Jeremías 8:5 - Bible in Tzotzil de Chamula

⁵ Le' une, Israel, ¿c'u cha'al mu xa'ac'van ta ventae? ¿C'u cha'al un, jteclum Jerusalén, ta j'ech'el laj ajip laj aten aba loq'uel ta jtojol? ¿C'u cha'al avac'ojbe yipal ti toyobbail ti mu xac'an xasut talele?

Bible in Tzotzil de Chenalhó with Deuterocanon

⁵ Pero vo'oxuc ti li' nacaloxuc ta Jerusalene, ¿c'u yu'un ti j'ech'el atoyoj abaic o ta jtojole? ¿C'u yu'un ti chajipilanicun comel ta avo'ntonique? Ja' laj ach'unic o li c'usi mu meleluque; ja' mu xa xac'an xasutic tal o ta jtojol.

Jeremías 8:5 Iomraidhean Croise

Proverbios 4:13

Tsinano aba yu'un ti c'u s'elan laj jtojobtasote, mu xajip xaten; liqueso ta yabtelanel, yu'un ja' ach'iel ac'opojel un.

Isaías 1:20

Yan ti mi avac'ojbeic yipal ti toyobbaile, ta jbel sc'oplal unbi, ta xachamic ti c'alal xyaquet ti letovajele”, xi laj yal ti Ajvalil Diose.

Isaías 30:10

Ti buch'u jamal sba satique, xi ta x'albatique: “Mu me ave'icuc xa ta yalel ti c'usi jam aba asatic ta yilele.” Xi ta x'albatic ti j'alc'opetique: “Mu xavalic ti c'usi melel la'ac'bat anopique. Albuncutic no'ox ti c'usi xtal ta ajolique. Mu xamacbuncutic ta be ti c'usi batem co'ntoncutic ta sc'upinele.

Isaías 44:20

Melel cac'tic, co'ol s'elan yacalic ta slo'el tanil c'oc'. Ta slo'la sba stuc ta snopbenal yu'un ti yane. Mu xa ono'ox sta pojel coltael ma' ti buch'u jech taje. Mi ja'uc xa'ibeic xchiquinal ti naca lo'lael ti c'usi oy ta yoc ta sc'obe.

Jeremías 14:7

Cajval, manchuc mi ta xvinaj naca xa mulil ta xve'baj ta jtojolcutique, ta sventauc ti slequil yutsilal ti ac'oplal une, va'ano tec'ano aba un. Yepal xa ma' ti yanij jol co'ntoncutique, ti laj xa jsa' ti jmulcutic ta atojole.

Jeremías 2:32

¿Mi ta xch'ay ta yo'nton xana' jun ants ti c'usi toyol stojole, ti c'usi laj xch'al sba xchi'uc c'alal yich' lequele? Ti jteclumale mu jechuc un, le' xa talel ta vo'ne laj xch'ayun ta yo'ntone.

Jeremías 3:5

¿mi staoj yav ti ilinemote? ¿mi ta xjalij ta j'ech'el ti sc'ac'al avo'ntone?’ C'alal yacalot ta yalel ti va'i s'elan taje, ja' o ochem yipal avu'un ti bu xa c'alal xu' avu'un ta spasel scotol ti chopole.”

Jeremías 5:27

Naca yeleq'uic ti c'usitic x'ayan ti noj no'ox ta snaique, co'ol s'elan c'otem jech c'u cha'al noj no'ox ti mutetic ta sbajlebe. Ja' jech lic yich' yipic, jc'ulej batic ta j'ech'el.

Jeremías 5:3

Cajval, ochemot ta sa'el jnaclejetic ti tuc' sjol yo'ntone. Laj atsits, mi ja'uc laj ya'ibeic xc'uxul un; laj abusanbe ta stojolic ti vocole, mi ja'uc laj yich' o yo'ntonic. Mu'yuc c'usi sc'anic albel. Ti yo'ntonique x'ech' to syijil bat jech c'u cha'al ti tone, laj to ta alel yu'unic ta stamel ti tuq'uil bee.

Jeremías 5:6

Jech o xal un, ta xloc' talel leónetic ta muc'tiquil vitsetic ti ta xmilatic yu'une. Ta xloc' talel oq'uiletic ta sbajtical banomil ti ta xlilinatic ta ti'el yu'une. Ti ta slumalique, buyuc no'ox ch'ambil ta be ta xc'ot yu'un ti jchop o ta bolometique. J'ech'el ta stsutsesatic mi loc' xa ono'ox talele, ta scoj ti mu albajuc ti smulique, ti mu albajuc c'usi loc' ta sa'el yu'unique.

Jeremías 6:17

Ti Diose laj sva'anan jchabiej-q'uel-osiletic ti xi laj yalbe ti jteclume: “Ts'et-chiquintaic ti mu xa slequiluc mi oy c'usi ta xbac' talele.” Ti jteclum une xi laj staq'uique: “Quere, laj to c'op ma' ti ta jts'etan jchiquincutic yu'une.”

Jeremías 6:19

Banomil, a'yio ava'i ti xi ta xcale: Ti jteclum li'e, ta jtacbe talel svocol ta scoj ti bat yo'nton ta spasel ti chopole, yu'un mu'yuc laj yac'beicun ta venta ti jc'ope. C'ajomal no'ox bajbil c'ot yu'unic ti chanubtasel cu'une.

Jeremías 9:6

Yu'un xi ta xal ta jamal ti Diose: “Naca lo'lavanej me'inem xa'iic, nopem xa'iic ti lo'lavaneje. Laj sc'oplal ti xiyojtiquinic ti jteclumale.

Daniel 9:11

Yu'un sjunul jteclum Israel, mu'yuc xaq'uic ta venta ti chanubtaseletic avu'une. Yu'un laj sjip ta spat ta xoconic ti c'usitic ta xac'an ti ac'o spasique. Jech o xal un, cajal vul ta jbacutic ti bac vocole. Yu'un laj quich'cutic ti jech no'ox loq'uem ta alel ti ts'ibabil comel yu'un ta jbel ti c'usi tsots albil yu'un ti Moisés ti ja' avajtunele. Yu'un ja' ta scoj ti laj xa jta jmulcutic ta atojole.

Oseas 11:5

“C'u stu un, ti stuquique jbel yo'ntonic mu sutic talel ta jtojol. Jech o xal un, tsots sc'oplal ta sutic batel ta jteclum Egipto. Ta spasatic ta mantal yu'un ti jteclum Asiria xtoque.

Oseas 11:7

Ti jteclumale ta xac'beic yipal ti ta xnamaj ta jtojole. Ac'o mi ta xalic ti oyun ta toyole, j'ech'el mu xaq'uic ta cajal ti jc'oplale.

Oseas 13:2

Staoj yav ochem yipal yu'unic ta sa'el ti smulique. Ta s'unijesic ti plata yu'unique yo' jech ta smeltsanic ti loc'tabil diosetique, ja' ti c'usi xtal ta sjolic ta smeltsanel ti c'upil sba ta xilic ti yabtelinojic ta sloc'taele. Ta jech yepal un, xi ta xlic yalique: “Ac'beic milbil matanaletic.” Jech ti jnaclejetique sts'uts'ic xa ti sloc'obbail ch'in tot vacax ti ja' sdiosique.

Oseas 4:16

Ti toyobba Israele, co'ol xa s'elan jun me' vacax ti xbachet no'ox sni' ta jujujote. Ti jech taj une, ¿mi yu'un co'ol to la s'elan jun nene' chij ta xchabiat yu'un ti Dios ta jun yutsil pulem yaxaltique?

Zacarías 7:11

C'u stu un, ti jnaclejetique mu'yuc xaq'uic ta venta ti va'i s'elan albatic taje. Yu'un scotolic laj svalopatinic comel. C'ajomal no'ox laj smac xchiquinic.

San Juan 5:40

ja'uc ti vo'oxuc une, mu xac'an xatalic ta jtojol yo' ta xata ti acuxlejalique.

1 Tesalonicenses 5:21

A'yibeic lec smelol mi xco'olaj xchi'uc sc'op Dios ti c'usi ta xalique, ja' aq'uic ta venta ti ja' bu melele.

Hebreos 12:25

Jech o xal un, bijanic, tsotsanic, mu xabaj xaten ti Buch'u yacal ta xisc'oponotic avi tanae. Yu'un mu'yuc xcolic ti buch'utic laj sbajic ti bijubtasel yu'un ti buch'u c'opoj ta sventa Dios li' ta banomile. ¿Mi ja' xa van ta xijcolotic ti vo'otic mi ta jbajtic ti Buch'u ta xisbijubtasotic ti ta xlic talel sc'opojel ta vinajele?

Apocalipsis 2:25

Ja'uc le'e, staojuc yav avo'ntonic yu'un ti c'u yepal laj xa ataique, ja' to mi litale.