Jeremías 8:4 - Bible in Tzotzil de Chamula

⁴ “Jeremías, xi xava'an aba ta yalbe ya'i jc'optac ti jteclume: ‘C'alal oy buch'u ta xyal ta lume, ta stam sba liquel. C'alal oy buch'u ta xch'ay ta bee, ta xtal stam ti bu com yu'une.

Bible in Tzotzil de Chenalhó with Deuterocanon

⁴ “Jeremías, li c'usi chacalbot li'i, ja' jech xavalbe ya'yic li cu'untaque: ‘Li boch'o ta xyal ta lume ¿me mu'yuc bu tstots? Li boch'o tsoc ta bee ¿me mu'yuc chtal stam lec sbe yan velta?

Jeremías 8:4 Iomraidhean Croise

1 Reyes 8:38

buch'uuc no'ox ti xvocolete, mi ja' scotol ti ateclumal Israele, mi ja' ti ta sc'anbot vocol ti c'alal ta xilic ti svocolic ti ta xc'ot ta stojole, mi ja' ti c'usi ip c'ux ta xa'iique, ti snub xa sc'obic ta ch'ulna li'e,

Proverbios 24:16

Ac'o mi ta xyal ta lum vuc-cojuc (7), ta ono'ox stam sba liquel, ja'uc ti buch'u mu'yuc xch'ulel xa'i sbae, yacal xa ta tsatsajel ti svocole.

Isaías 44:22

Yu'un laj jtub ti bu la'ech' lajelave, xchi'uc ti amul acolo' jech c'u cha'al ta xch'ay batel ti toque. Sutan talel ta jtojol, yu'un laj jtic' jba ta apojel acoltael.”

Isaías 55:7

Ti buch'u mu'yuc xch'ulel xa'i sbae, ac'o yicta ti chopol bu sq'ueloj batel xchi'uque. Ti j'esom-jole ac'o yicta ti xtal no'ox ta sjol ti c'usi ta spase. Lic ac'o abaic ta ventainel ta stojol ti Diose. Jech ti stuque, ta to xtal ti syail xc'uxul yo'nton ta atojolique. J'ech'el sutanic talel ta stojol ti Dios cu'untique, ti oy yutsil yo'nton ta xch'ayel ti mulil colo'ile.

Jeremías 23:14

Xi s'elan quiloj mu stac' alel c'usitic chopol ta spasic ti j'alc'opetic yu'un ti lum Jerusalene: naca mulil, lo'lavanej; ta xac'beic yip yo'nton ta spasel c'usi chopol ti buch'u mu'yuc xch'ulel xa'i sbaique, yo' mu xictaic yu'un un. Ti stuquic une xchi'uc ti jnaclejetic ta jteclume, c'otic ta loq'uel jech c'u cha'al ta spasic ti muc' ta lum Sodomae xchi'uc ti Gomorra ta xquil une.

Jeremías 3:1

Ti Diose xi ta xale: “Mi oy jun vinic ta sutes ti yajnile, mi malij ta yan ti ants laj sbaje, ti sba vinique mu xu' ta xcha'ic'. Ti jech taje, mu ts'icbaj lec ta xa'iic ti jteclume. Ja'uc ti vo'ot une, Israel, xloc' x'och ti avajval yu'unic ta c'upinele. Tana une, ta to xasut ava'i talel ta jtojol un. Ti vu'un Diosune, mu lo'iluc no'ox ma' taje.

Jeremías 3:22

Sutanic talel ta jtojol, toyobba nich'nabiletic, yu'un ta jpoxtaot ti vi a'elan yu'un ti atoyobbaile.” Ti israeletique xi ta xalique: “Li' xa oyuncutique, litalcutic xa ta atojol, yu'un ti vo'ote, Diosot cu'uncutic.

Jeremías 36:3

C'alal mi laj ya'iic scotol Judá ti va'i s'elan jnopoj ta jtac talel ta stojolic ti cuxul j'ilbajinvanej vocole, yic'al nan xictaic ti c'usi chopol yac'oj sjolic ta spasele. Jech xu' to ta jch'aybe ti xchopolalique, ti smul scolo'ique.”

Jeremías 4:1

Ti Diose xi ta xale: “Israel, mi xac'an to xasutes aba, mu yanuc bu xatam batel, tuc' xasut talel ta jtojol. Mi j'ech'el laj aten loq'uel ti j'ac'-vocol loc'obbailetic avu'une, mi mu xach'ac aba ta jtojol,

Ezequiel 18:23

Mu jc'an ta xcham ti buch'u mu'yuc xch'ulel xa'i sbae. Jeluc ti snopbenal yu'une yo' jech ta xch'i xc'opoj un. Ti vu'un Ajvalilune, mu lo'iluc no'ox ta xcal.

Oseas 14:1

Israel, cha'ac'o aba ta ventainel yu'un ti Ajvalil Dios avu'une, yu'un layal xa ta lum ta scoj ti amule.

Oseas 6:1

Ti israeletique xi ta xalique: “La'ic, acotolic, sutcutic ech'el ta stojol ti Diose. Yu'un laj slilinotic, ja' jech xtoc ta xislecubtasotic. Laj syayijesotic, ta xispoxtaotic no'ox xtoc.

Oseas 7:10

Ja' c'ot ta rextico stuc stoyobbailic ti Israele. Ac'o mi jech scotol ti va'i s'elan taj une, mu'yuc sutic talel. Mi ja'uc oy bu laj sa'ic ti Ajvalil ti ja' Dios yu'unique.

Amós 5:2

Ti jech c'upil sba yutsil ti Israele, yal xa ta lum, mi ja'uc xa xu' ta stam sba liquel yan velta. Telel com ta yosilal stuc, mi ja'uc xa oy buch'u ta xtoyat liquel yu'un.

Miqueas 7:8

Cajcontra muc' ta jteclum, mu to me xamuyubaj yu'un ti laj avil ti laj jta ti jvocole. Ac'o mi liyal ta lum, ta xlic va'lucun; ac'o mi lamal vul ta jtojol ti ic'uneb ti osil banomile, yu'un ja' saquilal osil cu'un ti Diose.