Jeremías 7:3 - Bible in Tzotzil de Chamula

³ Xi ta xal ti Ajvalil Dios yu'un Israel ti scotol xu' yu'une: ‘Tuq'uibuc ti acuxlejalique xchi'uc ti c'usi ta xapasique. Jech ta to xcac' ch'ian c'opojanic li' ta banomile.

Bible in Tzotzil de Chenalhó with Deuterocanon

³ Jech chal li Muc'ul Dios ti tspas ta mantal scotol te ta vinajele, ja' li Dios yu'un Israele: ‘Tuq'uibtaso li atalelique, lecubtaso li avabtelique, jech xu' chcac' naclanic o li' ta banamile.

Jeremías 7:3 Iomraidhean Croise

2 Reyes 17:13

Yu'un ta xava'i une, ti Diose scaj-bijubtasoj xa ono'ox ti israeletic ta sventa ti c'usitic yaloj scotol ti j'alc'opetique, xchi'uc ti buch'utic xu' yu'un ta xjac'vanic ta stojol ti Diose, ti ac'o yicta ti c'usitic chopol stamojic ta spasele, ti c'otuc ta pasel yu'unic ti mantaletique, xchi'uc ti c'usitic jbel tsots albil ta scotol ti chanubtasel ti ac'batic comel ti smolmuc'totic ta sventa ti j'alc'opetic ti ja' yajtuneltaque.

Esdras 10:11

Ja' yu'un un, ta sba ta satuc ti Ajvalil Dios yu'un ti atot ame'ic ta vo'nee, na'o abaic lec ti oy amulique. C'otuc ta pasel avu'unic ti c'usi oy ta yo'nton ti Diose. Mu xaco'oltas avo'ntonic xchi'uc ti jnaclejetic ti yan c'u s'elan cuxulique, xchi'uc ti jyanlum antsetic ti oy ta atojolique.

Proverbios 28:13

Mu lecuc ta xc'ot xchi'uc ti buch'u smucoj no'ox ti smule; ti buch'u ta sjam ti smule, ti ta xicta comele, ta xch'aybat.

Isaías 55:7

Ti buch'u mu'yuc xch'ulel xa'i sbae, ac'o yicta ti chopol bu sq'ueloj batel xchi'uque. Ti j'esom-jole ac'o yicta ti xtal no'ox ta sjol ti c'usi ta spase. Lic ac'o abaic ta ventainel ta stojol ti Diose. Jech ti stuque, ta to xtal ti syail xc'uxul yo'nton ta atojolique. J'ech'el sutanic talel ta stojol ti Dios cu'untique, ti oy yutsil yo'nton ta xch'ayel ti mulil colo'ile.

Jeremías 17:25

Mi jech ta xapasic une, va'i unbi, oy ono'ox ajvaliletic ti ta xchotiic ti bu choti ti Davide, ti ta x'ochic talel ta ti'naetic yu'un ti jteclum li'e, xchi'uc ti scarretaique, xchi'uc ti sca'ique, ti chi'inbilic ta xtalic yu'un ti banquilaletic yu'un ti jnaclejetic ta Judae, xchi'uc ti ta jteclum Jerusalene. Ti Jerusalene, oy ono'ox ti jnaclejetic yu'une.

Jeremías 18:11

“Albo ya'i un cha'e ti yajval lum Judae, xchi'uc ti jnaclejetic yu'un ti jteclum Jerusalene, ti xi ta xcal ti vu'un Diosune: ‘Yacalun ta xchapanel ti c'usi ta xava'iic cu'une. Yacalun ta snopel ti ta xajtsitsoxuque. Comtsanic xa ti bu chopol atamojic batele. Tuq'uibuc ta q'uelel ti atalelique, ti c'usitic ta xapasique.’

Jeremías 18:8

Mi ta xicta sbaic ta spasel chopol ti muc' ta lum taje, xu' to ta xch'ay ta be ti tsitsel chapal xa cu'une.

Jeremías 26:13

Ictaic ti c'u s'elan atalelique, xchi'uc ti c'usi me'inem xava'iic ta spasele. Ch'unic c'usi ta sc'an ti Ajvalil Dios avu'unique yo' jech xu' to ta stselbuj ti cuxul ilbajinel ti q'uelel talel laj caj'albe sc'oplale.

Jeremías 35:15

Yu'un ta ono'ox jtaquilan talel ta atojolic scotol ti cajtunel j'alc'optac ti xi ta xalboxuque: Ictaic comel ti chopol avo'ntonique, ti chopol ti c'usi ta xapasique. Mu xanijan xachiman abaic ta sts'acliel ti yan diosetique yo' mu'yuc c'usi xana'ic ta naclej ta banomil ti laj cac'boxuque, ti laj cac'beic ti atot ame'ic ta vo'nee. Mi ja'uc laj avaq'uicun ta venta. Mi ja'uc laj ach'unbeicun un.

Jeremías 35:16

Yan ti snitilultac ti Jonadab xnich'on ti Recabe, c'otem ta pasel yu'unic ti c'u s'elan albatic comel mantal yu'un ti stot sme'ic ta vo'nee. Yan ti jteclum Israele, mi ja'uc sc'an xch'unic ta spasel.

Jeremías 4:1

Ti Diose xi ta xale: “Israel, mi xac'an to xasutes aba, mu yanuc bu xatam batel, tuc' xasut talel ta jtojol. Mi j'ech'el laj aten loq'uel ti j'ac'-vocol loc'obbailetic avu'une, mi mu xach'ac aba ta jtojol,

Jeremías 6:16

Ti Diose xi ta xalbe ti steclumale: “Va' chianic, q'uelic ti beetique, ti vo'neal beetic ti bu xpolte poltee. Jac'beic bu junucal ti lec ta tamel batele. T'unic batel un, ta xataic ti xcuxubil avo'ntonique.” Ti stuquic une xi laj staq'uique: “Mo'oj unbi, mu jc'an jtamcutic batel.”

Santiago 4:8

Nopajanic ta stojol ti Diose, jech ti stuque ta xnopaj talel ta atojolic ec. Jsa'muliletic, ac'o ta poquel ti ac'obique. Ti vo'oxuc ti c'ux ta xava'iic ti Diose xchi'uc ti mu tuch'baj ta avo'ntonic ta xava'iic ti sc'upijel banomile, aq'uic ta tusel ta poquel ti avo'ntonique.