Jeremías 9:1 - Bible in Tzotzil de Chamula

¹ Ti jechuc la s'elan ti co'oluc s'elan sat vo' xtuctun ta xloc' ti ya'lel jsate, c'ac'al ac'ubal unbi ta xi'oc' ta scoj ti animaetic yu'un ti jteclumale.

Bible in Tzotzil de Chenalhó with Deuterocanon

¹ ¡Oyuc c'uxi xc'ataj ta chupleb vo' li jole; oyuc c'uxi xc'ataj ta loq'ueb vo' li jsate, yu'un jech xu' chcoc'ta ta c'ac'al ta ac'ubal li anima jchi'iltaque!

Jeremías 9:1 Iomraidhean Croise

Salmos 119:136

Mu'yuc spajeb ti xmalmun ta xbein ti ya'lel jsate, ta scoj ti mu'yuc ich'bil ta muc' ti chanubtasel avu'une.

Salmos 42:3

C'ac'al ac'ubal, c'otem ta jve'el ma' ti oq'uel avanele, ti xi ta xisjac'beicun scotol c'ac'ale: “¿Bu oy ti Dios avu'une?”

Salmos 55:7

Xivilet no'ox batel ta nom; ta xinaqui ta sbajtical banomil un.

Isaías 16:9

Jech o xal ta xi'oc' yu'un sts'unubal uva ti Sibmae jech c'u cha'al sts'unubal uva ti Jazere. Ta jmal ya'lel jsat yu'un ti Hesbone, ti Elalee, ti bu votajtic ti sate, ti bu ta xich' tsobele, x'avlajet no'ox liquel ti j'ac'-letoetic ti bu taje.

Isaías 22:4

Jech o xal xichi laj cale: Q'uejo aba loq'uel ta jtojol, yu'un ta jc'an ta jmil jba ca'i ta oq'uel. Mi ja'uc jc'an patbel co'nton yu'un ti c'usi chopol ta xc'ot ta jteclumale.

Jeremías 13:17

Ti mi mu xavaq'uic ta venta une, ta xi'oc' ta nac'al ta scoj ti atoyobbailique. Xmal xa liquel ti ya'lel jsat une, ta scoj ti chucbil ta xbatic xchijtac ti Dios une.

Jeremías 14:17

“Xi xcholet xavalbe ya'i ti jteclumale: ‘C'ac'al ac'ubal xmalmun ma' ti ya'lel jsat une, ta scoj ti q'uelel xa talel svocol ti jlumale, ti spajeb xa no'ox yipal ti svocol ta stae.

Jeremías 3:10

Ti jech laj xa spas scotol ti va'i s'elan taje, mi ja'uc xa ta sjunul yo'nton sut talel ta jtojol ti jchuvaj jol jteclum Judae. Yu'un c'ajomal no'ox laj slo'laun. Ti vu'un Diosune, mu lo'iluc no'ox ta xcal.”

Jeremías 4:19

Xibalet no'ox yu'un ti xc'uxul ta xca'ie. Xpujpun xa co'nton yu'un ti mu albajuc ti vocole. Mu xits'iji ta j'ech'el, xtal xbat xa ti co'nton yu'une. Laj ca'i yech'omal ti oq'uese, ti naca sliquesel leto x'avlajetic ta yalele.

Jeremías 5:7

Ti Diose xi ta xale: “¿C'u ono'ox la xachi ta jch'aybot amul yu'un scotol le'e? Laj xa svalopatinun comel ti anich'nabe, ti utsuc xa sva'anic ta rextico ti diosetic ti ma'uc diosetique. Busul no'ox ti sve'el laj cac'beique. Ti stuquic une, yan ti sjol yo'ntonic ta jtojole, ti xvoletic no'ox ta yaq'uel sbaic ta stojol ti ants ti sna' sbolomalin sbae.

Jeremías 6:26

Jteclumal, svinajeb ti mu x'ech' ta xava'i ti yipale, lapo ti lajemal c'u'ile. Balalino aba ta spucuquil ti stanil c'oq'ue. Ac'o ta ilel ti oyot ta me'inale. Milo aba ta oq'uel jech c'u cha'al ta xcham ti c'ajomal yo jcot ti nich'onile, yu'un mu xa jaluc ta xvul talel ta jtojoltic ti buch'u ta xistsutsesotique.

Jeremías 8:18

Ti naca xa tsacal ti co'nton ta xca'i yu'un ti yipal xc'uxule, mu'yuc xa xpoxil un.

Jeremías 9:18

Ja' jech sta o, talicuc ta anil ti me'inal oq'uicuc ta jventatique, ti malajetuc xa liquel ta vo' ti jsatic yu'unique, ti mu xa ta banomilucotic yu'un ti oq'uele.

Lamentaciones 2:11

Mu xa cha'bel xquil osil yu'un ti oq'uele, mu xa tsacaluc ta xca'i ti co'ntone. Mu'yuc xa jchi'uc jch'ulel c'alal ta xquil lilijem steclumal ti jvinquileltaque, ti buyuc xa no'ox ta xquil chamemic ta bebetic ta scoj vi'nal ti jchu'nel ololetique.

Ezequiel 22:12

J'ech'el mu xa xiyaq'uic ta venta. Stsaquic no'ox taq'uin ti jlom jnaclejetic avu'un yo' ta smilic ti yane. Ech'em no'ox sjol ta sc'anic ta xaq'uic ta ch'om ti taq'uine. Ta slo'la svinquileltac ta yilbel ti svocole. Mu lo'iluc no'ox ta xcal ti vu'un Ajvalilune.

Oseas 7:4

Scotolic jmulivajeletic, co'ol s'elanic sc'ac'ubelic jech c'u cha'al ti jorno ti tsanbil lec sc'ac'al yo' ta scaybe si'il ti jq'uel-jornoe, ti ja' no'ox ta smala sit'uc lec ti vots'bil harinae.