Jeremías 8:8 - Bible in Tzotzil de Chamula

⁸ ¿C'usi xavut ta xavalbe aba ti oy abijilique, ti xana'ic oy c'usi jbel tsots albil yu'un ti Diose? Ti buch'u sbainoj ta sts'ibael ti c'usi ta xc'ot ta pasel ta jteclume, naca jutbil ta xal. Mu meleluc ma' ti c'usi ta stsac ta sts'ibaele.

Bible in Tzotzil de Chenalhó with Deuterocanon

⁸ ¿C'u x'elan xu' jech chavalic: Li vu'uncutique lec bijuncutic, li' oy ta jc'obcutic li smantaltac Muc'ul Diose, ti xachiique? Yu'un li jts'ibajometic avu'unique laj xa stunesic ta sts'ibael puru epalc'opetic li slapisique; laj xa syanijesic ta ts'ibael li mantaletic cu'une.

Jeremías 8:8 Iomraidhean Croise

Job 11:12

Ti sc'ac'alil ta spajes sba yu'un spucujil ti pochan te'tical burroe, ja' o sc'ac'alil ta xlic ochuc ta be ti buch'u mu xa'ibe xchiquinale.

Job 12:20

Ti jbijubtasvanej yu'unic ti co'ol yo'ntonique, mu xa xac' sjolic c'usi xu' ta xalic; ta xch'aybe snopbenal ti moletique.

Salmos 147:19

Ti sc'ope, ti c'usi jbel tsots albil yu'une, ti c'usitic nopbil yu'une, laj yac'be sventain ti Jacobe, Israel ti yan sbie.

Proverbios 17:6

Mu xa buch'u xtaun o ta xa'iic ti muc'tot yayaile, ja' ta sventa ti smamobtaque; mu xa buch'u xtaun o ta xa'iic ti alab nich'nabe, ja' ta sventa ti stot sme'ique.

Isaías 43:27

Ti sliquebal atot ame' ta vo'nee laj sta smul. Ti jchanubtasvanejetic avu'une joybijic ta cajcontratac.

Jeremías 18:18

Ti jnaclejetique xi lic snopique: “Jchapantic lec ti ch'ayuc sc'oplal ti Jeremías ta jtojoltique. Yu'un oy ono'ox paleetic ti ta xistojobtasotique. Oy ono'ox bijil viniquetic ti ta xisbijubtasotique. Oy ono'ox j'alc'opetic xu' ta xisjelubtasbotic c'usi ta xal ti Diose. Jtic'betic ya'i smul yo' ta xich' milel. Mu jch'unbetic ti c'usi ta xale.”

Jeremías 19:7

Ti c'usi chapal xa yu'un ti Judae, xchi'uc ti Jerusalene, li' ta xc'ot ta soquel ta lilijel une. Ta xc'ot ta pasel cu'un ti ta stsutsesatic yu'un ti jtsutsesvanej jcontrainvaneje. Xulem xchi'uc jti'oval chonetic xve' yu'un ti sbec'tal stacopalique.

Jeremías 2:8

Ti paleetique, laj ta alel yu'unic ti ta sa'icune. Ti jtojobtasvanejetic yu'un ti jteclumale, mu'yuc laj yaq'uicun ta venta. Ti banquilaletique laj stoy sbaic ta scontrainelun. Ti j'alc'opetic une, c'ajomal no'ox oy ta ye ta sti'ic ta stoybel sc'oplal ti Baale. Bat snaban sbaic ta stojol ti c'usitic loc'tabile, ti mu'yuc c'usi xu' yu'unique.

Jeremías 4:22

Xi ta xal ti Diose: “Ti jteclumale bolinebic ta j'ech'el, mu xiyojtiquinic. Alab nich'nabiletic ti mu'yuc xch'ulelique, ti mu sna'ic snopele, mi ja'uc spas yu'unic ti c'usi leque. C'ajomal ja' xojol xchi'uquic ta spasel ti c'usi chopole.”

Jeremías 48:14

“Ch'ab xi'uc ti xi ta xalbe sba ti Moabe: ‘Ali vo'otic une, tsots xca'i jbatic, banquilal jpas-letootic un quere.’

Oseas 8:12

Ti vu'une, ac'o mi laj jts'iba ep chanubtaseletic ta sventa, jech ti stuque laj sbisic no'ox ta jech mechuc.

San Mateo 15:6

Buch'uuc no'ox ta xal ti va'i s'elan taje, laj xi c'op ta scoltael ti stot sme'ique. Ti jech taj une, laj xa avalopatinic comel smantal ti Diose yo' staoj yav ta xapasbeic stalel ti atot ame'ique.

San Juan 9:41

Xi laj stac' ti Jesuse: —Ati yu'unuc ma'satucoxuque, mu'yuc amulic ti jechuque. Ja'uc le' une, ta scoj ta xavalic ti xavilic ti osile, oy amulic.

Romanos 1:22

Ac'o mi ta xalic ti bijique, pimuneb xa'i sbaic ta j'ech'el.