Jeremías 7:10 - Bible in Tzotzil de Chamula

¹⁰ Ts'acal to un, ta xatalic ta ch'ulna li'e, ti ja' com ta jventae, yu'un ta xtal ava'an abaic ta jtojol. Avac'toicuc ti lec oyoxuque. Avac'toicuc ti q'uelbiloxuc no'ox ti avac'ojbeic yipal ta spasel ti c'usi mu ts'icbaj ta xca'i yu'une.

Bible in Tzotzil de Chenalhó with Deuterocanon

¹⁰ Ts'acal chtal ava'an abaic ta jtojol li' ta ch'ulna cu'un ti bu chquich' ich'el ta muq'ue. Chavalic ti lec jun avo'ntonique, ti xu' chapasic o batel li c'usi toj chopol chquile.

Jeremías 7:10 Iomraidhean Croise

1 Reyes 9:3

Va'i un, xi albate: “Ti xavocolet lac'opoj lati'in ta jtojole, laj xa ca'i. Laj xa quich' ta jventa ti ch'ulna ti laj ava'anbun ta jna sventa yo' bu ich'bilun ta muc' ta xic'ot sbatel osile. Ja' yu'un un, ta jchabi, mi ja'uc ch'aybaj xca'i.

2 Reyes 21:4

Laj smeltsan yan altaretic ta xch'ulna ti Diose, ti c'alal laj ono'ox yal stuc ti Diose ti ja' staobil ta na'el stuc ta Jerusalene.

2 Crónicas 33:4

Laj sva'anan altaretic xtoc ta xch'ulna Dios ti albil sc'oplal yu'un Dios ti comem o ta xch'ulna sbatel osil ta Jerusalene.

2 Crónicas 33:7

Ja' jech xtoc laj sva'an ta xch'ulna Dios ti loc'obbail laj yac' ta meltsanele, c'alal xi albat sc'oplal yu'un Dios ti Davide, xchi'uc ti xnich'on ti Salomón sbie: “Ti ch'ulna li' ta Jerusalene, ti laj jt'uj ta scotol yosilal ti jayvoc' Israele, c'ot ta yavil ti bu ta xi'ich'at ta muc' sbatel osile.

Proverbios 15:8

Ti Diose, j'ac'-ib-o'ntonal ta xil ti matanal ta xaq'uic ti buch'u mu'yuc xch'ulel xa'i sbaique; xmuyubaj xchi'uc ti sc'opojel sti'inel ti buch'u oy stuq'uil sjol yo'ntonique.

Isaías 48:2

ti xachi ta xaval ti liquemoxuc talel ta ch'ul jteclume, ti ja' yip avo'nton ti Dios yu'un ti Israele, Dios ti scotol xu' yu'une:

Jeremías 32:34

C'ot ta pasel yu'unic un, laj soquesbeicun ti jch'ulna ti c'otem ta jventae. C'ot xa ta sva'anobil loc'obbailetic yu'unic ti mu jutebuc lec ta xquile.

Jeremías 34:15

Tana une, laj xa ox ajel ti snopobil avu'unique. Laj xa ox apasic ti c'usi lec ta xquile. Laj acoltaic loq'uel ta mosovil ti avinquilelique. Yu'un laj avac' atrateic ta jtojolal ta ch'ulna ti meltsanbil ta jventae.

Jeremías 44:9

¿Mi yu'un ch'ay xa ta avo'ntonic ti c'usitic toj chopol laj spasic ti atot ame'ic ta vo'nee, ti c'usitic toj chopol laj spasic ti ajvaliletic yu'un ti jteclum Judae, xchi'uc ti c'usitic toj chopol laj spas ti yajnilique, xchi'uc ti c'usitic chopol laj apasic xtoque, xchi'uc ti c'usitic chopol laj spas ti avajnilic ti ta yosilal ti Judae, xchi'uc ta calleetic yu'un ti jteclum Jerusalene?

Jeremías 7:11

Ti ch'ulna li'e, ti ja' jtaobil ta na'ele, ¿mi yu'un ta xanopic ti ja' snail ch'en j'eleq'uetique? Le'e, quiloj scotol. Ti vu'un Diosune, mu lo'iluc no'ox ta xcal.

Jeremías 7:14

Jech o xal, ti c'u s'elan laj jpas ta stojol ti ch'ulna ta Siloe, ja' jech ta jpasbe ta stojol ti jtaobil ta na'el ta ch'ulna li'e, ti laj cac'boxuc xchi'uc ti atot ame'ic ta vo'nee, yo' jech oy yip avo'ntonic xchi'uc.

Jeremías 7:30

Ti Diose xi ta xal ta jamale: “Ti jnaclejetic ta jteclum Judae, oy c'usi xi laj spasic ti mu lecuc ta xca'i yu'une: Yu'un ta ch'ulna ti bu c'otem ta cu'une, laj soquesic, yu'un bat yaq'uic ti j'ac'-ti'ol loc'obbailetic yu'unique. Laj soquesic un.

Ezequiel 20:39

‘A'yio ava'iic, jteclum Israel, xi s'elan ta xal ti Diose: Ba loq'ueso avil avo'ntonic ta yich'el ta muc' ti loc'obbailetic avu'unique. Ta ts'acal ti vo'oxuc une ta xlic avaq'uicun ta venta, yu'un laj c'op ta soquesel jc'oplal ta yaq'uilanel matanal ta sventa ta yich'el ta muc' ti loc'obbailetic avu'unique.

Ezequiel 23:29

Xti'et sjolic avu'un. Ta xu'ninic ti c'usitic x'ayan avu'un ta sventa ti laj apich' avoc ac'ob yu'un ti avabtele, xchi'uc ti laj avac'be yipal ti bu xal avo'nton ta sc'upinel abae. Ta xa xcuxul t'ananic, ta xvinaj ti bu laj abolomalin aba xchi'uque.

Ezequiel 23:37

Laj xa svalopatinicun comel. Bonol ta ch'ich' ti sc'obique. Laj svalopatinicun comel ta scoj ti laj snijan sbaic ta yich'el ta muc' ti loc'obbail diosetic yu'unique. Ta sventa xi'el stoyel ti diosetic yu'unique, laj yac'be yich' svocol ta xchiq'uel ta c'oc' ti yalab xnich'nab laj quilic xchi'uque.

Ezequiel 23:39

Ti sc'ac'alil taje, laj yac'beic yich' svocol ti yalabic xnich'nabic sventa yich'el ta muc' ti loc'obbail dios yu'unique, talic ta jch'ulna ti laj soquesbeic ti sc'oplale. ¡Ja' jech laj spasic ti ta jna une!

Ezequiel 33:25

“Xi xavalbe ya'iic ma' taj une: ‘Xi ta xal ti Diose: Ti vo'oxuque, capal xchi'uc xch'ich'el ti beq'uet ta xalajesique. Naca xyal no'ox avoc ac'obic ta milvanej. Quejel chimiloxuc ta yich'el ta muc' ti c'usitic meltsanbil ta c'abale ¿Mi xc'ot to o avalojic ta xac'otic ta yajval jun muc' ta lum une?

Ezequiel 33:31

Ti jteclumale ta xtalic, xchotiic xa vulel ta ats'el jech c'u cha'al liquem yu'unic ta ya'yiel ti ac'ope. Ti c'usi ta xaval une, mi jutebuc ta yo'ntonic ta spasic. Cacal ta yeic ta yalel jech c'u cha'al sq'uejimol jun lecombail, yu'un naca taq'uin ti ic'bil yo'ntonic xchi'uquique.

Ezequiel 5:11

“Ti cuxul Diosune xichi ta xcale: Mi jutebuc syail xc'uxulil ti xc'uxubaj to co'nton ta jlilinoxuc ava'iic ta j'ech'ele, ti laj asoquesbeicun ti jch'ulna ta scoj sloc'obbail ti c'usitic meltsanbil ta c'abale, xchi'uc ti c'usitic mu'yuc smelol ta xapasique.

Daniel 9:18

Va'lan, tec'lan, muc'ul Dios, a'yibun, tuc'ulano lec ti vi s'elan lilinatcutique jmoj xchi'uc ti jteclum ti bu ta xavich' tael ta c'oponele. Ti va'i s'elan xivocolet ta sc'anbelote, mu xu' ta jpat co'ntoncutic ti ta jlequil no'ox jtuccutic ti c'usi lec ta xc'ot ta pasele. Yu'un ja' no'ox ta jtacutic ta sventa ti mu no'ox albajuc ti syail xc'uxul avo'ntone.

Oseas 6:9

Ti paleetique, ja' jun j'eleq'uetic ti xvoletic no'ox ti oy ta stojol ti jnaclejetique. Ta xmilvanic xchi'uc ep ta tos ti c'usitic ta spasic ti ta sbelel Siqueme.

Amós 4:5

Chiq'uic ti pan ti mu'yuc ac'bil ti spajubtasobil ta sventa matanal yu'un ti coliyale. Buyuc no'ox, caj'alic batel sc'oplal ti matanal ti ta xloc' x'ayan ta avo'ntonique. Ti jech taje, ja' sve'el ach'ulelic ta xava'iic.” Ti vu'un Diosune, mu me lo'iluc no'ox ta xcal.

Sofonías 1:5

Ti buch'utic ta xmuyic batel ta sjol snaic ta snijanel xchimanel sbaic ta yich'el ta muc' ti c'usitic ta xac' xojobal ta vinajele, ta jtubbe sc'oplal ta j'ech'el. Ti buch'utic xquejeletic xa ta sva'anicun ta rexticoe, ti sva'anic xa ta rextico xtoc ti dios Milcome, ta jtubbe sc'oplal xtoc.

Malaquías 3:15

Quilojtic lec ta jba ta jsatic ti xmuyubajic no'ox ti buch'utic jtoyobbaetique. Ja' jech no'ox xtoc, ti buch'utic mu'yuc xch'ulel xa'i sbaique, lec ti c'usi ta staique. Ja' jech no'ox xtoc, ti buch'utic ta slajeltsabeic yo'nton ti Diose, mi ja'uc jutebuc ta x'ac'bat stojic.’ ”

San Mateo 23:13

“¡Mu cha'belucoxuc un, jchanubtasvanejetic yu'un ti oy c'usi tsots albil sc'oplale, jpac'taejba fariseoetic! ti mu xavaq'uic ochuc ti buch'utic ta sc'anic ventainel yu'un ti Diose. Mi ja'uc xa'ochic, mi ja'uc xavac' ochicuc ti buch'utic ta sc'an ta x'och ya'iique.

San Juan 13:18

“Ma'uc ac'oplal acotolic ti va'i s'elan laj cale, yu'un jna'oj ti buch'u t'ujbilic cu'une. Ja'uc le'e, yu'un tsots sc'oplal ta xc'ot ta pasel jech c'u cha'al ti xi ts'ibabil ta ch'ul c'ope: ‘Ti buch'u jmoj ta xive' xchi'uque, joybij ta cajcontra.’

San Juan 18:28

Ti Jesuse ic'bil loc' batel ta sna ti Caifase, yic'ojic batel ta stojol ti its'inal ajvalil Romanoe. Ti jech jutuc xa sc'an sacub talel ti osile, ti israeletique mu'yuc x'ochic batel bu oy ti ajvalile yo' mu sta smulic yu'un ti c'u s'elan liquem yu'unique. Mi mu jechuque, mu xu' ta xve'ic ta sventa ti q'uin Colele.