Jeremías 7:8 - Bible in Tzotzil de Chamula

⁸ ‘Yu'un ti vo'oxuque toj taq'uel ta muc' avu'unic ti naca jutbilal c'opetic ti mu'yuc c'usi lec ta tael yu'une.

Bible in Tzotzil de Chenalhó with Deuterocanon

⁸ ‘A'yo ava'yic, li vo'oxuque ja' no'ox chach'unic li c'usi mu meleluc, ti mu'yuc stue.

Jeremías 7:8 Iomraidhean Croise

Isaías 28:15

Xachi ta xavalique: “Laj xa jnupin jolcutic ta pasel trate xchi'uc ti lajebale, jun trate xchi'uc ti buch'u sbainoj ti animaetique. C'alal mi tal ti j'ac'vanej ta vocole, mi ja'uc xvul ta jtojolcutic. Jsa'oj xa jpojelcutic ta stojol ti buch'u jutbil ta spase. Jsa'oj xa jpojelcutic ta stojol ti buch'u naca lo'lavanej ta spase.”

Isaías 30:10

Ti buch'u jamal sba satique, xi ta x'albatique: “Mu me ave'icuc xa ta yalel ti c'usi jam aba asatic ta yilele.” Xi ta x'albatic ti j'alc'opetique: “Mu xavalic ti c'usi melel la'ac'bat anopique. Albuncutic no'ox ti c'usi xtal ta ajolique. Mu xamacbuncutic ta be ti c'usi batem co'ntoncutic ta sc'upinele.

Isaías 59:4

Yu'un mu'yuc buch'u junuc ti ja' melel ti c'usi ta xale. Mi ja'uc ta yutsilal yo'nton ti tuc' ta xchapanvane. Ja' xa xch'i o ta xa'i ti jut c'ope, ti scajanan no'ox ta bail ti c'usi ta xloc' ta yee. Naca mulil noj ta stojolic. Chamebal xa xal ti c'usitic ta xloc' ta pasel yu'unique.

Jeremías 13:25

Jech ta xac'ot ta loq'uel, Israel, loc' ta sa'el avu'un ti jech ta jpasbote. Mu lo'iluc ta xcal ma' ti vu'un Diosun une. Laj ach'ayun ta avo'nton. Laj apat avo'nton yu'un ti loc'obbailetic ti mu'yuc c'usi xu' yu'une.

Jeremías 23:26

¿C'u to ono'ox sjalil ta xbat ti j'alc'opetic taje, ti oy ono'ox ta ye ta sti'ic ta yalel ti c'usi jeche'e, ti c'alal naca no'ox spat sjol stuquic ti c'usi ta xalique?

Jeremías 23:32

Ti j'alc'opetic taje, contra ta xquil ti naca jutbil ta yesomal sjolic ti utsuc xa xaq'uic ta na'el ti oy c'usi laj xvaichinic yalojique, ti ta xc'ot ta ch'ayel yu'un ti jteclumal ta scoj ti me'inem ta ye sti'ic ti jutbil c'ope. Mu'yuc tacbilic batel cu'un. Mi ja'uc loq'uem ta que ti c'usi ta xalique. Mu'yuc c'usi lec ta staic yu'un ti jteclumale. Ti vu'un Diosune, mu lo'iluc no'ox ta xcal.

Jeremías 28:15

Va'i un, ti Jeremiase xi laj yalbe ya'i ti Hananiase: “A'yio ava'i, Hananías, ma'uc tacbilot talel yu'un ti Diose. Ti vo'ote, naca mu lo'lael patob o'ntonal ti c'usi ta xavalbe ti jteclume.

Jeremías 4:10

Xichi laj cal une: “Mu xa ono'ox cha'bel un, Dios, yu'un laj xa alo'la ti jnaclejetic yu'un ti jteclum Jerusalene. Laj avalbe ya'i ti ta staic ta xlamaj ti c'ope. Le' une, c'ajomal no'ox q'uelel ta stojolic ti cuchilu xve' yu'un ti snuq'uique.”

Jeremías 5:31

Ti c'usi ta scaj'alic ti j'alc'opetique, naca jutbil. Ti paleetique, ja' no'ox yac'ojbeic yipal ta spasel mantal ti c'usi xloc' venta ta xa'iique. Loc' ta sa'el avu'un le' une, cuni lumal. Xcaltic taj une, ¿c'usi ta xapasic xana' mi c'ot ti yorail une?’ ”

Jeremías 7:4

Mu xapat avo'ntonic ta xch'unel ti buch'u xi ta xlo'lavane: Li' oy ma' ti xch'ulna Diose, li' oy ma' ti xch'ulna Diose.

Jeremías 8:10

Jech o xal un, ta xc'ot ta pasel cu'un ta xbat ta yan vinic ti avajnilique. Ta x'och yan yajval ti avosilique. Yu'un acotolic, mi ich'bilic ta muc', mi ma'uc ich'bilic ta muc', yac'ojbe yipal ta sa'el ti c'usi ta xtun yu'un ta sventa ti c'usi chopol ta spase. Scotolic naca lo'lael ti c'usi ta spasic ti j'alc'opetique, ti paleetique.