Jeremías 7:2 - Bible in Tzotzil de Chamula

² “Bat va'ano aba ta ochebal ti' ch'ulna yu'un ti Diose, xi xavac' ta na'el ti c'op li'e: Jnaclejetic yu'un scotol Judá ti ta xa'ochic talel ta ti'naetic ta yich'el ta muc' ti Diose, ts'et chiquintaic ava'iic ti c'op li'e:

Bible in Tzotzil de Chenalhó with Deuterocanon

² “Bat va'lan te ta sti' jch'ulna, ja' jech xaval chac li'i: Jnaclumetic ta Judá, a'yo ava'ay acotolic c'usi chal li Muc'ul Diose, vo'oxuc ti cha'ochic tal, ti chtal avich'ic ta muc' li'i.

Jeremías 7:2 Iomraidhean Croise

1 Reyes 22:19

Ti Micaiase xi lic yalilane: —Ti jech laj aval ti va'i s'elan taje, xi chiquintao ava'i sc'opojel ti Diose: Laj quil ti chotol ta chotlebal ti Diose. Va'alic ta sts'el scotolic ti ac'bil yabtelic ti oy ta vinajele, ti vololic ta xocon sts'et c'obe, ti ta xocon sbats'i c'obe.

Salmos 122:2

Jerusalén, li' xa oyuncutic ta yut ti ti'naetic avu'une.

Isaías 1:10

Ti co'ol atalelic jech c'u cha'al ti banquilaletic yu'un ti Sodomae, a'yio ava'iic sc'opojel ti Diose. Ti co'ol atalelic jech c'u cha'al ti jteclum Gomorrae, ts'etano achiquinic ta ya'yiel ti c'u s'elan ta xchanubtasoxuc ti Dios cu'untique.

Jeremías 10:1

Jteclum Israele, ts'et chiquintao ava'iic ti c'op stacoj talel ti Diose.

Jeremías 11:6

Va'i un, ti Diose xi laj yalbune: “Ti c'op li'e, puco batel ta jteclumetic yu'un ti Judae xchi'uc ta calleetic yu'un ti Jerusalene. Xi xavalbe ya'i ti jnaclejetique: ‘Chiquintao ava'i lec ti c'u s'elan ta xal jujubel ti trate li'e. C'otuc ta pasel avu'unic un.

Jeremías 19:14

Laj taj une, sut ech'el ta Tofet ti Jeremiase, ti bu tacbil bat yu'un Dios yo' ta xc'opoj ta sventae. Laj sva'an sba ta yamaq'uil ch'ulna ti xi lic yalbe ya'i scotol ti jteclum une:

Jeremías 2:2

“Bat c'opojan ta stojol ti lum Jerusalene, xi tsots xaval yo' ta xa'iic lec: ‘Bejel ta jol ta xca'i ti mu jipbajun laj ava'i c'alal yach'il to ox laj jnabanot ta jpat jxocone. Jun avo'nton laj atsacliun ta sbajtical banomil ti bu mu'yuc c'usi xloc' x'ayane’, xi ma' ti Dios une.

Jeremías 2:4

Snitilultac Jacob, jujuchop jnaclejetic ta sjunul Israel, chiquintabeic lec ava'iic sc'opojel ti Diose.

Jeremías 26:2

“Ba va'ano aba ta yamaq'uil ti ch'ulnae. Scotol ti c'u s'elan laj calbote, albo ya'i scotol ti jnaclejetic ta xliquic talel ta jteclumetic yu'un Judá ti ta xtalic snijan xchiman sbaic li' ta ch'ulnae. Ma'uc me ti avo'nton no'ox sna'e.

Jeremías 28:5

Ti j'alc'op Jeremiase xi lic stac'be sutel sc'op ti j'alc'op Hananías ta sba ta sat ti paleetique, xchi'uc ta stojol scotol ti jteclum ti c'u yepal oyic ta ch'ulnae:

Jeremías 34:4

Ti jech scotol taj une, ts'et chiquintao ava'i lec li'e, Sedequías ajvalil yu'un Judá, ti xi ta xcalbot ava'i ti vu'un Diosune: Mu xve' avu'un ti espadae.

Jeremías 36:10

Ti Baruque bat ta jamal amac' yu'un ch'ulna, ta Ach' ochebal Ti'na, bu ti oy jc'ol na yu'un ti Gemarías xnich'on ti Safan ti sbainoj ta yalel ti c'usitic ta xc'ot ta pasele. Lic yavtabe ya'i scotol jteclum ti c'usi yaloj Jeremías ti ts'ibabil ta balbil vune.

Jeremías 36:6

Batan un c'alal ta sta yorail ta scomtsan ti yotic xtoque. Xavavta liquel ti c'u s'elan laj jchol ta alel ti laj ats'ibae, yo' jech ti jteclume, xchi'uc scotol ti jnaclejetic yu'un ti jteclum Judá ti talemic li'e, ya'iicuc sc'opojel ti Diose.

Jeremías 44:24

Ti Jeremiase c'opoj ta stojol scotol jteclum ti naca sc'oplal antsetic ti xi laj yale: “Acotolic ti c'u avepalic oyoxuc ta Egipto ti ja' alumalic ti Judae, a'yio ava'iic sc'opojel ti Dios ta xal talel ta atojolique.

Jeremías 7:1

Ti Diose xi c'opoj ta stojol ti Jeremiase:

Ezequiel 37:1

Ti Diose laj yac' talel sc'ob ta jtojol. Ventainbil lic'ot yu'un ti smuc'ul stsatsale. Bat sva'anun ta jun stenlejal ti bu busul ti baque.

Oseas 5:1

“A'yio ava'iic li'e, paleetic. Ts'etano lec ani' achiquinic, jteclum Israel. A'yio ava'iic, ti vo'oxuc chotoloxuc ta ajvalilale. Xi s'elan ta xc'ot ta atojolique: Lac'otic ta jun pets' ta Mizpa. Lac'otic ta yacobbail ta vits Tabor. Chapal xa ac'oplalic ta xavich'ic chapanel.

Amós 7:16

Ja' yu'un un cha'e, a'yio ava'i sc'opojel ti Diose. Ti vo'ote, xi s'elan ti ta xavale: ‘Mi ja'uc jutebuc xava'an aba ta c'opojel ta sventa ti Dios ta scontrainel ti israeletique. Mi ja'uc jutebuc oy c'usi xaval ta scontrainel ti snitilultac ti Isaaque.’

Miqueas 1:2

Acotolic jteclumetic, ts'etano achiquinic ta ya'yiel li'e; acotolic jnaclejetic ta banomil, a'yio ava'iic li'e ti xi s'elan ta xc'ot ta pasele: Ti Diose ja' ta sva'an sba ta rextico yo' ta scontrainoxuc, yu'un ta xch'ulna to ta sva'an sba talel.

Miqueas 3:1

Ts'etano achiquinic ta ya'yel ava'iic tana li'e, ajvaliletic xchi'uc banquilaletic yu'un ti Israele. ¿Mi yu'un ma'uc ac'oplalic ta xava'iic ti tsots sc'oplal ac'o ana'ic ti lequil chapanele?

Miqueas 3:9

Ts'etano achiquinic ta ya'yiel ava'iic tana li'e, ajvaliletic, banquilaletic yu'un ti Israele, ti xti'et ajolic yu'un ti c'usi lec ta pasele, ti ta xayanijesic ti c'usi tuc' nopbile,

San Mateo 13:9

Mi oy achiquinique, a'yio ava'iic.

San Juan 18:20

Xi laj stac' ti Jesuse: —Ta sba ta sat scotolic lichanubtasvan. Yu'un laj jva'an jba ta chanubtasvanej ta muc' ta ch'ulna xchi'uc ta ch'ul naetic ti bu ta stsob sbaic ti israeletique. Mu'yuc c'usi ta mucul laj cal.

Hechos 5:20

—Loc'an batel, batanic ta muc' ta ch'ulna. Ba albeic ya'i ti jnaclejetic ta banomil sc'oplal ti ach' cuxlejale.

Hechos 5:42

Jujun c'ac'al ta xchanubtasvanic. Ta xalbel sc'oplal ti Jesucristoe jech c'u cha'al ta ch'ulna, mi ta naetic.

Apocalipsis 2:11

Ti buch'u oy xchiquine, ac'o ya'i lec c'usi ta x'albatic yu'un Ch'ul Espíritu ti jch'unolajeletique. Ti buch'u ta stsal yu'un scotole, mu xa c'usi ta spasbat yu'un ti xcha'cojal chamebal lajebale.”

Apocalipsis 2:17

Ti buch'u oy xchiquine, ac'o ya'i lec ti va'i s'elan ta x'albat yu'un Ch'ul Espíritu ti jch'unolajeletique. Ti buch'u ta stsal yu'un scotole, ta xcac'be sve' ti maná nac'bil leque, xchi'uc ta xcac'be jbej saquil ton ti bu tsacbil jun ach' biil ti mu'yuc buch'u xojtiquine, ti ja' no'ox ta xojtiquin ti buch'u ta xich'e.”

Apocalipsis 2:29

Ti buch'u oy xchiquine, ac'o ya'i lec ti va'i s'elan ta xal ti Ch'ul Espíritu ta stojol ti jch'unolajeletique.”

Apocalipsis 2:7

Ti buch'u oy xchiquine, ac'o ya'i lec c'u s'elan ta x'albat yu'un Ch'ul Espíritu ti jch'unolajeletique. Ti buch'u ta stsal yu'un scotole, ta xcac'be slo' ti sat te' ti sventa cuxlejal ti teq'uel ta yavil ts'unubal yu'un ti Diose.”

Apocalipsis 3:13

Ti buch'u oy xchiquine, ac'o ya'i lec ti va'i s'elan ta xal ti Ch'ul Espíritu ta stojol ti jch'unolajeletique.”

Apocalipsis 3:22

Ti buch'u oy xchiquine, ac'o ya'i lec ti va'i s'elan ta xal ti Ch'ul Espíritu ta stojol ti jch'unolajeletique.”

Apocalipsis 3:6

Ti buch'u oy xchiquine, ac'o ya'i lec ti va'i s'elan ta xal ti Ch'ul Espíritu ta stojol ti jch'unolajeletique.”