Jeremías 9:11 - Bible in Tzotzil de Chamula

¹¹ “Yu'un ta joybin ta jun busul ton ti Jerusalene, yu'un ta xc'ot ta xch'en oq'uiletic. Ta joybin ta sts'ijlajan banomil ti jteclumetic yu'un ti Judae, mi junuc jnaclej ta xcom.”

Bible in Tzotzil de Chenalhó with Deuterocanon

¹¹ “Ta jc'atajes ta jbus no'ox ton li lum Jerusalene; yavil oq'uiletic ta xc'ot. Li lumetic ta Judae ta jc'atajes ta xocol banamil, mu'yuc xa boch'o te nacal chcom”, xi li Diose.

Jeremías 9:11 Iomraidhean Croise

Nehemías 4:2

Xi lic yalilan ta stojol ti xchi'iltac ta abtele, xchi'uc ta stojol ti soldadoetic yu'un ti Samariae: “¿C'u xa ya'yel ta xa'iic ti jlajel ta vi'nal judaetic le'e? ¿Mi yu'un xac'toicuc ch'an x'utatic ta yaq'uel ti milbil matanal yan veltae? ¿Mi xac'toicuc la ta stsuts yu'unic ta jun c'ac'al ti abtel le'e? ¿Mi yu'un xac'toicuc la ta ach' tonetic ta staic loq'uel ti busul slilijemal tonetic ti laj yich' chiq'uele?”

Salmos 107:43

Ti buch'u oy sbijil xa'i sbae, bejeluc ta yo'nton ti va'i s'elan taje, ya'iuc lec syail xc'uxul yo'nton ti Dios une.

Salmos 44:19

Le' une, laj xa avac'uncutic ta tsalel ti bu xa spajebal o ti vocole. Ic'uneb ta j'ech'el ti osil banomil ta jtojolcutique.

Salmos 79:1

Ch'ul Dios, laj xa yu'ninic avosil abanomil ti buch'utic yan yajvalique. Laj xa soquesbeic sc'oplal ti ach'ulnae; laj xa sjinesic ti Jerusalene.

Isaías 13:22

Ta xc'ot ta svuetel jchop o ta oq'uil ti muc' ta naetic yu'unique. Ti c'upil sba yut naetic yu'unic to oxe, naca oq'uil xlamet. Jutuc xa sc'an xc'ot yorail ta tsutsel ti lum Babiloniae. Mu xa jaluc c'ac'al sc'an.”

Isaías 25:2

Naca xa ton lamal com avu'un ta jteclumetique, ti lilij ta j'ech'el avu'un ti spimil mocale. Lilij ta j'ech'el avu'un ti na bu chotajtic ta spasic mantal ti avajcontrae, ti mu ja'uc xa ta xlic xcha'va'anique.

Isaías 34:13

Ch'ixtic liquel ti chapanobbail naetic yu'unique. Yavil muc'tic laetic tomal ch'ixtic liquel ti nac'obbailetic yu'unique. Ta xc'ot ta yavilal oq'uiletic, ta snac'obbail j'anilajel-mutetic.

Isaías 44:26

Ja'uc ti c'usi ta xloc' ta yeic ti cajtuneltaque, ta xc'ot ta pasel cu'un, ti lecuc c'otuc ta loq'uel yu'unic ti cajtacbolaltaque. Ta jamal ta xcal ti ayanuc jnaclejetic ta Jerusalene, ti ta xlic yich' cha'va'anel ta ach' slumal ti Judae. Ta xc'ot ta pasel cu'un ti ta xlic yich' va'anel ta ach' ti lilijem xae.

Jeremías 1:15

Scotol ti jpas-mantaletic ti oyic ta yolon ti yolon xocon sloq'ueb c'ac'ale, ta jbel sc'oplal ti vu'un Diosune ta jtijbe talel sjol ti ajvaliletic yu'unique, ta xtal sjoy sbaic ta pas-mantal ta spat xocon scotol smocal ti ochebal yu'un ti Jerusalene, xchi'uc ta scotol ti jteclumetic yu'un ti Judae.

Jeremías 10:22

A'yio ava'iic, vul ta loq'uel jbel ti c'ope. Ti yajval muc' ta lum ti oy ta yolon ti yac'ol xocon sloq'ueb c'ac'ale, xvolet no'ox talel ta slilinel ti jteclumetic yu'un ti Judae, ti sic cotan ta xcom ti jteclumetic yu'une, ti naca oq'uiletic xc'ulet liquel teye.

Jeremías 16:10

“C'alal ta xavalbeic ya'iic ti jteclum ti va'i s'elan ti c'op taje, xi s'elan ta xlic sjaq'uique: ‘¿C'u cha'al ya'yel loc' ta nopel yu'un Dios ti mu no'ox albajuc ti vocol lamal vul ta jtojoltic yu'une? ¿C'usi chopol laj jpastic? ¿C'usi mulil laj jpastic ta stojol ti Ajvalil Dios cu'untique?’

Jeremías 25:11

Scotol ti jteclum li'e, ta xc'ot ta pasel cu'un ti stuc slilijemal busul ta xcome. Ti muc' ta lum li'e, ta xc'ot ta pasel ti lajuneb xchanvinic (70) jabil pasbilic ta mantal yu'un ti ajvalil ta Babiloniae.

Jeremías 25:18

Laj cac'be yuch'ic ec ti Jerusalene, xchi'uc ti jteclumetic yu'un ti Judae, jmoj xchi'uc ti ajvaliletic yu'une, ti banquilaletic yu'une, yo' jech ta xc'ot ta lilijel ti stuc sbusulil ta xcom ti mu albajuc xi'elal ta xaq'ue, ti bisbil ta cotol chaval ta xc'otic ec ti buch'utic jech to stamojic tana le'e.

Jeremías 26:18

“C'alal yorail ochem ta ajvalilal yu'un jteclum Judá ti Ezequiase, ti Miqueas ti liquem talel ta Moresete, xi c'opoj ta sventa Dios ta stojol scotol ti jteclum yu'un ti Judae: ‘Ti Ajvalil ti scotol xu' yu'une xi ta xale: Ti jteclum Sione ta xjoybij ta jun locbil banomil. Ta xc'ot ta pasel un ti stuc xa xch'uch'ulil busul ta xcom ti Jerusalene. Ti stselej vits yu'un ti ch'ulnae, ta xnoj ta pimilal abnaltic.’

Jeremías 26:9

¿Mi stac' no'ox alel ta xava'i ta yac'bel sbainel Dios ti ta xaval ti oy c'usi q'uelel ta stojol ti ch'ulna li'e, jech c'u cha'al c'ot ta stojol ti ch'ulna ta Siloe, ti lilijem ta xcom ti jteclume, ti mu junuc ta xcom ti jnaclejetic yu'une?” Ta jech yepal un, scotol ti jteclum ti oyic ta ch'ulnae, snet'-net' xa sba liquel vol xutic ti Jeremiase.

Jeremías 34:22

Ta xcalbe mantal ti suticuc talel ta scontrainel ti jteclum li'e, ti svoluc sbaic ta stojole, ti yu'ninicuque, xchi'uc ti stsanbeicuc ti sc'ac'ale. Ta xc'ot ta pasel cu'un ti sts'ijlajan ta xcom ti jteclumetic yu'un ti Judae, ti mu ja'uc xa junuc ti jnaclejetic ta xcom yu'une. Ti vu'un Ajvalilune, mu me lo'iluc no'ox ta xcal.”

Jeremías 4:27

Yu'un xi ta xal ti Diose: “Ta xjoybij ta sbajtical banomil scotol ti banomile, ja' no'ox ti mu'yuc ta jtsutsesic ta j'ech'ele.

Jeremías 44:2

“Ti Ajvalilun ti scotol xu' cu'une, Diosun yu'un ti Israele, xichi ta xcal une: ‘Laj xa avilic ta aba ta asatic ti cuxul j'ilbajinvanej vocol lamal c'ot ta sbaic ti jnaclejetic ta Jerusalene, xchi'uc ta jteclum ti oy ta yosilal Judae. Stuc xa slilijemal busul tana le' une.

Jeremías 49:33

Ti jteclum Hazore, j'ech'el sts'ijlajan ta xcom. Ta xlic pasuc ta snail jti'oval oq'uiletic. Mi ja'uc xa oy buch'u ta xlic naquiicuc un. Laj c'op ti oy buch'u ta x'ech' xanie.”

Jeremías 50:3

Yu'un jun muc' ta lum xvolet talel ta stsaquel ta leto ti ta xlic talel ta yolon ti yolon xocon sloq'ueb c'ac'ale. Stuc sts'ijlajan ta xictaic comel ti muc' ta lume. J'ech'el mu'yuc buch'u xnaqui liquel un, mi ja'uc ti chon bolometic eque. Scotol ta stambeic loq'uel jatobal ma' ti bu taje.”

Jeremías 51:37

Ta xc'ot ta pasel cu'un ti c'ajomal stuc xch'uch'ulil busul ta xcome. Ta xnaquiic liquel ti jti'oval chonetique. Mu xa stac' ti oy buch'u xu' ta xlic naquiicuc teye. Scotol ta xc'ot ta pasel ta stojol, c'ajomal xa no'ox ta xbat xch'ulelic ta xi'el yu'un.

Jeremías 8:22

¿Mi oy to la c'usi stac' pasel ta jteclum Galaade? ¿Mi mu'yuc oy buch'u xu' ta xpoxtavan? ¿C'u cha'al mu staic poxtael ti jteclumale?

Lamentaciones 1:4

Sts'ijlajan ta j'ech'el sbelel ti Sione, mi junuc xa oy buch'u ta xtal ta q'uin. Sti'tac ti jteclume, sts'ijlajan ta j'ech'el, x'oq'uic xa ti paleetique, mu x'ech' svocol ta xa'i ti jva'lej tsebetique. Stuc xa no'ox jech svocol ta xa'i ti Jerusalene.

Lamentaciones 2:2

Ti Diose, mi junuc va'al laj yicta comel ti naetic yu'un ti Jacobe. Ta jliquel no'ox lilijem com yu'un ta sc'ac'al yo'nton ti c'upil sba nac'obbailetic yu'un ti Judae. J'ech'el bat ta yoc ti ajvalile, ti jpas-mantaletic yu'une, q'uexlalic c'ot yu'un.

Lamentaciones 3:47

Ti lamal vul ta jtojolcutique, naca jsibtaselcutic, jpets'alcutic, jtsutseselcutic, jipelcutic ta lum.

Levítico 26:32

“Ta jsoques ta lilinel ta j'ech'el ti ateclumalique. Jech ti avajcontraic ti ta xtal nacliicuque, toj ch'ayal ta xc'ot yo'ntonic xchi'uquic.

Miqueas 1:6

Ja' yu'un un, xi ta xal ti Diose: “Ja' ta jpas ti stuc xa no'ox xch'uch'ulil busul ta xcom ti jteclum Samariae. Ta xc'ot ta jun jamal osiltic ti bu ta xlic yich' ts'unel ti uvae, ti ta jtani batel ta stenlejal stanaltac ti jteclume, ti c'ajomal xa no'ox xvinaj ta xcom ti sliquebal yoque.

Miqueas 3:12

Ja'uc tana le' une, ta acojic ta xjoybij ta jun yavil locbilal osil ti Jerusalén ti ja' jun ch'ul jteclum ti oy ta vits Sione, ti stuc xa no'ox xch'uch'ulil busul ta xcome. Ta xlic ch'iuc momoletic ta ch'ul vits yu'un ti ch'ulnae.

Miqueas 6:16

Avac'ojbe yipal ta xch'unel ta spasel ti c'u s'elan liquem yu'un ti Omrie, xchi'uc ti c'u s'elan liquem yu'un snitilultac ti Acabe. Jech laj apas ec jech c'u cha'al laj spasique. Jech o xal un, ja' ta jpas ta atojol, ta stojol ti ateclumale, ti c'usi toj ech'em chopol ta j'ech'ele. Ti labanel ta j'ech'ele, ti xq'uexlalil yapunal ti jteclumale, ja' cajal ta xc'ot ta abaic.”

Deuteronomio 29:23

Ti ta scotol ti muc' ta lume, c'ajomal no'ox ta xilic ti azufree, ti ats'ame, ti c'aq'uem ti banomile. Mu'yuc c'usi stac' ts'unel ta banomil taje. Ta j'ech'el mu'yuc c'usi xch'i mi ja'uc jtec'uc momol jech c'u cha'al c'ot ta pasel ti c'alal lilij ti jteclum Sodomae, ti Gomorrae, ti Admae, xchi'uc ti Zeboime, ti ta sc'ac'al soquemal yo'nton ti Diose laj stubbe ti sc'oplale.

Apocalipsis 18:2

Xi tsots x'avet ta xale: “Tsale xa, yal xa ta lum ti muc' ta lum Babiloniae. Joybij xa ta snail pucujetic, ta snail ep ta tos xch'ulel bol pucujetic, ta xluchleb ep ta tos j'ac'-ib-o'nton mutetic, ta snail ep ta tos co'lal jti'oval chonetic.