Jeremías 8:3 - Bible in Tzotzil de Chamula

³ Ti buch'u cuxul to ta xcomic ti chopol jnaclejetic ti laj xa jtaniic batele, ma'uc xa oy ta yo'ntonic ma' ti ta to xch'i xc'opoj ya'iique, ja' no'ox ti chamicuque. Ti vu'un Diosun ti scotol xu' cu'une, mu stselbuj ma' ti jc'op une.

Bible in Tzotzil de Chenalhó with Deuterocanon

³ Ti c'u to yepal cuxul chcomic li chopol cristianoetic le'e, mu xa sc'an ti cuxulique, ja' xa no'ox tsc'an xchamel slajelic te ta banamil ti buyuc no'ox ta jpuquic batele. Vu'un chcal jtuc, vu'un li Muc'ul Diosun ti ta jpas ta mantal scotol te ta vinajele”, xi.

Jeremías 8:3 Iomraidhean Croise

1 Reyes 19:4

Ti stuque bat ta sbajtical banomil ta tsacal to un, ti sjunul c'ac'al xanav ja' to ti c'uxi lubtsaj ti laj xchotan sba ta yolon pets limil te' ti retama sbie. Ti juteb xa ta yo'nton chamuc ya'ie, xi laj yale: “¡Li' xa no'ox c'alale, Dios, tuch'bun xa ti jcuxlejale! ¡Mu'cun xa lec ta xc'ot ta jtojol jech c'u cha'al ech' ti jtot jme'taque!”

Jeremías 23:3

Ta jva'an jba ta yiq'uel talel scomelal ti jteclumal bu c'alal tan puc batic cu'un ta yan muc'tic lumaltic c'alal laj jatviltas batele. Ta jtsob talel ta lequil yaxaltic bu oy ti sve'ebique yo' jech ta x'epaj liquel ti yolique.

Jeremías 23:8

Le'e, c'ajomal xi ta xlic sva'an sbaic ta yalele: ‘Ta sventa cuxul ti Dios ti laj stsob talel snitilultac ti Israel ti tanijemic batel ta jteclum ti oy ta stuq'uil yolon ti yolon xocon sloq'ueb c'ac'ale, xchi'uc ta yan jteclumetic ti tanijemic batel yu'une.’ Le' tana une, ta xlic nacliuc ta yosil sbanomil stuquic.”

Jeremías 29:14

Jech un, yu'un jmalaoj xa ta xac'opoj xati'inic ti xi s'elan ta xc'ot ta pasel ta jel ti avorailique: Ta jloq'uesoxuc talel ti buyuc no'ox tanijemoxuc labatique, mi ta jujun muc'tiquil lumetic ti tan puc labatic cu'une. Ta xajtsoboxuc un yo' jech ta xasutic talel ta abanomilic ti bu bec'bil laloq'uique. Ti vu'un Diosune, mu lo'iluc no'ox ta xcal.’

Jeremías 29:28

Laj to no'ox atacbuncutic talel vun xtoc ta Babilonia ti xi ta xale: Ti naclej ta yan banomil ta scoj ti beq'uele, ta xjalij ta j'ech'el. Tsinbo xa no'ox ava'i sc'oplal. Meltsano anaic yo' ta xanaquiic. Ts'unic lo'bolal te'etic yo' xalo'beic ti sate.’ ”

Jeremías 40:12

Taj une, ti bec'bil to ox loq'uique sutic talel ta Judá. Batic ta stojol ti Guedalías ti oy ta Mizpae. Ti stuquic ec une ochic ta stsobel ti vinoe, ti c'usitic stac' tunel lajesbel ti sate, ti busul no'ox yu'unic ta j'ech'ele.

Jeremías 44:2

“Ti Ajvalilun ti scotol xu' cu'une, Diosun yu'un ti Israele, xichi ta xcal une: ‘Laj xa avilic ta aba ta asatic ti cuxul j'ilbajinvanej vocol lamal c'ot ta sbaic ti jnaclejetic ta Jerusalene, xchi'uc ta jteclum ti oy ta yosilal Judae. Stuc xa slilijemal busul tana le' une.

Jeremías 44:6

Va'i un, lic ti sc'ac'al soquemal co'nton une. Lic tiluc co'ol s'elan junuc c'oc' ta stojol ti jteclumetic oy ta Judae, xchi'uc ta calleetic yu'un ti Jerusalene. Stuc xa slilijemal sbusulil com ti jech to staoj yav sts'ijlajan tana le' une.

Jeremías 6:9

Ti Dios ti scotol xu' yu'une xi ta xale: “Ti c'u yepal ta xcomic ti israeletique, ta xich'ic chajel ta sa'el ti bu xa oyique, jech c'u cha'al ta xich' c'uxc'ultael ta sa'el ti uva ti oy ta sc'ob c'obtaque, ja' to ti c'uxi mu xa jbejuc ta xcome.”

Daniel 9:7

Ti vo'ote, Dios, oy yutsil slequil avo'nton. Ja'uc ti vu'uncutic israeluncutique ta xca'i ti q'uexlal jba jsatcutique xchi'uc ti c'u yepal nacal ta Jerusalene. Mu yanuc ta xa'iic ec ti jlom israeletic ti nopol no'ox oyique, xchi'uc ti oyic ta nom ti bu laj aten batel ta muc'tiquil lum ta scoj ti laj stoy sbaic ta atojole.

Levítico 26:33

Ja'uc ti vo'oxuque, ta xajtanioxuc batel ta muc'tiquil lumetic. Tuchbil ye'bil ti avespadailic ta xajnutsoxuc batel. Jech ti muc' ta lum avu'unique, ta xjoybij ta sbajtical banomil. Ti bic'tal lumetic yu'une, toj xi'bal sba ti c'u s'elan ti c'ajomal no'ox stuc xch'uch'ulil busul ta xcome.

Amós 3:1

Xi albatic yu'un Dios ti jteclum ti loq'uesatic talel ta jteclum Egiptoe: “A'yio ava'iic, israeletic,

Jonás 4:3

Jech o xal un, Cajval, avocoluc, tuch'bun ti jch'iel jc'opojele, ja' to jech xlaet ta xca'i ti ta xicham xilaje. Toj altic ti li' to cuxulune.”

Miqueas 2:3

Ja' yu'un un, xi ta xal ti Diose: “Ja' jechun ec, oy xa c'usi jnopoj ta jpas ta atojolic, ti mu xa ono'ox xacol ava'iic ta j'ech'ele, ti mu ja'uc xa cajal xava'i aba ti bu ta xaxanave, yu'un ja' o yorail ti mu'yuc c'usi lec ta xc'ot ta pasele.

Deuteronomio 30:1

“Laj xa jcaj'alboxuc ava'iic sc'oplal ti c'uxubinele, xchi'uc sc'oplal ti bac vocol ti laj cac' ana'ic snopel ta st'ujele. C'alal ta xvul ta loq'uel ta atojolic scotol ti va'i s'elan taje ti ta lumetic bu ta stenoxuc ech'el ti Ajvalil Dios avu'unique, ta xvul ta avo'ntonic ti laj cac' ana'ic snopel st'ujele.

Deuteronomio 30:4

Ti jlom avu'unic ti toj nom batic ta sjoylej banomil ti c'alal jipatic loq'uele, ta xba yich'ic tsobel talel yu'un ti Ajvalil Dios avu'unique. Yu'un xba sa' talel ti bu oyic taje.

Apocalipsis 6:16

Xi ta xalbeic ti vitse, ti ch'ene: “Loman talel ta jbacutic yo' ta xanac'uncutic ta sba ta sat ti Buch'u chotol ta muc' ta chotlebale, xchi'uc jech mu xitaecutic yu'un ti sc'ac'al yo'nton ti jcot ta Uni Chije.

Apocalipsis 9:6

Ti ja' o jech yorail taje, utsuc xa sa'ic yo' ac'o chamicuc ti jnaclejetique, mi ja'uc staic yo' ta xchamic. Manchuc yo'ntonicuc xa ya'iic chamicuc, laj to c'op, yu'un sq'uejoj sba loq'uel ta stojolic ti lajel tubele.