Jeremías 9:2 - Bible in Tzotzil de Chamula

² Oc no'ox la ta alel oyucun ta sbajtical banomil yo' xu' ta xinaquie, yo' nom ta xquicta comel ti jlumale. Yu'un scotolic mu'yuc stuq'uil ti yo'ntonique. Scotolic naca j'ac'vanejetic ta milel.

Bible in Tzotzil de Chenalhó with Deuterocanon

² ¡Oyuc boch'o yac'bun cavil te ta xocol banamil, yu'un te chbat naquicun, yu'un jech xu' ta jvoc' jba batel ta stojol li jchi'iltaque! Yu'un scotolic puru jmulaviletic; yu'un puru chopol stalelic o.

Jeremías 9:2 Iomraidhean Croise

Isaías 59:3

Yu'un ti avoc ac'obique, balal ta ch'ich'. Mu ch'anuc xi sni' ac'obic ta milvanej. Yeilaluc avu'unic ti jutbil c'ope. Yeilaluc avu'unic ti acvanej ta mulile.

Jeremías 12:1

Dios, mi xivulvun no'ox liquel ta stac'belote, oy ono'ox stuq'uil ti c'u s'elan ta xavale. Manchuc mi jech un, oy jaybeluc ta jac'bot ca'i un. ¿C'u cha'al ya'yel lec no'ox oyic ti buch'u mu'yuc xch'ulel xa'i sbaique? ¿C'u cha'al jun yo'nton cuxulic ti jpayc'opetique?

Jeremías 12:6

Yu'un avinquileltac no'ox, junoxuc ta na xchi'uc, ta spay ac'oplal, xbic'tal c'opojic xa ta apat ta axocon ti sbiselot ta cotol chavale. Laj to c'op ma' ti xapat xa avo'nton ta stojol unbi, manchuc mi jun xa yutsil ti ye sti'ic ta xasc'oponique.

Jeremías 13:22

Mi ta xajac'be aba c'u cha'al jech ta xc'ot ta atojol taje, na'o xa no'ox ava'i un ti ja' ta scoj ti tsots ti amul ataoje. Jech o xal laj avich' t'ananel yu'un, laj ata ilbajinel yu'un.

Jeremías 23:10

Ti jteclume, naca mulil batem ta yo'ntonic. Ti jnaclejetique xbitetic no'ox ta spasel ti c'usi chopole, ti tsatsuneb xa'i sbaic ta ilbajinvaneje. Jech o xal ti Diose laj sbis ta cotol chaval ti banomile, taquij ti banomile. C'oxoxib ta j'ech'el ti yaxaltic ti oy ta sbajtical banomile.

Jeremías 4:22

Xi ta xal ti Diose: “Ti jteclumale bolinebic ta j'ech'el, mu xiyojtiquinic. Alab nich'nabiletic ti mu'yuc xch'ulelique, ti mu sna'ic snopele, mi ja'uc spas yu'unic ti c'usi leque. C'ajomal ja' xojol xchi'uquic ta spasel ti c'usi chopole.”

Jeremías 5:1

Ti Diose xi ta xale: “Xaniic ti calleetic yu'un ti Jerusalene. Sa'ic ta jujujot ti bu xvolvun ti jnaclejetique. T'unic lec mi oy bu ta xataic junuc ti oy ta yo'nton ta spasel ti c'usi tuq'ue, ti mu yanuc ti sjol yo'ntone. Mi oy bu laj ataique, ta jch'aybe smul scolo' ti Jerusalene.

Jeremías 5:11

Ti Israele xchi'uc ti Judae laj syanijes sjol yo'nton ta jtojol. Ti vu'un Diosune, mu stselbuj ti jc'ope.”

Jeremías 5:2

Oy buch'u ta xal ti nijil chimil ta yich'el ta muc' ti Diose, naca sba no'ox ye.”

Oseas 4:2

Yu'un ja' xa yac'oj smelol ta xa'iic ti ochem yipal yu'unic ti jbel xa xc'opojic yilel ti c'usi ta sva'an sbaic ta yalele, ti ja' xa xch'i o ta xa'iic ta sjutel ti c'ope, ti ta x'ac'vanic ta milele, ti ochem yipal yu'unic ti eleq'ue, ti mulivajele, ti mu'yuc xch'ulelic ta ilbajinvaneje, ti ja' xa sc'obinojic ti mu'yuc spajeb ta xmilvanique.

Oseas 5:7

Yu'un mu'yuc xa smelol stuq'uilic ta stojol ti Diose. Yu'un oy xa yan stotic ti yalab xnich'nabique. Ta scoj ti jech mu'yuc smelol stuq'uilique, ta jun no'ox u, ch'abal c'usi ta xcom xchi'uc ti yosil sbanomilique.

Oseas 6:7

“C'u stu un, jteclumal, yu'un lac'otic jech c'u cha'al laj spas ti Adane, ti mu'yuc xc'ot ta ch'unel yu'un ti jtratee, yu'un yanij sjol yo'nton ta jtojol.

Oseas 7:4

Scotolic jmulivajeletic, co'ol s'elanic sc'ac'ubelic jech c'u cha'al ti jorno ti tsanbil lec sc'ac'al yo' ta scaybe si'il ti jq'uel-jornoe, ti ja' no'ox ta smala sit'uc lec ti vots'bil harinae.

Miqueas 6:12

Ti jc'ulejetic ti li' ta jteclume, scotol naca j'ilbajinvanejetic, jlo'lavanejetic; naca jutc'opetic scotol ti jnaclejetic yu'une.

Sofonías 3:4

Ti j'alc'opetic yu'unique mu xa'i sbaic ta j'ech'el, j'ac'vanejetic ta vocol. Jech ti paleetic yu'unique laj xa soquesbeic sc'oplal ti ch'ulnae; laj sju'ic ta teq'uel ti oy c'usi jbel tsots albil yu'un ti Diose.

Malaquías 2:11

Ti Judae, yan sjol yo'nton ta stojol ti Diose. Spajebal xa no'ox ti c'usitic chopol ta spas ta Jerusalene, ti ta Israele. Ti Judae laj xa sju'be ta teq'uel yutsilal ti ch'ulna ti stuc'ulanoj lec ti Diose. Ti viniquetic ta jteclum Judae laj xa yajnilanic antsetic ti xrioxinojic ti va'anbil diosetique.

Malaquías 2:14

“¿C'u cha'al le' une?” xachi ta xajaq'uique. Ti Diose ja' rextico c'otem ti laj xa asutes ave ti c'usi laj aval ta stojol ti ants ti buch'u laj avic' ta aqueremale, yu'un ja' c'ot ta achi'il. Jech ti vo'ote laj aval ta stojol ti tuc' ajol avo'nton ta stojole.

Santiago 4:4

Mu'yuc atuq'uilic ta j'ech'el jnaclejetic ta banomil. ¿Mi mu xana'ic ya'yel ti buch'u c'upil ta xa'i ti sba banomile, ta xc'ot ta yajcontra Dios? Buch'uuc no'ox ti ta sc'upijel yo'nton ta st'uj ti sba banomile, ta xjoybij ta yajcontra Dios.

Jueces 2:10

Chamic scotol xtoc ti israeletic ti buch'utic jmoj xanavic xchi'uc ti Josuee. Ja'uc ti buch'u jts'acal jch'iel jc'opojeletique, mi ja'uc xa ta staic ta na'el ti Diose. Mi ja'uc sna'beic sc'oplal ti yabtel ti laj stic' sba ta spojel ti israeletique.