Jeremías 8:2 - Bible in Tzotzil de Chamula

² Lamal ta x'ictabatic comel ta c'ac'al, ta sat u, ta xojobal scotol ti c'analetic ti lec laj ya'iic ti laj sbisic ta yajvalique, ti laj yac' sbaic ta tunel yu'une, ti ta sts'acliele, ti ta sjaq'uel sbaique, ti ta snijanel xchimanel sbaique. Mu'yuc buch'u ta xc'uxubaj ta stsobel yo' ta xich'ic muquel. Co'ol s'elan stso' chon bolom busul ta xcom ta banomil.

Bible in Tzotzil de Chenalhó with Deuterocanon

² Te no'ox tanpuc chbat ta osilaltic ta sba ta sat li c'ac'al, li u, xchi'uc li c'analetique, yu'un ja' laj yich'ic ta muc', ja' itunic yu'un, ja' la sts'aclinic o, ja' la sjac'beic li c'usi tsjaq'uique, ja' la squejan sbaic ta stojol. Mu'yuc boch'o chtal stsobbe li sbaquilique, mu'yuc boch'o chtal smuc, te no'ox chch'ay batel ta banamil jech chac c'u cha'al c'a'ep.

Jeremías 8:2 Iomraidhean Croise

2 Reyes 17:16

Laj svalopatinic comel scotol smantaltac ti Ajvalil Dios yu'unique. Lic smeltsanic cha'cot sloc'obbail ch'in vacax ti unijesbil ta c'anal taq'uine, xchi'uc jun sloc'obbail ti Aserae, xchi'uc xtoc lic yich'ic ta muc' scotol ti c'usitic oy ta vinajele, xchi'uc ti Baale.

2 Reyes 21:3

Lic xcha'va'anan jujun c'opojebaletic ti laj slilinan ti Ezequías ti ja' stote. Lic xcha'meltsanan yaltar ti Baale. Lic xcha'meltsanan sloc'obbail ti Aserae jech c'u cha'al laj spas ti Acab ajvalil yu'un ti Israele. Lic snijan xchiman sba ta yich'el ta muc ta sbic'tajesel sba ta stojol ti c'usitic xnoblajet ta vinajele.

2 Reyes 21:5

Ti ta xchibal yamaq'uil xch'ulna ti Diose, laj sva'anan yan altaretic ti c'ot ta xchic'obil matanal yu'un scotol ti c'usitic xnoblajan xojobal ta vinajele.

2 Reyes 23:5

Ts'acal to un, laj sloq'uesic ta yabtel ti paleetic ti va'anbilic yu'un ti ajvaliletic ta Judá ta xchiq'uel ti pom ta jujun c'opojebaletic ti oy ta lumetic yu'un ti Judae, xchi'uc ti c'u yepal joyol ta spat xocon ti Jerusalene. Ja' jech xtoc laj sloq'uesic ta yabtel ti paleetic ti sbainojic ta xchic'bel pom ti Baale, ti c'ac'ale, ti ue, ti stsaclebtac jujutose, xchi'uc scotol ti c'analetic ti oy ta vinajele.

Salmos 53:5

Ti bu taje, ac'o mi ch'abal sc'oplal ti xi'el ta stojolique, yu'un ti Diose ta stsutses ti jcontrainvaneje. Lo'il maxiltabil ta xc'otic, bajbil tenbilic xa yu'un ti Dios une.

Salmos 83:10

ti tub sc'oplalic ta Endore, ti c'otic ta sc'a'al banomil une.

Salmos 83:11

Jech xapas ta stojolic ti cajal viniquetic yu'unique, jech c'u cha'al laj apasbe ti Orebe xchi'uc ti Zeebe. Jech xapasbe ta stojolic ti banquilaletic yu'unique, jech c'u cha'al laj apasbe ti Zebae, xchi'uc ti Zalmunae,

Eclesiastés 6:3

Xu' nan ta xil vo'vinic (100) ta vo' xnich'nab ti vinique, ti jal jabil ta xch'i xc'opoje. Manchuc mi jal ta xch'i xc'opoj un, ¿c'usi xa ono'ox bal o un, mi mu'yuc ta xet'es yo'nton ta sc'upinel ti c'usi leque, mi mu'yuc ta xich' lequil muquel une? Ta jva'an jba ta yalel ti stac' to ti c'usi ta xc'ot ta pasel ta stojol ti jyalel olole, ti ja' mu sta ta xc'ot ta stojol ti vinic taje.

Jeremías 14:16

Ti jteclum ti ta xich' albel ti va'i s'elan taje, leto vi'nal ya'iic ec jmoj xchi'uc yajnil squerem stsebtac. Jip xi loq'uel ta calleetic ta jteclum Jerusalén ti animaetic ti mu'yuc buch'u xmucune. Ja' jech ta xcac'be stojic ta sc'oj ti c'usi chopol laj spasique.

Jeremías 16:11

Xi xatac'be une: ‘Ti Diose xi ta xal ta jamale: Ti jech taje, ti atot ame'ic ta vo'nee, laj yictaicun comel. Bat sts'acliic yan diosetic ta snijanel xchimanel sbaic ta yich'el ta muc'. Laj stenicun comel ti vu'une. Laj svalopatinic ti chanubtasel laj cac'beique.

Jeremías 16:4

Ep ta tos jtsutsesvanej chamel xa'i xcham xlajic. Laj to ta alel ma' ti oy yoq'uitaelique, ti oy smuquelique, yu'un xi s'elan ta xc'otic ta stojolique: Q'uiil ta xcomic ta lumtic jech c'u cha'al tso' chon bolometic ti busul no'oxe. Leto, vi'nal xve' yu'unic. Ti sbec'tal stacopalique, xulemetic xchi'uc jti'oval chon bolometic xve' yu'unic.”

Jeremías 16:6

Ta biq'uit ta muc' ta xlajic scotol ti jteclum li'e. Mi junuc ta xich'ic muquel pixel. Mi ja'uc ta xich'ic oq'uitael. Laj to ta alel ti oy buch'u xtuch'et o'ntonal ta stojole, ti utsuc xa syayijes sbae, ti xt'axbun xa ta loq'uel ti sjole.

Jeremías 19:13

Ti naetic yu'un ti Jerusalene, ti bu chotiic ti ajvaliletic yu'un ti Judae, xchi'uc ti xcha'cojal na ti bu laj yac'beic pom ti c'usitic xojobin ta vinajele, xchi'uc ti bu laj sq'uebic ta malel ta matanal ti vino ta sventa ti yan diosetique, nom to c'ot ma' ti stac' nopel une. Ta x'albat sc'oplal jech c'u cha'al c'ot ta pasel ti ta Tofete.’ ”

Jeremías 22:19

Yu'un xi s'elan ta xc'ot ta pasel c'alal ta smuquique: Quiil xi no'ox loq'uel yajval c'alal to spat jteclum Jerusalén jech c'u cha'al junuc burro.”

Jeremías 25:33

Ti buch'u ta x'aq'ue chamuc yu'un ti Dios ti c'ac'al taje, tusul ta xcomic ta jujujot ti banomile. Mu'yuc xa buch'u x'oq'uic ta stojolic un. Mu'yuc buch'u ta x'abolaj ta stsobbel ti sbec'tal stacopalic ta muquele, co'ol s'elan stso' chon bolometic busul ta xcom ta lumtic.

Jeremías 31:40

Scotol ti stenlejal bu ta xich' muquel ti animaetique, bu ta xich' jipel ti tane, xchi'uc scotol ti osil ti oy ta yac'ol uc'um yu'un Cedrone, c'alal to ta xuc'av sbiinoj Ochebal yu'un ti Ca'etique, ti oy ta yeloval sloq'ueb c'ac'ale, c'otem ta jventa. J'ech'el mi jutebuc ta xich' jinesel scotol ma' taj une.”

Jeremías 36:30

Lec un cha'e, ti Ajvalilune ta xcal ava'i, Joacim, ajvalilot yu'un ti Judae, ti mu'yuc anitilultac ta x'och ta ajvalilal bu choti ta ajvalil ti Davide. Ti abec'tal atacopale telel ta x'ech' yu'un ti c'ac'ale xchi'uc ti taiv ta xtal ta ac'ubale.

Jeremías 9:20

Antsetic, ts'etano achiquinic yu'un sc'opojel ti Diose, a'yiic lec ti c'usi ta xal talele. Ti avantsil olique, ac'beic yil ti oq'uel avanele, xchi'uc xi, ac'o me'inal oq'uicuc ti buch'u lec xil sbaic xchi'uque:

Jeremías 9:21

Ti lajel tubele och talel ti bu nacalotique. Vul xa ta loq'uel ta jna jc'ulebtic, ti ta jbetique, naca smilic no'ox ti ololetic cu'untique, naca xlaj no'ox ti jva'lej viniquetic ti bu xvolvun ti jnaclejetique.

Jeremías 9:22

Co'ol s'elan stso' chon bolometic busul com ta osiltic ti animaetique, jech c'u cha'al ti jol trigo ta xbaj yu'un ti jtuch'-trigoe.” Ti Diose, mu stselbuj ti sc'ope.

Ezequiel 29:5

Ta jipot batel ta sbajtical banomil xchi'uc scotol ti choyetic oy ta avuc'umale. Ta jamalaltic, telel ta xac'ot. Mi junuc oy buch'u ta x'abolaj ta amuquel. Ta xalaj ta ti'el cu'un ta jti'oval te'tical chon bolometic, xchi'uc ti jti'oval mutetique.

Ezequiel 39:5

Busul ta xacomic ta osiltic. Jech laj xa cal ti vu'un Diosune. Mu stselbuj ma' ti jc'ope.

Ezequiel 6:5

Ta jbusanbe ya'i sbec'tal stacopalic ti israeletic ti bu va'al ti loc'obbail diosetic yu'unique. Javal ts'e'el no'ox cu'un ti sbaquilic ta joyob ti altaretic yu'unique.

Ezequiel 8:16

Laj taj xtoc une, laj yic'un batel ta ochebal yamaq'uil xch'ulna ti Diose, ta ochebal ti bu oy ti nupel ta bee, ta sts'el altar ti bu ta sjelta ti sc'u'ique. Laj quil ti tey oyic vo'ob xcha'vinic (25) ta vo' viniquetic ti svalopatinojic comel ti bu nupel ta bee, ti xi sq'uelojic batel ta sloq'ueb c'ac'al ti snupic xa ti banomil ta xich'ic ta muc' ti c'ac'ale.

Sofonías 1:17

Ti Diose xi ta xale: “C'ot xa ta pasel cu'un ti mu xa stac' a'yeluc ta xa'iic ti c'usi xu' ta xut sbaic ti jnaclejetique. Co'ol xa s'elan junuc ma'sat ta xanavic, ja' ti laj sa' smulic ta jtojole. Xvajet no'ox batel ti xch'ich'elic jech c'u cha'al ti pucuque, ti busul no'ox ta xcom ti sbec'talic jech c'u cha'al junuc sbel xch'ut ti chon bolometique.”

Sofonías 1:5

Ti buch'utic ta xmuyic batel ta sjol snaic ta snijanel xchimanel sbaic ta yich'el ta muc' ti c'usitic ta xac' xojobal ta vinajele, ta jtubbe sc'oplal ta j'ech'el. Ti buch'utic xquejeletic xa ta sva'anicun ta rexticoe, ti sva'anic xa ta rextico xtoc ti dios Milcome, ta jtubbe sc'oplal xtoc.

Hechos 7:42

Ti jech taj une, laj xch'ac sba loq'uel ti Dios ta stojolic ti sq'ueloj xa no'ox laj yac'be comel ta sba ti yich'icuc ta muc' ti c'analetic ti oy ta vinajele co'ol s'elan jech c'u cha'al ti xi ta xal ti ts'ibabil ta svun ti j'alc'opetique: ‘Jteclum Israel, ¿mi oy laj avac'beicun milbil matanal chon bolometic ti cha'vinic (40) jabil laxanavic ta xocol banomile?

Deuteronomio 17:3

ti ta xlic snijan xchiman sba ta yich'el ta muc' ti yan diosetique, mi ja' ti c'ac'ale, mi ja' ti ue, mi ja' ti c'analetique, ti c'alal mu jutebuc jechuc yaloj ti Diose.

Deuteronomio 4:19

C'alal ta xatoy muyel asatic ta vinajele, ti ta xavilic ti c'ac'ale, ti ue, ti c'analetique, xchi'uc scotol ti c'usi ta xvinaje, mu ta jechuc yepal xlic ajol ta soquesel abaic ta yich'el ta muq'ue. Yu'un taje, meltsanbil yu'un ti Ajvalil Dios avu'unic ta sventa ti jnaclej ta sbejel banomile.