Jeremías 8:6 - Bible in Tzotzil de Chamula

⁶ Jmalaoj xa ca'i, ts'etel xa jchiquin mi oy buch'u ta sutes sba yu'un ti c'usi chopol ta spase. Le' une, mi junuc ti oy buch'u xi jamal ta xale: ‘¿C'u xa no'ox cha'al ti vi s'elan laj xa jpas une?’ Scotol, jun be stamojic batel ti xbitet ta anil jech c'u cha'al junuc ca' ti mu xa stac' pajesel c'alal xyaquet ti letoe.

Bible in Tzotzil de Chenalhó with Deuterocanon

⁶ Laj xa ca'ay, laj xa jtuc'ulan lec, pero mu'yuc tuc' chac'opojic, mu'yuc boch'o tsc'an tsutes yo'nton yu'un li smule. Ja' no'ox jech chavalic: ¿C'usi ti chopol jpasoje?, xachiic. Jech ta jujuntal laj atam batel abeic ta anil jech chac c'u cha'al ca'etic ti tsjip sbaic batel ta anil ta pleitoe.

Jeremías 8:6 Iomraidhean Croise

Job 10:2

Ch'ul Dios, mu ta jeche'uc no'ox ta xatic' ti jmule. Jamal albun ca'i bu mu x'ech' ta xava'i ti c'usi laj jpase.

Job 34:31

¿Mi yu'un oy bu ti xi laj avalbe ti Diose? “Yu'un ca'binoj xa jba lilaj ta lo'lael, avi tana une, mu xa jsa' jmul.

Job 34:32

Ac'bun quil ti bu lijelave, yu'un mu xquil. Ti mi chopol bat cu'une, mu xa jcha'pas.”

Salmos 14:2

Ti Diose, ta vinajel to, ta sq'uel talel mi oy buch'u xa'ibe ti xchiquinale, mi oy ta yo'nton ta sa' ti Diose.

Isaías 30:18

Ja'uc le' une, ti Diose ta smala, yu'un oy xc'uxul yo'nton ta atojolic. Yo'ntonuc xa ya'i ta xac'boxuc avilic ti syail xc'uxul yo'nton ti Ajvalile, ja' jun Dios ti sna' stic' sba ta pojvaneje. ¡Mu xa no'ox c'usi sna'ic scotolic ta j'ech'el ti buch'utic smalaoj spojelic ta stojol ti Diose!

Isaías 57:17

Oy bu xi sjalil li'ilin ta scoj smul ti Israele. Laj jtsits, laj jq'uej jba loq'uel ta stojolic. Staoj yav stoyoj sbaic, yac'ojbeic yipal ta spasel ti c'usi xal ma' ti yo'ntonic une.

Isaías 59:16

Ti Diose ts'ijil com, xjax q'uel xa no'ox ti c'alal laj yil ti mu'yuc buch'u xpoxtaj yu'un ti va'i s'elan taje. Va'i un, lic sva'an sba stuc xchi'uc ti smuc'ul stsatsale. Yabtel stuc ti tsalvanem c'ote.

Jeremías 23:25

“Ca'binoj c'u s'elan ta sjutic c'op ta xc'opojic ta sventa yalojic ti j'alc'opetic taje, ti ta xalic ti laj jc'oponic ta xvaichique.

Jeremías 3:5

¿mi staoj yav ti ilinemote? ¿mi ta xjalij ta j'ech'el ti sc'ac'al avo'ntone?’ C'alal yacalot ta yalel ti va'i s'elan taje, ja' o ochem yipal avu'un ti bu xa c'alal xu' avu'un ta spasel scotol ti chopole.”

Jeremías 5:1

Ti Diose xi ta xale: “Xaniic ti calleetic yu'un ti Jerusalene. Sa'ic ta jujujot ti bu xvolvun ti jnaclejetique. T'unic lec mi oy bu ta xataic junuc ti oy ta yo'nton ta spasel ti c'usi tuq'ue, ti mu yanuc ti sjol yo'ntone. Mi oy bu laj ataique, ta jch'aybe smul scolo' ti Jerusalene.

Ezequiel 18:28

Lic jamuc sat ta yilel ti c'usi chopol laj xa spase, xchi'uc yicta sba ta spasel scotol ti c'usi mu stac' albel sc'oplal laj spase, ta xil ti xch'iel sc'opojele. Mu xac' sjol sbaquil.

Ezequiel 22:30

Laj xa jsa'ilan ta stojol ti jnaclejetique, ti oyuc buch'u spac ti c'op ta sventa ti muc' ta lume, ti oyuc to buch'u xet'es ti c'op ta jtojol yo' mu jtubbe ti sc'oplalique. Mu'yuc bu laj jta un.

Daniel 9:11

Yu'un sjunul jteclum Israel, mu'yuc xaq'uic ta venta ti chanubtaseletic avu'une. Yu'un laj sjip ta spat ta xoconic ti c'usitic ta xac'an ti ac'o spasique. Jech o xal un, cajal vul ta jbacutic ti bac vocole. Yu'un laj quich'cutic ti jech no'ox loq'uem ta alel ti ts'ibabil comel yu'un ta jbel ti c'usi tsots albil yu'un ti Moisés ti ja' avajtunele. Yu'un ja' ta scoj ti laj xa jta jmulcutic ta atojole.

Miqueas 7:2

Ja' jech ti li' ta banomile, mi ja'uc xa oy viniquetic ti oy stuq'uil snopbenal yu'unic ta stojol ti Diose. Scotolic ja' yac'oj sjol yo'ntonic ti snopojic xa c'usi ora ta sliques ta spasel ti c'usi chopole; ta ono'ox xac'be sba spets'alic ta jujun tal.

Sofonías 3:7

Xichi laj jnope: ‘Ti jech le'e, ja' to jech ta xlic xi'taicun ti jteclum Jerusalene, ja' to jech ta xc'ot ta yo'nton ti tojobtasele, yo' jech mu pocholuc ta xcom ti snaique, oy tsitsel ta stojolic.’ Bu xa ta un, ti stuquique stoyel laj ya'iic, lic yac'beic yipal ta spasel scotol ti c'usitic chopole.

Hageo 1:5

Ti vu'un Diosun ti scotol xu' cu'une, ta xcalboxuc ava'iic ti nopo ava'iic lec ti c'u a'elanique.

Hageo 1:7

Ti vu'un Diosun ti scotol xu' cu'une, ta xcalboxuc ava'iic ti nopo ava'iic ti c'u a'elanique.

Malaquías 3:16

Ti buch'utic laj snijan xchiman sbaic ta stojol ti Diose, liquic ta slo'iltael. Jech ti Diose laj sts'etan xchiquin ta ya'yiel ti c'usi ta xalique. Ti ta stojol ti Diose, laj yich' ts'ibael jpoc vun ti ta xac' ta na'el ti buch'utic ta xi'taic ti Diose, ti tsots sc'oplal ta xa'iique.

2 Pedro 3:9

Mu yu'unuc ta sjalijes ti Cajvaltic ti yaloj ta xcha'sut talel jech c'u cha'al ta snopic ti jlome. Yu'un oy sts'iquemal xcuchemal yu'un, ti smalaoj ti ac'o sjelta yo'ntonic ta stojole yo' jech mi junuc ta xbat ta ch'ayel.

Apocalipsis 9:20

Ja'uc le'e, ti c'u yepal com ti jnaclejetic ti buch'utic mu'yuc xchamic yu'un ti oxtos cuxul j'ilbajinvanej vocole, mu'yuc xicta sbaic ta spasel ti c'usi chopole, mi ja'uc laj yicta sbaic ta yich'el ta muc' ti pucuje, xchi'uc ti c'usitic meltsanbil ta c'abale, ti meltsanbil ta oroe, ta platae, ta tsatsal c'anal taq'uine, ta tone, ta te'e, ti c'alal mu x'ilvane, mu xa'i c'oponel, ti mu stac' xanave.