Jeremías 6:1 - Bible in Tzotzil de Chamula

¹ Jnaclejetic ta yosilal Benjamín, sa'ic ti bu xu' ta xanac' abaique. Jatavanic loq'uel ti ta jteclum Jerusalene. Oq'uisanic ti oq'ues ta jteclum Tecoae. Va'anic senyail ta Bet-haquereme, yu'un ta yolon to ti yolon xocon sloq'ueb c'ac'ale, ta xlic talel ti cuxul j'ilbajinvanej ti mu albajuc ta xac' ti vocole.

Bible in Tzotzil de Chenalhó with Deuterocanon

¹ Smomnich'nab Benjamín, jatovanic loq'uel te ta Jerusalén; sa'ic ti bu xu' chanac' abaique. Jupanic oq'ues te ta Tecoa; aq'uic ta ilel ch'ayil, ja' senyail te ta Bet-haquerem, yu'un oy c'usi toj xi'bal sba, toj tsots vocol ta xlic tal ta norte.

Jeremías 6:1 Iomraidhean Croise

2 Samuel 14:2

Va'i un cha'e, laj stac ta iq'uel jun ants ti nacal ta Tecoa ti sna' c'usi x'utvan ta lo'lavaneje, ti xi laj yalbe ya'ie: “Biso aba ti oyot ta me'inale. Lapo c'u'il sventa me'inal. Mi ja'uc xajaxbe aba muil poxil, ti vinajuc yilel ti ja' jun ants ti oy xa sc'ac'alil oyot ta me'inal ta scoj ti oy buch'u chamem avu'une.

Nehemías 3:14

Ti Malquías xnich'on ti Recabe, ajvalil ta yosilal ti Bet-haquereme, laj stuq'uibtas ta smeltsanel ti ti'na ti Ch'ayob C'a'ep sbie. Laj sta lec yav yu'un. Laj xchotanbe sti'tac, syavialtac, xchi'uc sc'atlomte'altac.

Nehemías 3:5

Ti c'usitic laj yich' jeltael xjelav batele, laj smeltsanic ti buch'utic liquemic talel ta Tecoae, ac'o mi mu'yuc xc'ot ta yo'ntonic ti banquilaletic yu'un ta stic' sbaic ta scoltael ti jtojobtasvanejetic yu'une.

Jeremías 10:22

A'yio ava'iic, vul ta loq'uel jbel ti c'ope. Ti yajval muc' ta lum ti oy ta yolon ti yac'ol xocon sloq'ueb c'ac'ale, xvolet no'ox talel ta slilinel ti jteclumetic yu'un ti Judae, ti sic cotan ta xcom ti jteclumetic yu'une, ti naca oq'uiletic xc'ulet liquel teye.

Jeremías 25:9

va'i un, ta jtac ta iq'uel scotol ti jteclumetic ti oyic ta yolon ti yolon xocon sloq'ueb c'ac'ale, xchi'uc ti cajtunel Nabucodonosor ajvalil yu'un ti Babiloniae, yo' ta stsac ta leto scotol ti jnaclejetic yu'un ti lum li'e, xchi'uc ti c'u yepal joyol ta spat ta xocon ti muc'tiquil lumetique. J'ech'el ta jtsutsesic ya'iic. Stuc slilijemal sicotan ta xcom cu'un ta j'ech'el, ti mu albajuc xi'elal ta xaq'ue.

Jeremías 4:29

Ti x'avlajetic ti buch'utic cajajtic ta ca'e, xchi'uc ti j'ac'-yolobetique, scotol ti jnaclejetique xbitic no'ox loq'uel ta anil ta xbat snac' sbaic ta chuculaltic, mi mo'oje, ta xmuyic ech'el ta lican ch'entic. Tenbil jipbil ta xcom yu'unic scotol ti jteclume. Mu'yuc xa buch'u xu' ta xnaqui un.

Jeremías 6:22

Ti Diose xi ta xale: “Ta namal banomil to ti oy ta yolon ti yolon xocon sloq'ueb c'ac'ale, yacal xa ta xchapan sba talel ti jun muc' ta lum ti jelavem xu' yu'une.

Amós 1:1

Ti c'op li'e, ja' albil yu'un ti Amose, jun jq'uel-chij ti nacal ta jteclum Tecoae. Chib to jabil sc'an ti bu c'ot ta pasel ti lic niquele, c'alal ja' o tiq'uil ta ajvalil ti Uzías ta jteclum Judae, xchi'uc ti Jeroboam xnich'on ti Joás tiq'uil ta ajvalil ta Jteclum Israele, ti c'oponat yu'un Dios ti Amós ta sventa sc'oplalic ti Israele:

Amós 3:6

Mi xtutet xa liquel ti oq'ues ta jun jteclume, mu xa stac' a'yeluc ta xa'i c'usi xu' ta spas ti jteclume. Mi oy c'usi chopol c'ot ta pasel ta jun jteclume, yu'un jech c'ot ta nopel yu'un ti Diose.

Zacarías 6:6

Ti carreta ti jochbil ta ic'al ca'etique, stamoj batel sbeic ta stuq'uil muc' ta jteclum ti oy ta yolon ti yolon xocon sloq'ueb c'ac'ale. Ti carreta ti jochbil ta saquil ca'etique stamoj batel sbeic ta stuq'uil muc' ta lum ti oy ta stuq'uil smaleb c'ac'ale. Ti carreta ti jochbil ta ca'etic ti sac pojantic sba tsajale stamoj batel sbeic ta stuq'uil muc' ta lum ti oy ta stuq'uil yolon ti yac'ol xocon sloq'ueb c'ac'ale.”

Josué 15:63

Ja'uc ti snitilultac ti Judae, mu'yuc xu' yu'unic ta stenel loq'uel ti jebuseoetic ti nacalic ta yosilal ti Jerusalene. Avi tana le' une, ti jebuseoetique staoj yav jmoj nacalic xchi'uc ti snitilultac ti Judá ta Jerusalene.

Jueces 1:21

Ja'uc snitilultac ti Benjamine, mu'yuc xu' yu'unic ta stenel loq'uel ti jebuseoetic ti nacalic ta Jerusalene. Jech o xal avi tana le' une, snitilultac ti Benjamine staoj yav jmoj nacalic xchi'uc ti jebuseoetic ta Jerusalene.