'anboxuc vocol ta atojolic, ti ac'beic yipal ta xchabiel ti sc'op Dios ti lij'ac'bat comel ti vo'otic yu'unotic ti Diose.

Apocalipsis 12:11

Laj stsalic ti jchi'iltique, ta sventa xch'ich'el ti jcot ta Uni Chije, xchi'uc ti laj sva'an sbaic ta yalel ti xch'ul c'op yu'une. Mu'yuc laj xi'taic mi ta xac' o ti sjol sbaquilic xchi'uque, yu'un chapalic lec manchuc mi ta xchamic.

Jueces 14:17

Ti stuc une x'oc'olet o ta stojol sta ti vucub c'ac'al ti ja' jech sjalil ti q'uin ta x'ech'e. Laj slo'labe ti yo'nton ta j'ech'ele, ti c'ot ta pasel ti c'alal sta ti yucubal c'ac'ale, lic yalbe ya'i ta jamal ti c'usi ta xich' t'unbel ti smelole. Va'i un, ti stuque toj jelavel yu'un ti bat yalbe ya'i ti svinquileltaque.

Jueces 2:10

Chamic scotol xtoc ti israeletic ti buch'utic jmoj xanavic xchi'uc ti Josuee. Ja'uc ti buch'u jts'acal jch'iel jc'opojeletique, mi ja'uc xa ta staic ta na'el ti Diose. Mi ja'uc sna'beic sc'oplal ti yabtel ti laj stic' sba ta spojel ti israeletique.

1 Samuel 2:12

Ti xnich'nab ti Elie toj chopol ti stalelique. Mu ja'uc xaq'uic ta venta ti Diose.