Jeremías 7:9 - Bible in Tzotzil de Chamula

⁹ Yu'un ta xa'elc'ajic, ta xamilvanic, ta xasa' amulic, naca yeilal no'ox ta xjelav avu'unic ti ta xava'an abaic ta rexticoe. Ta xavac'beic chic'bil pom ti Baale. Ta xanijan abaic ta yich'el ta muc' diosetic ti ma'uc aventaique.

Bible in Tzotzil de Chenalhó with Deuterocanon

⁹ Ja' no'ox cha'elc'ajic, chamilvanic, chamulivajic; oy c'usi chavalic ta jtojol ti mu meleluque. Chachic'beic pom li Baale; ja' chbat avich'ic ta muc' li yantic diosetic ti mu xavotquinique.

Jeremías 7:9 Iomraidhean Croise

1 Reyes 18:21

Va'i un, ti Eliase xi laj yalbe ya'i ti lum ti nopaj ech'el ta sts'ele: —¿Bu to c'alal ta xac'an xac'ot ava'iic xchi'uc ti cha'tos snopobil avu'unique? Mi ja' bats'i Dios ti Ajvalil Diose, ts'acliic batel. Mi ja' Dios ti Baale, jechuc unbi, ts'acliic batel. Mi jbeluc c'usi laj stac' ti jteclume.

Éxodo 20:3

“Diosinicun ti vu'une, mu xadiosinic yan.

Isaías 1:13

Mu xa xavich'beicun talel matanaletic ti mu'yuc xa sc'oplal cu'une. Mu xa ts'icbaj ta xca'i ti xch'ailale. Ti vo'oxuque ta xatsobic talel ta svolel ti jteclum ta spasbel sq'uinal ti ach' ue, xchi'uc sc'ac'alil ti cuxob o'ntonale, ja'uc le' une, mu ts'icbaj ta xca'i sq'uinic ta spasic ti jchopol jnaclejetic ti mu xicta sba ta spasel ti c'usi chopole.

Isaías 58:2

Xaval yilele, yac'ojbeic xa yipal ta xisa'icun jujun c'ac'al. Xmuyubajic no'ox ta stamel ti bu ta jtojobtas batele. Co'ol xa s'elan jun jteclum ti batem yo'ntonic ta spasel ti c'usi leque. Mu'yuc stenojic ta spat ta xoconic ti c'usitic jbel tsots albil cu'une. Sc'anbeicun xa ti ac'o lecuc batuc yu'unic ti c'usitic jbel tsots albile. Stuc xa no'ox jech xmuyubajic ta q'uelel ti ta xnopajic talel ta jtojole.

Jeremías 1:16

Ta scoj taje, chapalun ta yac'bel ya'i stojic ti jsa'muliletic ti laj svalopatinicun comele, ti laj yich'ic ta muc' ta xchic'bel pom ti jyanlum diosetic ti laj sloc'taic ta meltsanel ti stuquique.

Jeremías 11:13

Yu'un yajdiostac ti Judae, co'ol yepal jech c'u cha'al yepal ti jteclumetic yu'une. Ti jnaclejetic yu'un ti Jerusalén eque, mu xa ono'ox albajuc yepal ti altaretic yu'unic yo' ta xchic'beic pom ti dios Baale, ti co'ol yepal jech c'u cha'al oy ti calleetic yu'un ti jteclume.

Jeremías 11:17

“Ti Diosun ti scotol xu' cu'une, laj cal mantal ti lamal ta xc'ot ti cuxul j'ilbajinvanej j'ac'-vocol ta stojol ti c'usi laj jts'une, ta scoj ti oy c'usi chopol laj xa spas ti jteclum Israele, xchi'uc ti jteclum Judae. Yu'un laj soquesbeicun co'nton ta scoj ti laj yac'beic matanal chic'bil pom ti Baale.”

Jeremías 13:10

Ti jteclum ti mu'yuc xch'ulel xa'i sba le'e, ta svalopatinic ta xch'unel ti c'u s'elan ta xcalbeique. Pucujineb ta spasel c'usi xal ti yo'ntonique. Bat xa snaban sbaic ta sts'acliel yan diosetic, ta yaq'uel sbaic ta tunel ta yich'el ta muc' un. Mu xa xtunic xa un jech c'u cha'al ti chuquil ti mu xtune.

Jeremías 18:15

Ja'uc ti jteclumal une laj xa xch'ayun ta yo'nton. C'ajomal xa no'ox ta xchic'beic matanal pom ti loc'obbailetic ti ma'uc Diose. Ch'ayic xa ti bu stamojic batele, laj xa yictaic comel ti vo'neal bee. St'unojic batel jun be ti mu sna'ic bu ta xbate.

Jeremías 19:4

Ti israeletique laj sjip laj stenicun comel. Yan o xa ta q'uelel yu'unic ti banomil li'e. Lic xchic'beic pom ti yan diosetic ti mu xojtiquinic jutebuque. Mi ja'uc yojtiquinojic ti stot sme'ic ta vo'nee, mi ja'uc ti ajvaliletic yu'un ti Judae. Buyuc no'ox laj smalbeic xch'ich'el ti buch'u jeche' muts'ul sba sat laj yich'ic milele.

Jeremías 32:29

Ti caldeoetic ti yacalic xa ta snet'el ti jteclume, ta x'ochic talel un. Ta stsanbeic sc'ac'al jmoj xchi'uc ti xcha'cojal naetic ti bu yac'ojbeic chic'bil pom ti Baale, xchi'uc matanal vino ti yan diosetique, ti laj soquesbeicun ti co'nton ta j'ech'ele.

Jeremías 44:3

Mu xa junuc buch'u nacal un ta scoj ti jelav ti smul scolo'ic une. Laj soquesbeicun co'nton ti nijil chimilic ta yich'el ta muc' yan diosetic ta yac'bel ti matanal pome, diosetic ti ma'uc c'otem ta sventaic ta yich'el ta muq'ue, mi ja'uc ti stot sme'ic ta vo'nee.

Jeremías 44:8

¿C'u cha'al avac'ojbeic yipal ta soquesbel co'nton yu'un ti c'usitic ta xapasic ta xavac'beic matanal pom ti diosetic li' ta lum Egipto ti bu lavulic ta nacleje? Ti jech le' une, ta xac'otic ta tsutsel yu'un. Ta xabiseic ta cotol chaval, ti nijil chimiloxuc ta q'uexlal ta sba ta satic scotol ti muc'tiquil lumetic ti oy ta sjunul banomile.

Jeremías 44:9

¿Mi yu'un ch'ay xa ta avo'ntonic ti c'usitic toj chopol laj spasic ti atot ame'ic ta vo'nee, ti c'usitic toj chopol laj spasic ti ajvaliletic yu'un ti jteclum Judae, xchi'uc ti c'usitic toj chopol laj spas ti yajnilique, xchi'uc ti c'usitic chopol laj apasic xtoque, xchi'uc ti c'usitic chopol laj spas ti avajnilic ti ta yosilal ti Judae, xchi'uc ta calleetic yu'un ti jteclum Jerusalene?

Jeremías 48:35

Ti Diose xi ta sva'an sba ta yalele: “Ta jtubbe sts'unubal ti jnaclejetic ta Moab ti batem yo'ntonic ta yac'bel milbil matanal xchi'uc chic'bil pom ti diosetic yu'unic ta jujun c'opojebaletic ti oy ta stselejtique.

Jeremías 5:2

Oy buch'u ta xal ti nijil chimil ta yich'el ta muc' ti Diose, naca sba no'ox ye.”

Jeremías 5:7

Ti Diose xi ta xale: “¿C'u ono'ox la xachi ta jch'aybot amul yu'un scotol le'e? Laj xa svalopatinun comel ti anich'nabe, ti utsuc xa sva'anic ta rextico ti diosetic ti ma'uc diosetique. Busul no'ox ti sve'el laj cac'beique. Ti stuquic une, yan ti sjol yo'ntonic ta jtojole, ti xvoletic no'ox ta yaq'uel sbaic ta stojol ti ants ti sna' sbolomalin sbae.

Jeremías 7:6

mi ta xapajes abaic ta yilbajinel ti jyanlumetique, ti me'unetique, ti me'unal antsetique, ti mu xamilic ta jeche' ti buch'u muts'ul sat ti ta xlaj avu'unic ti jnaclejetic li'e, mi ta xapajes abaic ta yich'el ta muc' ti yan diosetic ti ja' no'ox ta xata o avocolic yu'une,

Ezequiel 18:18

“Ti ja' jun j'ilbajinvanej ti stote, ti ja' jun j'eleq'ue, ti laj yilbe svocol ti steclumale, ta j'ech'el ta xcham o ta tsitsel yu'un ti smule.

Ezequiel 20:30

“Xi s'elan ta xal ti Diose, xavut ya'i ti lum Israele: ‘¿C'u cha'al lec no'ox xava'iic ta soquesel abaic jech c'u cha'al laj spasic ti atot ame'ic laj ech'uque? ¿C'u cha'al yan ajolic ta jtojol ti nijiloxuc ta yich'el ta muc' ti soquesvanej loc'obbailetique?

Ezequiel 23:39

Ti sc'ac'alil taje, laj yac'beic yich' svocol ti yalabic xnich'nabic sventa yich'el ta muc' ti loc'obbail dios yu'unique, talic ta jch'ulna ti laj soquesbeic ti sc'oplale. ¡Ja' jech laj spasic ti ta jna une!

Ezequiel 5:11

“Ti cuxul Diosune xichi ta xcale: Mi jutebuc syail xc'uxulil ti xc'uxubaj to co'nton ta jlilinoxuc ava'iic ta j'ech'ele, ti laj asoquesbeicun ti jch'ulna ta scoj sloc'obbail ti c'usitic meltsanbil ta c'abale, xchi'uc ti c'usitic mu'yuc smelol ta xapasique.

Oseas 2:13

Ta xcac'be ya'i stoj ti c'usi laj xa spasilan talele, ti laj yac'be chic'bil pom ti meltsanbil loc'obbail diosetique, ti c'alal xch'alet no'ox ta ixtolal c'abale, xchi'uc uiletic ta sts'acliel ti slo'labil sjol yo'ntone, ti laj xa svalopatinun comele. Ti vu'un Diosune, mu me lo'iluc no'ox ta xcal.

Oseas 6:9

Ti paleetique, ja' jun j'eleq'uetic ti xvoletic no'ox ti oy ta stojol ti jnaclejetique. Ta xmilvanic xchi'uc ep ta tos ti c'usitic ta spasic ti ta sbelel Siqueme.

Amós 4:5

Chiq'uic ti pan ti mu'yuc ac'bil ti spajubtasobil ta sventa matanal yu'un ti coliyale. Buyuc no'ox, caj'alic batel sc'oplal ti matanal ti ta xloc' x'ayan ta avo'ntonique. Ti jech taje, ja' sve'el ach'ulelic ta xava'iic.” Ti vu'un Diosune, mu me lo'iluc no'ox ta xcal.

Sofonías 1:5

Ti buch'utic ta xmuyic batel ta sjol snaic ta snijanel xchimanel sbaic ta yich'el ta muc' ti c'usitic ta xac' xojobal ta vinajele, ta jtubbe sc'oplal ta j'ech'el. Ti buch'utic xquejeletic xa ta sva'anicun ta rexticoe, ti sva'anic xa ta rextico xtoc ti dios Milcome, ta jtubbe sc'oplal xtoc.

Malaquías 3:5

Ti Dios ti scotol xu' yu'une xi ta xale: “Ta xtal jchapanoxuc ava'iic. Ti jech yorail taje, vu'un ta jva'an jba ta rextico ta scontrainelic ti buch'utic yac'ojbeic yipal ta sc'oponel ti sbel banomile, ti buch'utic ta xmulivaj ta yane, ti buch'utic ta jeche' no'ox ti c'usi ta sva'anic ta rexticoe, ti buch'utic ta xilbeic svocol ti j'abteletique, ti me'unal antsetique xchi'uc ti me'un mu'natetique, ti buch'utic mu'yuc stu ta xilic ti jyanlumetique, xchi'uc ti buch'utic mu x'ac'vanic ta ventae.

Romanos 2:2

Ti bu ja' melele, jna'tic lec ti ja' jech ta xchapanvan ti Dios c'alal ta xac'be stoj smul ti buch'u jech ta spasic taje.

Deuteronomio 32:17

Yu'un laj smilbeic smoton ti pucujetique, ti biiltasbilic ta diosetic ti mu ja'uc jutebuc xojtiquinique, ti ach' to sliquele, ti ach' to svulele, ti mu ja'uc oy bu jutebuc laj snijan xchiman sbaic ta yich'el ta muc' ti stot sme'ique.

Apocalipsis 21:8

Ja'uc ti buch'utic xi'el no'ox xa'i sbaique, ti buch'utic mu'yuc c'usi ta xc'ot ta yo'nton ta xch'unele, ti buch'utic xti'et sjolique, ti buch'utic jmilvaneje, ti buch'utic batem yo'ntonic ta mulivajele, ti j'ac'-chameletique, ti buch'utic ta xich'ic ta muc' ti c'usitic meltsanbil ta c'abale, ti buch'utic jutc'opetique, scotolic taje, ta xbatic ta muc' ta c'oc' ti bu ta xtil ta azufree, ti ja' xa xcha'cojal lajebale.”

Apocalipsis 22:15

Ja'uc ti jchopol-joletique, ti j'ac'-chameletique, ti buch'u ja' no'ox batem ta yo'ntonic ti mulivajele, ti jmilvaneje, ti ta xich'ic ta muc' ti c'usitic meltsanbil ta c'abale, ti buch'utic lec xa'iic ti lo'lavaneje, scotolic taje ta xcomic ta spat ti jteclume.

Jueces 5:8

“C'alal xyaquet ti leto ta sti'tac ti jteclume, mu ta vocoluc ti oy buch'u laj sa' yan sdiosique. Ja'uc le' une, mu xvinaj mi junuc macobbail, mi junuc lanza ta stojol ti cha'vinic ta mil (40,000) ti israeletique.