Jeremías 9:13 - Bible in Tzotzil de Chamula

¹³ Xi laj stac' ti Diose: “Ti jech c'ot ta pasel scotol taje, ti chanubtasel laj cac'beic ti israeletique, c'ajomal no'ox laj svalopatinbeicun comel. Mi jutebuc laj yac' yo'ntonic ta spasel ti c'usi ta xale.

Bible in Tzotzil de Chenalhó with Deuterocanon

¹³ Jech chal li Muc'ul Diose: “Yu'un muc xich'ic ta muc' li jmantaltac laj cac'beique; muc xch'unic li c'usi laj cale, muc ja'uc la spasic batel.

Jeremías 9:13 Iomraidhean Croise

2 Crónicas 7:19

Ja'uc le' une, mi vo'oxuc ta xlic ach'ac abaic ta jtojole, mi mu xc'ot ta pasel avu'unic ti jbel c'usi tsots albil sc'oplale, xchi'uc ti mantaletic ti laj cac'boxuque, ti ja' no'ox ta xlic abic'tajes abaic ta yich'el ta muc' ti yan diosetique,

Esdras 9:10

“Tana une, Ch'ul Dios, ¿c'usi xa xu' ta xcalcutic ta atojol ti c'alal c'ot xa ta pasel cu'uncutic scotol ti c'usi mu lecuque? Yu'un mu'yuc xc'ot ta pasel cu'uncutic ti amantaltaque,

Salmos 119:53

Ti buch'utic chon xa'i sbaic ta banomile, svalopatinojic comel ti chanubtasel avu'une, mu albajuc ta xiyac'beicun ti sc'ac'al co'ntone.

Proverbios 28:4

Ti buch'u mu xc'ot ta pasel yu'un ti oy jbel c'usi tsots albile, ta xich' ta muc' ti buch'u mu'yuc xch'ulel xa'i sbae; ti buch'u ta xc'ot ta pasel yu'un ti oy c'usi jbel tsots albile, ta x'ich'e ta contra yu'un.

Jeremías 13:10

Ti jteclum ti mu'yuc xch'ulel xa'i sba le'e, ta svalopatinic ta xch'unel ti c'u s'elan ta xcalbeique. Pucujineb ta spasel c'usi xal ti yo'ntonique. Bat xa snaban sbaic ta sts'acliel yan diosetic, ta yaq'uel sbaic ta tunel ta yich'el ta muc' un. Mu xa xtunic xa un jech c'u cha'al ti chuquil ti mu xtune.

Jeremías 22:9

Xi ta stac'be sbaic une: ‘Yu'un mu'yuc la laj yaq'uic ta venta strate ti Ajvalil Dios yu'unic ti laj spas ta stojolique, yu'un lic la snijan xchiman sbaic ta yich'el ta muc' ti yan diosetique.’ ”

Jeremías 5:19

C'alal xi ta xasjac'beique: ‘¿C'u cha'al ti vi s'elan laj spasbuncutic scotol ti Ajvalil Dios cu'uncutique?’ xi xatac'bee: ‘Ti jech laj xa avalopatinic comel ti Dios ta scoj ti lic avich'ic ta muc' ta avosilal atuquic ti jyanlum diosetique, ja' no'ox jech ta xc'ot ta atojolic ec un, ti ta xavac' abaic ta tunel yu'un ti namal jyanlumetic ti mu xavojtiquinic jutebuque.’

Jeremías 7:26

Ti vo'oxuc une, mu'yuc xavich'beicun ta muc'. Mi ja'uc laj avac'beicun ta venta. C'ajomal laj apasic ti jelavem ti atoyobbailique, ti mu xava'ibeic ti xchiquinale, ja' jc'ol to mu sta ti atot ame'ic laj ech'icuc ta vo'nee.