Biblia Todo Logo
Bìoball air-loidhne

- Sanasan -




Jeremías 8:9 - Bible in Tzotzil de Chamula

9 Ti bijil viniquetic taj une, nijil chimil ta xcomic ta q'uexlal apun. Mu'yuc xa c'usi xut sba, co'ol s'elan jun chon bolom xvalc'uj sutbij xa ti c'alal tsacbil ta pets'e. ¿Mi yu'un la oy to abijilic xana' un c'alal laj xa ajip aten ti jc'ope?

Faic an caibideil Dèan lethbhreac

Bible in Tzotzil de Chenalhó with Deuterocanon

9 Ja' yu'un li boch'o bijique ta xyalic ta q'uexlal, ta xniquic ta xi'el; ta x'ochic ta c'op-o'nton, yu'un la xa sbajic comel li jmantale. Ja' yu'un ¿bu tsta li sbijilique?

Faic an caibideil Dèan lethbhreac




Jeremías 8:9
21 Iomraidhean Croise  

Laj sbajbeic ti oy c'usitic jbel tsots albil yu'une, xchi'uc ti strate ti laj spas ta stojol ti smolmuc'totique, xchi'uc ti mantaletic ti ac'batic comele. Ma'uc no'ox taje, bat yo'ntonic ta yich'el ta muc' ti jeche' loc'obbail diosetique. Laj spec'tsanbe sba sc'oplal xchi'uquic ti laj xchanic ta spasel ec jech c'u cha'al laj spasic ti lumetic ti joyol ta spat ta xoconic ti c'alal albilic ono'ox yu'un Dios ti mu xu' jech ta spasique.


Ti buch'u sna' c'usi xut sbae ta slilinbe yabtel, mu xa xc'ot ta pasel yu'un un.


Ta syac ta tsaquel stuc ti buch'utic sna' c'usi xut sbae, ti xi s'elan ta xch'aybe yabtel c'u s'elan snopoj ti buch'u mu'yuc xch'ulel xa'i sbae:


Jun yutsil ta xchanubtasvan ma' ti Dios une, yu'un ach' cuxlejal xal o. Jun yutsil ta j'ech'el smantal ti Dios une, ta sbijubtasat yu'un ti buch'u nijil chimil yac'oj sbae.


¡Bolibemoxuc ta j'ech'el, banquilaletic yu'un Zoan! Ti banquilal jbijubtasvanejoxuc yu'un ti lum Egiptoe, bol jtojobtasvanejoxuc ta j'ech'el. ¿C'u xa ono'ox xi vul ta ajolic ti xi laj avalbeic ti faraone: “Ma' ti vu'uncutique, snitiluluncutic bijil viniquetic ti laj ech'icuc ta ajvaliletic ta vo'nee”?


Jech o xal un, jchop o senyail ta xcac'be yilic ti jteclum taje, ti ch'ayal ta xc'ot yo'ntonic yu'une. Sbijilic ti buch'utic oy sbijilique, ti xac' sjolic ta snopel ta ya'yiel ti buch'u sna' xchiquintae. Ta j'ech'el ta jch'aybe sc'oplal ma' le' une.”


Ti sliquebal atot ame' ta vo'nee laj sta smul. Ti jchanubtasvanejetic avu'une joybijic ta cajcontratac.


yo' jech ta staic tojobtasel, mi ja' ti oy c'usi xu' ta x'albatique?” Ta j'ech'el jeche' ono'ox ti ta xc'opojique, ti c'usi ta xalique, jeche' no'ox lo'il a'yej.


Laj avalopatinun, laj atenun comel. Ti vu'un Diosune, mu lo'iluc no'ox ta xcal. Jech o xal un, laj jyales c'oc jc'ob ta stsitselot yo' ta xajtsutses ta j'ech'el, yu'un laj xa ti sts'iquemal xcuchemal cu'une.


Ti c'usi chapal xa yu'un ti Judae, xchi'uc ti Jerusalene, li' ta xc'ot ta soquel ta lilijel une. Ta xc'ot ta pasel cu'un ti ta stsutsesatic yu'un ti jtsutsesvanej jcontrainvaneje. Xulem xchi'uc jti'oval chonetic xve' yu'un ti sbec'tal stacopalique.


Ti paleetique, laj ta alel yu'unic ti ta sa'icune. Ti jtojobtasvanejetic yu'un ti jteclumale, mu'yuc laj yaq'uicun ta venta. Ti banquilaletique laj stoy sbaic ta scontrainelun. Ti j'alc'opetic une, c'ajomal no'ox oy ta ye ta sti'ic ta stoybel sc'oplal ti Baale. Bat snaban sbaic ta stojol ti c'usitic loc'tabile, ti mu'yuc c'usi xu' yu'unique.


Ti Dios ti scotol xu' yu'une xi laj yalbe sc'oplal ti Edome: “¿Mi tub ya'yel ti bijilil ta jteclum Temane? ¿Mi valc'uj xa no'ox sjolic ya'yel ti bijil viniquetique? ¿Mi sac ch'ay ech'el ya'yel ti sbijilique?


Ti Jechuque, q'uexavicuc jutuc ma' ti vi s'elan ta spasic ti mu xa sts'ic cu'une. Le' une, laj to ta alel ma' ti sna' xa'iic ti q'uexlale, ti ts'i'ub satic xchi'uc ma' ti q'uexlale. Jech o xal un, c'alal ta jtsitsic ya'iique, sbosian xa yacanic ta xyalic ta lum jech c'u cha'al ti yane. Ti vu'un Diosune jamal xcal.”


Banomil, a'yio ava'i ti xi ta xcale: Ti jteclum li'e, ta jtacbe talel svocol ta scoj ti bat yo'nton ta spasel ti chopole, yu'un mu'yuc laj yac'beicun ta venta ti jc'ope. C'ajomal no'ox bajbil c'ot yu'unic ti chanubtasel cu'une.


Liquel cajal ti c'usitic chopol ta xvul ta loq'uele. Xlic xcaj no'ox yalilanel ti c'usitic chopol ta xich' alele. Ch'ay c'ac'al xal ti utsuc xa sa'ilanic ti jamal sba sat j'alc'opetic ti ac'baticuc sna'ic yu'un ti c'usi xc'ot ta pasele. Laj to c'op ti ta stojobtasatic yu'un ti paleetique, ti ta sbijubtasatic yu'un ti banquilaletique.


Xi ta xal ti Diose: “Ti jteclum Judae, ep ti c'usitic chopol spasojique. Ta ono'ox jtsitsic ya'iic. Laj sbajic ti chanubtasel yu'un ti Diose. Mi ja'uc laj xch'unbeic ti oy c'usi jbel tsots albile. C'ajomal no'ox lic snijan xchiman sbaic ta yich'el ta muc' ti c'usitic loc'tabile, co'ol jech c'u cha'al laj spasic ti stot sme'ic ti laj ech'icuque.


Ti jech yorail taje, ti j'alc'opetique ta xq'uexavic xchi'uquic ta yalel ti c'alal ta xalic ti oy c'usi laj yilic ti ta to xc'ot ta pasele. Mi junuc ta xlajic ta lo'lael yu'un manchuc mi slapic c'u'il ti meltsanbil ta nucul ti ja' c'u'il yu'un ti j'alc'opetique.


C'otuc ta pasel avu'unic un, abtelanic. Yu'un ti jech ta xapasic taje, ja' to jech ta xlic yilic ti lumetic ti oy abijilique, ti xatojobic ta snopele. Ti c'alal jech ta xc'ot ta sba ta satic ti oy jbel ti c'usitic tsots albile, ‘¡Ti muc' ta lum le'e, toj ech'em jelavem sbijilic!’ xi ta xalic.


Vuleso ta ajol ti ta abic'tal ono'ox lic ava'i talel ti xch'ul c'ope, ti ja' laj sbijubtasot yo' jech ta xacol ta sventa ti c'ot ta avo'nton ta xch'unel ti Cristo Jesuse.


Lean sinn:

Sanasan


Sanasan