Jeremías 8:7 - Bible in Tzotzil de Chamula

⁷ Ja'uc ti muc' ta saquil ichin xvilet ta vinajele, sna' c'usi ora ta sut talel. Ti tórtola eque, ti xjaval-eq'uene, xchi'uc ti smutal vo'e, sna'ic c'usi ora ta xbatic ta yan banomil. Yan ti vo'ot une, cuni teclumal, mi xavojtiquin ti oy c'usi jbel tsots albil cu'une.

Bible in Tzotzil de Chenalhó with Deuterocanon

⁷ Li ciguenya mute sna'ojbe lec yorail c'usi ora tsut batel ti bu ono'ox ilic batele; li puruvoc stsue, li grulla mute, xchi'uc li xaval-eq'uenetique sna'oj lec c'usi ora tsutic batel, pero vo'oxuc li jteclumaloxuque mu xana'ic, mu xavotquinic o li mantaletic cu'une.

Jeremías 8:7 Iomraidhean Croise

Cantares 2:12

Laj xa tucuc ma' ti nichimetic ta osil banomile, sta xa yorail ma' ti q'uejimol une, xvinaj xa ta cosilaltic ti xcujcun ti tortolaetique.

Isaías 1:3

Ti vacaxe xojtiquin ti yajvale, ti burro xtoque sna' bu oy ac'bil yavil sve'eb yu'un ti yajvale. Ja'uc ti Israel ti ja' jteclumale, mi ja'uc xa xiyojtiquinicun, mi ja'uc xa'ibeic xchiquinal.”

Isaías 27:11

Sc'obtac ti te'e ta sc'as c'alal mi taquij xae. Ti antsetic une ta stsobic talel yo' ta stsanic o c'oc' xchi'uquic. Mu'yuc sbijilic ta j'ech'el ma' ti jun lum taje. Jech o xal un, mi ja'uc juteb ta xc'uxubaj yo'nton yu'unic ti Jmeltsanvaneje, ti J'ac'-ch'ulelal yu'unique.

Isaías 5:12

Xnic no'ox ti arpae, ti jchop o ta vobe, ti tampole, ti amae, ti yepal no'ox ta j'ech'el ti vino ti yacaloxuc ta ve'ele. Mi ja'uc xatoy asatic ta sq'uelel ti c'usi ta spas ti Diose; mi ja'uc xavaq'uic ta venta ti yabtele.

Jeremías 4:22

Xi ta xal ti Diose: “Ti jteclumale bolinebic ta j'ech'el, mu xiyojtiquinic. Alab nich'nabiletic ti mu'yuc xch'ulelique, ti mu sna'ic snopele, mi ja'uc spas yu'unic ti c'usi leque. C'ajomal ja' xojol xchi'uquic ta spasel ti c'usi chopole.”

Jeremías 5:6

Jech o xal un, ta xloc' talel leónetic ta muc'tiquil vitsetic ti ta xmilatic yu'une. Ta xloc' talel oq'uiletic ta sbajtical banomil ti ta xlilinatic ta ti'el yu'une. Ti ta slumalique, buyuc no'ox ch'ambil ta be ta xc'ot yu'un ti jchop o ta bolometique. J'ech'el ta stsutsesatic mi loc' xa ono'ox talele, ta scoj ti mu albajuc ti smulique, ti mu albajuc c'usi loc' ta sa'el yu'unique.

Habacuc 1:4

Mu'yuc xa ta tunesel ti oy c'usi jbel albil ti tsots sc'oplale; ti lequil chapanele, pech'bil ta teq'uel ta j'ech'el. Ti buch'u oy stuq'uil sjol yo'ntone, ilbajinbil yu'un ti buch'u toj chopole, ta xyanij yu'unic ta j'ech'el ti lequil chapanele.

Zacarías 5:9

Laj quil no'ox xtoc vul ta loq'uel chib antsetic ti oy xiq'uique, ti cuchbil ta xbatic yu'un ti iq'ue. Jun to xic' muc' ta sac ichin yilel ti xchechet batel yu'unic ta vinajel ti almule.