Jeremías 9:16 - Bible in Tzotzil de Chamula

¹⁶ Yu'un ta xa jtaniic batel ta yan muc'tiquil lumetic ti mu ja'uc xojtiquinique, ti mu ja'uc laj yojtiquinic ti stot sme'ique. Yu'un tsacbil yespadailic ti nutsbil ta xloq'uique, ja' to ti c'uxi mi junuc xa ta xcome.”

Bible in Tzotzil de Chenalhó with Deuterocanon

¹⁶ Ta jpuquic batel ta yantic banamil ti mu xotquinique, ti muc ono'ox xotquinic ec li stot sme'ique. Ta xcac' lajicuc ta milel ta espada, ja' to me mu xa junuc cuxul icomique”, xi li Diose.

Jeremías 9:16 Iomraidhean Croise

Nehemías 1:8

Ta jt'ambot ava'i ti jech ono'ox laj acaj'albe ya'iique, ti ta xataniuncutic batel ta sbejel banomil mi ta jsa' ti jmulcutique.

Salmos 106:27

ti ta xchamic ti snitilultaque, ti tan puc ta xbatic yu'un ta yan muc'tiquil lum ti yan yajvalique.

Eclesiastés 12:5

Ti buch'u xcajet batel ti c'ac'al ta xa'ie, oy xi'el ta xa'i, buyuc no'ox oy xi'el ta be. Sac batan no'ox liquel ta nich ma' ti almendro te' une. volol no'ox ma' ti c'ulubetic ta sbae; mu'yuc c'usi xtun o ma' ti alcaparra te'e. Ti vinic une, sbatel osil xbat sta sna, xvinaj to ta be ta xich' oq'uitael ti jech chame.

Jeremías 13:24

Jech o xal un, ta jvajoxuc ta taniel ech'el jech c'u cha'al ti yacan trigoe, ti cuchbil ta xbat ta ic' ti ta xlic talel ta sbajtical banomile.

Jeremías 24:10

Ta banomil ti bu laj cac'beique, ti cac'ojbeic no'ox ti stot sme'ic ta vo'nee, ta xcac' taluc ti letoe, ti vi'nale, ti chamele, ja' to ti c'uxi mu junuc ta xcomic ta muc' ta lume.”

Jeremías 25:27

Xi lic yalbun ti Dios une: “Albo ya'iic, ti Ajvalilun ti xu' cu'un scotole, Diosun yu'un ti Israele, ta xcalbeic ya'iic ti yuch'icuque, ja' to ti c'uxi xyacubique, ti xenicuc xchi'uquique, ti j'ech'el yalicuc ta lum xchi'uc ti mu xa stam sbaic liquel ta scoj ti leto ta jtac talel ta stojolique.

Jeremías 29:17

‘Ti Ajvalilun ti scotol xu' cu'une, xichi ta xcale: Ta jtacbeic talel leto, vi'nal xchi'uc chamel ta stojolic. Ta staic cu'un jech c'u cha'al junuc c'a'emal icux toj chopol ta j'ech'el ti mu stac' lo'ele.

Jeremías 44:27

Nom ta xc'ot ti lequilale. C'ajomal cac'oj talel jsat ta staquel talel ti cuxul j'ilbajinvanej vocol ta stojolique. Scotol ti c'u yepal oyic ta Egipto ti ja' slumalic ti Judae, yu'un jbel sc'oplal ta xac' sjol sbaquilic ta xlajic ta leto, mi ta vi'nal.

Jeremías 7:29

Jteclum Jerusalén, loq'uic ti stsotsil ajole, jipo batel xtoc. Chapano aba ta sq'uejintael me'inal q'uejimol ta sts'ijlajan vitstic. yu'un ti Diose ilinem xa xchi'uc ti avinquileltaque, laj xa sten, laj xa sjip comel ta yo'nton.

Jeremías 8:19

Xvinaj ta sjunul lum ti xi x'avlajetic ti jteclumale: “¿Mi mu'yuc xa li' oy ta jteclum Sión ti Diose? ¿Mi ch'abal xa ti ajvalil yu'une?” Ti Dios une xi ta staq'ue: “¿C'u cha'al laj asoquesbeicun co'nton ta scoj lic anijan achiman abaic ta yich'el ta muc' ti loc'obbailetique, diosetic ti mu'yuc c'usi xu' yu'une, ti yan o ta j'ech'ele?”

Ezequiel 11:17

“Albo ya'i xtoc: ‘Xi ta xal ti Dios jech c'u cha'al li'e: Vu'un ta xquic' talel ta muc'tiquil lum ti bu tan puc batic cu'une. Yu'un ta jtsobic talel yo' ta xcac'beic ti lum Israele.

Ezequiel 12:15

“C'alal mi tanijic xa batel cu'un ta yan muc'tiquil lumetique, ja' to ta xlic sna'ic ti vu'un Ajvalilune.

Ezequiel 14:17

“Mi ta jc'an ta xcac' taluc leto ta stojol ti muc' ta lum taje, mi ta xcal mantal ti ac'o chamuc ti jnaclejetique xchi'uc ti chon bolometique,

Ezequiel 20:23

Ta sbajtical banomil une, laj jva'an jba ta yalbel ya'iic ti ta jtaniic batel ta muc'tiquil lum ti oy ta sbejel banomile.

Ezequiel 27:2

“Yojtot, laetan liquel ta q'uejimol ta sventa lajel jtubel

Ezequiel 5:12

Ti jch'ac ta oxch'ac ti jnaclejetic avu'une, ta xchamic ta tsots chamel, xchi'uc ta vi'nal ti nabal ta stojole. Ti jch'aque ta xlajic ta milel yu'un ti yajcontraic ti joyol no'ox ta spat ta xoconique. Ti jch'aque, tan puc ta xbat cu'un ta xchanjotal banomil. Jye'oj ti quespada tijil ta xibat ta spatique.

Ezequiel 5:2

C'alal mi tsuts ta stsaquel ta leto ti jteclume, chic'o ta o'lol jteclum jch'acuc ti stsotsil ajole. Tamo junuc cuchilu un, bojo jbosuc ti oxch'ac stsotsil ajolale. Tanio ta sjoyobal ti jteclume. Ti c'u yepal come, vileso ta taniel batel ta ic'. Jye'oj ma' ti quespada tijil ta xital ta spat ti jnaclejetic oy ta jteclume.

Levítico 26:33

Ja'uc ti vo'oxuque, ta xajtanioxuc batel ta muc'tiquil lumetic. Tuchbil ye'bil ti avespadailic ta xajnutsoxuc batel. Jech ti muc' ta lum avu'unique, ta xjoybij ta sbajtical banomil. Ti bic'tal lumetic yu'une, toj xi'bal sba ti c'u s'elan ti c'ajomal no'ox stuc xch'uch'ulil busul ta xcome.

Amós 5:16

Xi ta xal ti Ajvalil Dios ti scotol xu' yu'une: “Ta scotol ti amaq'uetique, ta scotol ti beetique, x'avlajet no'ox liquel ta oq'uel ti jech mu xnel x'ech' ta xa'i ti svocolique. Ta xiq'uic talel ti buch'utic oyic ta osiltic ti jmojuc ac'o xchi'in sbaic ta at-o'ntone. Jech ti buch'utic ja' yabtelinojic ti oq'uele, ac'o oq'uicuc yu'un ti me'inale.

Miqueas 2:4

Ti jech c'ac'al taje, ta xaq'uejintabatic me'inal q'uejimoletic ti xi ta xa'albatique: ‘Bal to xca'itic pisil une, ti ta j'ech'el lijtubotique. Ti jteclumaltic yu'un ti Diose, mu ja'uc xa laj stic' sba ti Dios ti c'alal och yan yajvale. Jech laj yich' ch'aquel ti cosil jbanomiltic yu'un ti jpoj-osiletique.’ ”

Zacarías 7:14

Ja' yu'un un, co'ol j'elan junuc sutub ic', tan puc laj jtaniic batel ti ta muc'tiquil lum ti mu ja'uc jutebuc xojtiquinique. Sts'ijlajan xa com, joybijem xa ta sbajtical banomil com ta spatic ti slumalic ti c'alal loq'uic batele, ti c'ot ta pasel ti mu'yuc xa xnaqui teye. ¡Ja' ta scoj stuquic ti jeche' xa xme'inaj com yu'unic ti c'upil sba jteclum to oxe!”

Deuteronomio 28:25

ti net'bil lubtsanbil ta xac'ot yu'un ti avajcontraique. Manchuc mi lec nopbil avu'un ti xavolet batel ta tsaquel ta letoe, ja'uc le' une, j'ech'el ti tan puc ta xajatavic ech'el yu'unique, ti j'ac'vanejot ta xi'el ta xac'ot ta xayilic ti jbainvanejetic ta banomile.

Deuteronomio 28:36

“Yu'un ti Diose ta stenot ech'el xchi'uc ti ajvalil avu'une, ta yan muc' ta lum ti mu ja'uc jutebuc xavojtiquine, mi ja'uc laj yojtiquinic ti atot ame'ique. Ti bu taje, ta xlic anijan achiman abaic ta yich'el ta muc' ti diosetic ti meltsanbil ta te'e, ti meltsanbil ta tone.

Deuteronomio 28:64

Yu'un ti Diose, tan puc ta xabat yu'un ta jujun muc'tiquil lumetic ta jujujot to xocon ti banomile, ti ta xlic anijan achiman abaic ta yich'el ta muc' ti yan diosetic ti meltsanbil ta te'e, ti meltsanbil ta ton ti bu taje, ti mu ja'uc jutebuc laj avojtiquine, ti mu ja'uc laj yojtiquinic ti amolmuc'totic ti laj ech'icuc ta vo'nee.

Deuteronomio 32:26

‘Yu'un c'ot xa ox ta jnopel cu'un ti tan puc ta xbatique, ti ta jch'aybeic sc'oplal ta banomil ti mu ja'uc xa svulesatic ta o'ntonale.

Deuteronomio 4:27

Yu'un tan puc ta xabatic yu'un ti Dios ta muc'tiquil lume. Yu'un c'ajomal xa no'ox jun chiboxuc ti cuxul ta xacomique.

Santiago 1:1

Vu'un Santiago, yaj'abtelun ti Diose xchi'uc ti Cajvaltic Jesucristoe. Chabanucoxuc, vo'oxuc ti lajcha'chop snitiluloxuc Israele, ti tanijemoxuc ta sjunlej banomile.